Улуттук бизнес-ассоциациялар альянсынын башчысы Сталбек Акматов

Акматов: бизнесте убакыт акча менен ченелет

116
Улуттук бизнес-ассоциациялар альянсынын башчысы Сталбек Акматов өкмөттүн 2019-2023-жылдарга карата иштелип чыккан чакан жана орто бизнести колдоо программасы кабыл алынбай жатканын айтты.
Акматов: бизнесте убакыт акча менен ченелет

Бизнес чөйрөсүндө текке кеткен убакыт акча менен бааланып, чыгашага кептейт. Бул тууралуу Сталбек Акматов Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, аталган программада ишкерлик чөйрөдөгү бардык кемчиликтер эске алынып, өлкөдөгү чакан жана орто бизнести өнүктүрүү жол-жоболору каралган.

"2019-2023-жылдарга карата ишкерлик тармагын өнүктүрүү программасын иштеп чыгууда бардык ишкерлердин көйгөйлөрү жана алдыга койгон максаттары тууралуу маалымат топтогонбуз. Иш-чарага мамлекеттик органдар да катышкан. Программа тогуз бөлүктөн, 54 пунктудан турат. Төрт жылга ылайыкталган долбоор үстүбүздөгү жылдан тарта иштеп башташ керек эле. Бирок иш жүзүндө андай болбой жатат. Көпчүлүк мамлекеттик ведомстволор оозеки макулдугун берип, ишке ашырууга келгенде убакытты создуктуруп, кабыл албай жатышат. Ал эми ишкерликте убакыт акча менен баалангандыктан, чыгашага дуушар болуудабыз. Өкмөт ишкерлерди өнөктөш катары караганды үйрөнүшү керек. Анткени жергиликтүү бизнес канчалык өнүксө, салыктын көлөмү да ошончолук өсөт", — деди Акматов.

Ошондой эле ал өлкө аймагындагы өндүрүмдүн 40 пайызы чакан жана орто бизнеске тиешелүү экенин кошумчалады.

116
Белгилер:
программа, өкмөт, бизнес, Сталбек Акматов
Тема боюнча
Акматов: өлкөдө зергерликтин потенциалы чоң
Жазуучу, сценарист Төлөнбай Жолдошов. Архив

Жолдошов: "Манас" кара сөз менен жазылса 500-600 китеп топтому чыкчудай

18
Жазуучу, сценарист Төлөнбай Жолдошов манасчы Сагынбай Орозбаковдун варианты боюнча беш китептен турган роман жазып бүтүргөнүн маалымдады.
Жолдошов: "Манас" кара сөз менен жазылса 500-600 китеп топтому чыкчудай

Беш жыл ичинде кара сөз түрүндө"Манас" эпосунун беш китеби жазылды. Чынында 500-600 китеп топтомун жазса деле болчудай. Бул тууралуу Төлөнбай Жолдошов Sputnik Кыргызстан радиосуна маек куруп жатып билдирди.

Анын айтымында, "Манас" эпосу — кыргыз элинин руханий байлыгы жана улуттук сыймыгы.

Талантбеков: "Манастагы" белгисиз сөз Кытайдагы көлдүн аталышы болуп чыкты

"2014-жылы "Манас" тууралуу бир саат 40 мүнөттүк кино тартуу үчүн Сагынбай Орозбаковдун вариантында сценарий жазгам. Каражат болбогондуктан сценарийди роман кылып жазып чыгууга белсендим. Чынында бул эбегейсиз чоң түйшүк болуп, талыкпас эмгекти талап кылды. Алгачкы китепти 2015-жылдын июнь айында баштап 2017-жылдын декабрында аяктадым. Таң калычтуусу — биринчи китепти 2,5 жылда жазсам, акыркы үч томун тогуз айда бүтүрүп салдым. Кийинки китептердин жазылышы жеңилирээк болду. Анткени башында китепке баарын батырууга аракет кыла берипмин. Көрсө андай мүмкүн эмес экен. Көңүл коюп жаза турган болсок, 500-600дөй китеп чыкчудай. Мисалга дүйнө адабиятында бир окуя бир чыгарма катары жазылса, "Манас" жалаң эле окуялардан турат. Анын баарына токтолуп, образдарды ачып, көркөмдөп жазып чыгуу мүмкүн эместей", — деди Жолдошов.

Жазуучу каражаттын жетишсиздигинен улам ар бири 200 нускадан болуп, жалпы 1000 нуска китеп чыкканын кошумчалады.

18
Белгилер:
жазуучу, китеп, Манас эпосу
Тема боюнча
Талантбеков: "Манаста" клуб, бар, жер төлө деген маанини түшүндүргөн сөз бар
Электр станциялары ААКсынын энерго-жабдыктарды оңдоо жана эксплуатациялоо кызматынын башчысы Улукбек Мамыралиев. Архив

Мамыралиев: Токтогул суу сактагычынан чыккан суу андан кийинки беш ГЭСке барат

56
(жаңыланган 13:25 11.08.2020)
"Электр станциялары" ААКсынын энерго-жабдыктарды оңдоо жана эксплуатациялоо кызматынын башчысы Улукбек Мамыралиев көп жылдан бери суунун арбын келген учуру боло электигин белгиледи.
Мамыралиев: Токтогул суу сактагычынан чыккан суу андан кийинки беш ГЭСке барат

Токтогул суу сактагычынан чыккан суу андан кийин жайгашкан беш ГЭСке барат. Бул тууралуу Улукбек Мамыралиев Sputnik Кыргызстан радиосуна маек куруп жатып билдирди.

Анын айтымында, Токтогул суу сактагычында суунун көлөмү былтыркы жылга салыштырмалуу 2,4 миллиард куб метрге аз.

Кышында эл жарыксыз калбайбы? Жээнбековдун актуалдуу суроого жообу

"Токтогул суу сактагычында 19,5 миллиард куб метр суу топтоого мүмкүн. Андан ашканын кое бергенге туура келет. Мындай процесс көп жылдан бери боло элек. Анын үстүнө сууну агызып жиберүү үчүн щитти көтөрүүгө 10-15тей адамдын эмгеги керек. Ал тийиштүү мекемелердин макулдашуусу аркылуу ишке ашат. Башкача айтканда, саналуу киши сүйлөшүп алып щитти ачып, сууну кое бере албайт. Бул абдан татаал процесс. Демек, суу сатылып жатат деген маалымат чындыкка дал келбейт. Акыркы жылдары сууну бош кое берүүгө зарылдык жарала элек. Себеби суу сактагычта 14,2 миллиард куб метр гана суу болуп жатат. Өткөн жылы бул көрсөткүч 16,6 миллиард кубду түзгөн. Токтогул суу сактагычына видео байкоо орнотулуп, тыкыр көзөмөлгө алынган. Анда иштетилген, кирип-чыккан суу онлайн көзөмөлдөнүп турат. Токтогул суу сактагычынан чыккан суу андан кийинки жайгашкан беш ГЭСке барып түшөт", — деди Мамыралиев.

Ошондой эле ал суу сактагычта суунун жетиштүү болушу табияттан көз каранды экенин кошумчалады.

56
Белгилер:
ГЭС, Токтогул суу сактагычы, электр энергиясы
Тема боюнча
Баатырбеков: күз-кышта ооруканалардын жылуу болушуна өзгөчө көңүл бурулууда
Муштумун түйүп турган адам. Архив

Насыя үчүн аялын өлтүрө сабаган зөөкүр. Июлдагы соттук чечимдер

0
(жаңыланган 16:08 11.08.2020)
Узап кеткен айда өлкө аймагындагы Фемида өкүлдөрү бир топ чуулуу иштерди карап чыкты. Алардын арасында кызматтык, экономикалык мүнөздөгү жана адам өмүрүн алган кылмыштар да бар.

Sputnik Кыргызстан маалымат агенттиги июлдагы төбө чачты тик тургузган кылмыштардын айрымдарын сунуштайт.

Россияда сатылган КРдин паспорттору. Өзбекстандын жараны 2015-жылдан бери Россияда айдоочу болуп иштеп келген. Бирок 2019-жылдан баштап ЕАЭБдин миграция боюнча мыйзамдары күчүнө кирип, уюмга мүчө эмес мамлекеттерден баргандардын иштөөсүндө кыйынчылыктар жаралган. Ошондо айыпталуучу интернет аркылуу 45 миң рублге КРдин жасалма паспортун алган. Көп өтпөй ал россиялык укук коргоо органдарынын колуна түшүп, Кыргызстанга депортацияланган. Аны кайра "Манас" эл аралык аэропортундагы чек арачылар жасалма документ менен кармаган. Сот чет элдикти бир ай үй камагына калтырып, 110 миң сом айып салды.

