Радиостудия Sputnik Кыргызстан в Бишкеке - Sputnik Кыргызстан
Радио

Дүйшеева: жаш лидерлер форумунда төрт багыт боюнча сүйлөшүүлөр жүрдү

© Sputnik / Асель АкматалиеваКоординатор молодежного центра Нурила Дуйшеева
Координатор молодежного центра Нурила Дуйшеева - Sputnik Кыргызстан
Жазылуу
Жаштар борборунун координатору Нурила Дүйшеева ыктыярчылардын мүмкүнчүлүгүн кеңейтүү зарыл экенин айтты.
Дүйшеева: жаш лидерлер форумунда төрт багыт боюнча сүйлөшүүлөр жүрдү

Кыргызстан менен Россиянын жаш лидерлеринин форуму эки өлкөнүн жаштарынын келечекте бирге иш алып баруусуна чоң өбөлгө түздү. Мындай пикирин Нурила Дүйшеева Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган форумда төрт багытта сүйлөшүүлөр жүргөн.

"Форумдун жүрүшүндө төрт багытка көңүл бурулуп, сүйлөшүүлөр жүрдү. Алар — туризм, ыктыярчылык, айыл чарба жана жаш ишкерлер тармагы. Ошондой эле эми мындай жолугушуулар жыл сайын өтө турганы айтылды. Бул жылы төрт тармакты өнүктүрүү каралган болсо, кийинки форумдарда билим берүү, саламаттыкты сактоо, спорт жана башка ушул сыяктуу багыттарга да көңүл бурулмакчы. Өзүм ыктыярчылык жаатында иш алып барып келем", — деди форумдун катышуучусу.

Дүйшеева ошондой эле кыргызстандык ыктыярчыларга сентябрь-октябрь айларында Москвада өтчү иш-чарага катышуу үчүн чакыруулар келип баштаганын кошумчалады.

Жаңылыктар түрмөгү
0