Кыргызстанды совет заманында чейрек кылым башкарган мамлекеттик ишмер Турдакун Усубалиев

Мамбетакунов: Турдакун Усубалиев тууралуу даректүү тасма тартылып жатат

101
(жаңыланган 13:49 06.08.2019)
Тасманы тартуу иштери июль айынын аягында башталган.
Мамбетакунов: Турдакун Усубалиев тууралуу даректүү тасма тартылып жатат

Кыргызстанды совет заманында чейрек кылым башкарган мамлекеттик ишмер Турдакун Усубалиев тууралуу даректүү тасма тартылып жатат. Бул тууралуу КРдин эл артисти жана белгилүү режиссёр Молдосеит Мамбетакунов Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган фильм саясий ишмердин 100 жылдык мааракесине арналууда.

"Турдакун Усубалиевдин 100 жылдык мааракесине арналып, басып өткөн жолу тууралуу даректүү тасма тартылып жатат. Фильмдин режиссеру — мен, сценаристи — Байма Сутенова, оператору — Стамбулбек Мамбеталиев, демөөрчүсү жана продюсери — Аскар Салымбеков. Тасмада мамлекеттик ишмердин өлкө үчүн жасап кеткен иштерине басым жасалат. Ошондой эле ал инсан тууралуу кайчы пикирлер да көрсөтүлүп, көрүүчүлөргө объективдүү маалымат берилет", — деди тасманын режиссеру.

Мамбетакунов даректүү кинону тартууга Маданият, маалымат жана туризм министрлиги көмөктөшүп жатканын кошумчалады.

101
Белгилер:
даректүү тасма, саясий ишмер, Турдакун Усубалиев
Тема боюнча
Турдакун Усубалиев Усубалиевич. Өмүр баяны
Улуттук статистика комитетинин маалымат катчысы Асел Акматалиева

Акматалиева: БУУ 2030-жылга чейин туруктуу өнүгүү максаттарын кабыл алды

139
(жаңыланган 11:45 15.01.2021)
Улуттук статистика комитетинин маалымат катчысы Асел Акматалиева БУУнун өлкөлөрдө туруктуу өнүгүү максаттарын ишке ашыруу кадамдары камтылган документи 2015-жылы ага мүчө мамлекеттер тарабынан колдоого алынганын айтты.
Акматалиева: БУУ 2030-жылга чейин туруктуу өнүгүү максаттарын кабыл алды

Туруктуу өнүгүүгө жетүү үчүн дүйнөлүк деңгээлде 17 глобалдык максат кабыл алынган. Бул максаттар экономикалык бирдей өсүү, инновация, туруктуу керектөө, тынчтык жана адилеттик сыяктуу маанилүү багыттарды камтыйт. Бул тууралуу Асел Акматалиева Sputnik Кыргызстан радиосунун эфиринде маек куруп жатып билдирди.

Анын айтымында, туруктуу өнүктүрүү максаттарын ишке ашырууда Улуттук статистиканын ролу чоң.

"БУУ тарабынан кабыл алынган, өлкөлөрдү туруктуу өнүгүү жолуна салуу программасын камтыган документ бар. Кыргызстан дагы улуттук деңгээлде аталган документтеги коюлган максаттарды ишке ашырууга далалаттанып келет. 2020-жылы БУУнун Экономикалык жана социалдык кеңешинин (ЭКОСОС) Туруктуу өнүгүү боюнча жогорку деңгээлдеги саясий форумунда Кыргызстандын 2030-жылга чейинки ишке ашырышы керек болгон милдеттемелери сунушталды. Бул документте теңсиздикти, кедейчиликти кыскартуу, ачкачылыкты жоюу, адам укуктары жана соттук коргоону камсыз кылуу, жаратылышка болгон тобокелчиликти азайтуу, коомго пайдалуу көндүмдөрдү жана билимди арттыруу, жумуш орундарын түзүү, гендердик теңчилик боюнча улуттук планды ишке ашыруу пландары камтылган", — деди Акматалиева.

Ал Улуттук статистика комитети туруктуу өнүктүрүү максаттарына жетүүгө мониторинг жүргүзүү боюнча жооптуу орган болуп саналарын кошумчалады.

139
Белгилер:
БУУ, Өнүгүү, Кыргызстан, Асел Акматалиева
Тема боюнча
Кыргызстанда баалуу металл рудасын экспорттоо тонналап өстү
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: улуттук архивдин сактоочу жайлары толду, орун жок

30
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев аталган мекемеге тиешелүү республика боюнча 65 архив бар экенин айтты.

Өлкөдө түрдүү иш кагаздарын, кино, фото, фоно документтерди сактай турган архивдик жай толуп калган. Учурда жаңы имарат куруу маселеси курч болуп турат. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: улуттук архивдин сактоочу жайлары толду, орун жок

Анын айтымында, аймактарда республикалык маанидеги 65 архив бөлүмү бар. Мындан сырткары, 3000ден ашуун ар кайсы мекемелердин өздүк архивдеринин ишмердүүлүгүн жүргүзүүнү да аталган агенттик көзөмөлдөйт.

"Архив агенттигинде 4 миллиондон ашуун сактоо көлөм бирдигиндеги документтер бар. Улуттук архив фонду күндөн-күнгө чоңоё берүүчү мамлекеттик мекеме болуп эсептелет. Ар бир тарыхый окуяны тастыктаган иш кагаздары мына ушул жерде сакталган. Эгемендүүлүк алгандан кийинки материалдар өзгөчө баалуулукка 50-60 жылдан кийин жетет. Бирок, тилекке каршы, биздеги чоң көйгөй мындан ары архивдик документтерди сактай турган жердин жоктугу болууда. Бардык мекеме, жайларыбыз толуп калды. Архив агенттиги дотацияда отурган мамлекеттик орган болгондуктан көп жылдан бери жаңы имарат куруу боюнча маселе көтөрүлүп, бирок ишке ашпай жатат", — деди Ырысалиев.

Адис жер тилкеси бөлүнгөнүн, аны документтештирүү иштери жыйынтыкталып калганы менен курулушу качан башталары белгисиз болуп жатканын кошумчалады.

30
Белгилер:
көйгөй, курулуш, архив
Тема боюнча
"Ак кемеде" жашаган Бала. Тасмадагы таберик сүрөт
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн