Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев. Архивдик сүрөт

Адис: тамактан ууланбаш үчүн 7 нерсеге көңүл буруу керек

439
(жаңыланган 10:21 01.08.2019)
Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев күн ысыкта инфекциялык ооруларга чалдыккандардын саны өсөрүн айтты.
Адис: тамактан ууланбаш үчүн 7 нерсеге көңүл буруу керек

Жай мезгилинде катталган уулануулардын көпчүлүгү тамак-аш туура сакталбай жана өздүк гигиенага көңүл бурулбагандыктан болот. Бул тууралуу Махамат Мурзашев Sputnik Кыргызстан радиосуна маек куруп жатып билдирди.

Анын айтымында, инфекциялык ооруларга чалдыккандардын басымдуу бөлүгү жаш балдар.

"Ысыкта тамак-ашты сактоо эрежелерин кынтыксыз аткарыш керек. Себеби азык-түлүк бат бузулат. Мындан улам тамак жасаганда аны бир отуруп жеп түгөткөндөй даярдоо зарыл. Эгер калып калса, аны дароо муздаткычка салуу керек. Жылуу жерде туруп калган тамакты жебеш керек. Ачып кетиши мүмкүн. Ошондой эле той-аштардан келген эт жана салаттардан абайлагыла. Этти үйгө келгенден кийин сууга бир кайнатып алган жакшы. Ал эми салаттардан баш тартып койсо болот. Мындан сырткары, жашылча-жемиштерди эки сыйра жууп, кийин кайнак суу менен чайкоо зарыл. Буга кошумча, өздүк гигиенаны да эстен чыгарбаш керек. Айрымдар убара болгусу келбей бул кеңештерге көп маани бербейт. Бирок андай шалаакылыктын кесепети кейиштүү болуп калышы ыктымал. Жабыркаган ден соолукту калыбына келтириш кыйла оор", — деди Мурзашев.

Ошондой эле ал үстүбүздөгү жылы ишкерлерди текшерүүгө мораторий киргенден тарта коомдук тамактануучу жайларга санитардык-эпидемиологиялык көзөмөл жүргүзүлбөй калганын кошумчалады.

439
Белгилер:
эреже, ден соолук, уулануу, тамак-аш, жай
Тема боюнча
Дарыгер: үй шартында даярдалган салат, тамак-аштан уулангандар көбөйдү
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: алты айдын жыйынтыгы менен 5 млрд сом салык чогулбай калды

28
(жаңыланган 16:09 07.07.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков пандемиядан улам киргизилген карантинге байланыштуу ишкерлерге жеңилдиктер берилгенин айтты.
Сазыков: алты айдын жыйынтыгы менен 5 млрд. сом салык чогулбай калды

Июнда 5 миллиард 313 миллион салык чогултуу пландалган болсо, 6 миллиард 622 миллион сом салык чогултулуп, план 124 пайызга аткарылды. Анткен менен алты айдын жыйынтыгы аткарылбай, 5 миллиард сомдун тегерегинде салык чогулбай калды. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Анын айтымында, салык төлөөнү жарандар мобилдик банкинг, терминалдар, банктар аркылуу аралыктан ишке ашыруусуна мүмкүнчүлүктөр бар.

Жыл башынан бери мамлекеттик карызды төлөөгө канча акча жумшалды

"Коронавирустан улам киргизилген карантинге байланыштуу ишкерлерге тийиштүү жеңилдиктер берилген. Мисалы, салыктар өз убагында төлөнбөсө, туумдар өспөйт, отчеттор 1-июлга чейин токтотулган. Ошондой эле салыктык текшерүүлөр 2021-жылдын 1-январына чейин жүргүзүлбөйт. Мындан тышкары, пандемия учурунда карыздары топтолуп калган болсо, аны бөлүп төлөө мүмкүнчүлүгү бар. Абалдын ушундай экенине карабастан салык органдары карантин бүтөрү менен толук кандуу ишке киришти. Ошондой эле ишкерлер дагы бизнесин жандантып, салык төлөй башташты. Натыйжада июнь айында 5 миллиард 313 миллион салык чогултуу пландалган болсо, 6 миллиард 622 миллион сом чогултулуп, план 124 пайызга аткарылды. Анткен менен эпидемиологиялык абалдан улам алты айдын жыйынтыгын толук аткарууга мүмкүн болгон жок. Тактап айтканда, 5 миллиард сомдун тегерегинде салык чогулбай калды. Бул кем-карч жылдын этегине чейин жоюлат деген ишеним бар. Анткени учурда жер-жерлерде тийиштүү аналитикалык иштер жүргүзүлүүдө", — деди Сазыков.

Ошондой эле ал жарандар жергиликтүү салыктарды 1-сентябрга чейин төлөшү керектигин кошумчалады.