Бишкекте 5 адамга кычкылтек концентраторун убадалап, алдап кеткен шектүү кармалды

Мурдагы аялын зордуктаган мамкызматкер. Мамлекеттик органда иштеген 29 жаштагы эркек ажырашып кеткен келинчегин түндө үйгө алып келип сабап, андан соң анын эркине каршы күч колдонуп зордуктаганы боюнча жабырлануучу милицияга арыз менен кайрылган. Тергөө маалында күнөөлөнүүчү ал түнү үйдө чогуу болгонун, кол көтөргөнүн, бирок келин менен жыныстык катнашта болбогонун билдирген. Погончондор материалдарды чогултуп, күбөлөрдөн көрсөтмө алып, ишти сотко өткөргөн. Фемида өкүлдөрү эргулду Жазык кодексинин 139-беренесинин ("Ден соолукка анча оор эмес зыян келтирүү") биринчи бөлүгү боюнча күнөөлүү деп таап, үч жыл жыл түзөтүү жумуштарына бекитти. Ал эми келинге 150 миң сомго жакын акча төлөп бермей болду.

Насыя үчүн аялын өлтүрүп... Элетте жашаган эрди-катын банктан алган насыясынын айынан уруша кетишип, мас болгон бүлө башчысы аялын катуу сабап салган. Кожойке окуя болгондон бир нече саат өткөндөн кийин эле төшөктө жатып көз жумган. Аны байкаган күйөөсү коркуп кетип кошуналарын жана милиция кызматкерлерин чакырган. Зөөкүр эргул эми бир нече жылга темир тор артында калып, ири көлөмдө айып пул төлөйт.

Өзгөндө таксистти өлтүрүп, сөөгүн өрттөдү делген эки өспүрүм камакка алынды

Көчөдөгү зөөкүрчүлүк. Мурда соттолгон 24 жаштагы жигит көчөдө бейтааныш эркек менен арак ичип, экөө мушташа кеткен. Ал бөтөлкөлөш шеригинин колу-бутун байлап, оозуна чүпүрөк тыгып, катуу сабаган. Анысы аз келгенсип, үстүнө автоунаанын дөңгөлөгүн таштап кетип калган. Берки адам баш сөөгүнөн жаракат алып, мээсине кан куюлуп өлгөн. Соттук-психиатриялык экспертиза айыпталуучу кылмыш жасаган маалда акыл-эси ордунда, кылгандарына жооп берген абалда болгон деген бүтүм чыгарган. Эми ал 12,5 жыл темир тор артында болот.

Бычакташкан жаштар. Мектепти жаңы эле бүтүргөн бала өзүнүн сүйлөшкөн кызынын мурдагы жигити менен көчөдө кезигип, чаламандын чак түшүндө аны бычактап салган. Жыйынтыгында 18 жаштагы баланын ашказан, бөйрөгү бычактан жабыркап ооруканада көз жумган. Жаштардын урушу кыздын айынан чыккан. Адам өмүрүн алган улан 12,5 жыл кесилди.

Ноокенде 10 жашар кызды зордуктаган бала өмүр бою эркинен ажыратылды

Кемпирдин өмүрүнө кол салган ишкер. Бишкек шаарынын 43 жаштагы тургуну ишкерлик менен алектенип, жеке фирманын жетекчиси болуп иштеп келген. Ал 2005-2006-жылдары мамлекетке 4,5 миллион сомдон ашык бажы төлөмдөрүн бербей Казакстанга качып кетип, издөөгө алынган. Бир нече жыл өткөндөн кийин Кыргызстанга кайтып келип, таксист болуп иштеп, пенсия курагындагы бир кемпирге азык-түлүк жеткирип берип тыйын таап жүргөн. Күндөрдүн биринде ал жалгыз жашаган пенсионер менен тил табыша албай, жашы улгайган аялды өз батиринде балка менен башка чапкылап өлтүрүп койгон. Эртеси милицияга өзү келген. Сот аны 17 жылга темир тор артына кесип, 100 миң сомго жыккан.

0
Белгилер:
соттук чечим, өкүм, кылмыш, Кыргызстан
Тема боюнча
Саймаитинин өлүмү: экс-консул айып төлөп, бошоп чыкты
Талас башчысынын "кеңешчиси" сүзгөн велосипедчи көз жумду. Мураталиев үн катты
Ноокенде 10 жашар кызды зордуктаган бала өмүр бою эркинен ажыратылды