Биринчи Май райондук үйбүлөлүк медицина борборунун жетекчисинин орун басары Диляра Исхакова

Исхакова: эне ымыркайын шашпай эмизиши шарт

66
Биринчи Май райондук үйбүлөлүк медицина борборунун жетекчисинин орун басары Диляра Исхакова эгиз балдарды энеси бир эле учурда эмизе берсе болорун айтты.

Көпчүлүк энелер баласын шашып эмизет. Мындай учур ымыркайдын тойбой калышына жана анын чоңоюусуна терс таасирин тийгизет. Бул тууралуу Диляра Исхакова Sputnik Кыргызстан радиосунун таңкы эфиринде маек куруп жатып билдирди.

Анын айтымында, эне ымыркайын шашпай эмизиши шарт.

"Бала эмизип жаткан учур энеге сөзсүз ыңгайлуу болуш керек. Далысы бир нерсеге жөлөнүп турган болсо эне өзүн бош таштап, баланы тойгузууга жакшы шарт түзүлөт. Ал эми эгиз балдарды бир эле учурда экөөнү тең эки жакка алып эмизе берсе болот. Ымыркайды шашпай эмизүү абдан маанилүү. Керек болсо 30-40 мүнөт баланын курсагы тойгончо күтүп туруш керек. Эмчекти соруш үчүн бөбөккө да күч керек. Бул нерсеге өзгөчө жаңы төрөлгөн алдей бир айлык болгонго чейин көңүл буруу кажет", — деди Исхакова.

Адис энеге бала эмизүүгө жакындары да шарт түзүп берип, сүт берип жатканда аны шаштыра бербеш керектигин кошумчалады.

66
Белгилер:
ымыркай, эмизүү, Сүт, эне
Тема боюнча
Балага малдын сүтүн берүүгө болбойт! Педиатрдын пайдалуу маеги