28
Белгилер:
карантин, ишкер, салык, Эркин Сазыков
Тема боюнча
Салыктан качкан ишканалардын ЖМКга жарнама беришине тыюу салуу сунушталды
Кыргыз фондулук биржасы жабык акционердик коомунун президенти Медет Назаралиев

Назаралиев: ЕАЭБ өлкөлөрү ортосунда бирдиктүү биржа рыногу түзүлөт

39
"Кыргыз фондулук биржасы" жабык акционердик коомунун президенти Медет Назаралиев Кыргыз фондулук биржасы 2025-жылы ЕАЭБ мамлекеттери менен биргеликте ири финансылык рынокто иш алып барарын айтты.
Назаралиев: ЕАЭБ өлкөлөрү ортосунда бирдиктүү биржа рыногу түзүлөт

Быйыл жарым жылдын ичинде өлкөбүздүн фондулук биржасында 6 миллиард сомго соода жүрдү. Ушул эле аралыктын ичинде Казакстанда 123 миллиард долларга соода жүргүзүлсө, Москва биржасында бул көрсөткүч он эсе көп. Биздеги сумма коңшу өлкөлөрдүн биржасына салыштырмалуу өтө аз. Бирок Кыргызстандын экономикасы үчүн бул жакшы эле жыйынтык. Бул тууралуу Медет Назаралиев Sputnik Кыргызстан радиосунун эфиринде маек куруп жатып билдирди.

Анын айтымында, быйыл Кыргызстандын фондулук биржасына 25 жыл болгонуна карабай, жергиликтүү компаниялар биржа аркылуу инвестиция тартып келүүнү жакында эле башташты.

"Кыргыз фондулук биржасы 2025-жылы Евразия экономикалык биримдигиндеги мамлекеттер менен биргеликте чоң финансылык рынокто иш алып барат. Мында банктык сектор, баалуу кагаздар рыногу, компаниялар тарабынан камсыздоо жаатында бирдиктүү иштер жасалат. Ошентип, 2025-жылы бири-бирибиздин биржаларыбызга баалуу кагаздар, брокерлер тоскоолдуксуз кирип турмак. Ошондуктан азыркы учурда биздин мамлекеттик башкаруу кызматы тарабынан, биринчиден, мыйзамдарыбызды бир калыпка келтирүү, экинчиден, ЕАЭБге мүчө-мамлекеттердин биржалары менен келишим түзүү иштери жүрүп жатат. Биржалар арасында ич ара тажрыйба алмашуу мүмкүнчүлүктөрү да каралууда. Ошондуктан мындай чоң финасылык рынокко киргенде Кыргызстан өзүнүн баалуу кагаздар, банктар, технологиялар, мыйзамдары жагынан бул биригүүгө даяр болушу керек. Ошону менен бирге биздин мамлекет импортко көз каранды өлкө болгондуктан өзүбүздүн банк, биржа, жергиликтүү ишканаларды башка чоң компаниялардын басып калуусунан коргоп калуу маселеси жаралбай койбойт. Бул маселелерди чечүүгө беш жылдык убактыбыз бар", — деди Назаралиев.

Ал 2019-жылы баалуу кагаздар рыногунда фондулук биржа тарабынан үч миңге жакын соода иши жүргүзүлүп, алардын жалпы көлөмү 6 миллиард сомдон ашканын кошумчалады.

39
Белгилер:
Медет Назаралиев, соода, Евразиялык экономикалык биримдик, биржа
Тема боюнча
Назаралиев: өткөн жылы фондулук биржа 2700 соода ишин жүргүздү
Рулду кармаган айдоочу. Архивдик сүрөт

Бишкекте кафеге кирип кеткен жолтандабастын айдоочусу изделүүдө

0
(жаңыланган 23:50 07.07.2020)
Веселая жана Салиева көчөлөрүнүн кесилишинде жолтандабас кафенин ичине кирип кеткен видео жарыяланган.

БИШКЕК, 7-июл. — Sputnik. Борбор калаада дубалды сүзүп, кафеге кирип кеткен жолтандабастын айдоочусу изделүүдө. Бул тууралуу Милициянын кайгуул кызматынан кабарлашты.

Эске салсак, бүгүн саат 15:45терде Веселая жана Салиева көчөлөрүнүн кесилишинде автоунаа кафенин ичине кирип кеткен видео жарыяланган. Алдын ала маалымат боюнча, автоунааны кыз башкарып бараткан.

Ылдамдыгы жүрөк түшүрөт! Жалал-Абадда кафени күү менен келип сүзгөн жолтандабастын видеосу

"Кырсык катталган жерден автоунаа айдоочусу из жашырып кеткен. Буга байланыштуу милициянын кайгуул кызматынын өздүк курамына багыттама берилип, издөө бөлүмүнө айдоочуну табуу тапшырылды", — деп айтылат билдирүүдө.

Кайгуул кызматы из жашырып кеткен айдоочу жоопкерчиликке тартыларын эскертти.

0
Белгилер:
кырсык, милиция, издөө, айдоочу, кафе, Бишкек
Тема боюнча
Бишкекте жөө адамды автоунаа коюп кетип, каза болуп калды
Комада жаткан ырчы Асел Кадырбекова көзүн ачып, эсине келе баштады