ЖИА бизнес-ассоциациясынын аткаруучу директору Фархат Пакыров

Пакыров: ишкерлердин башын бириктирген ири долбоор старт алды

464
(жаңыланган 16:51 14.08.2019)
ЖИА бизнес-ассоциациясынын аткаруучу директору Фархат Пакыров "Бизнес кербени" долбоорунун башкы максаты - өлкөдөгү ишкерлердин башын бириктирип, алардын кызматташуусуна мүмкүнчүлүктөрдү түзүү экенин айтты.
Пакыров: ишкерлердин башын бириктирген ири долбоор старт алды

Бүгүнкү күндө ишкерлер өз өндүрүмүн аймактарга чыгарып, бизнесин кеңейтүүгө кызыкдар. Ушундай багытта "Бизнес кербени" долбоору бардык ыңгайлуу шарттарды түзүп, алардын түзмө-түз кызматташуусун камсыздайт. Бул тууралуу Фархат Пакыров Sputnik Кыргызстан радиосуна маек куруп жатып билдирди.

Анын айтымында, аталган долбоор 2019-жыл - Аймактарды өнүктүрүү жана санариптештирүү жылынын алкагында ишке ашып жатат.

"Бизнес кербени" ишкерлер үчүн бири-бири менен таанышып, тажрыйба алмашып, көйгөйлүү маселелерди талкуулап, келишимдерди түзүүгө ыңгайлуу аянтча болуп берет. Ошондой эле алардын ортомчусуз, түзмө-түз иш алып баруусун да шарттайт. Азыркы учурда ишкерлер өз өндүрүмүн аймактарга чыгарып, бизнесин кеңейтүүнү көздөшүүдө. Ошол себептен аталган долбоорду өлкөнүн жети облусунда кезек менен ишке ашырууну чечтик. Бүгүнкү күндө Нарын жана Талас жергесинен сырткары бардык аймактарда долбоорду ийгиликтүү өткөрүп келдик. Эми 16-августта жергиликтүү ишкерлерди Нарында чогултсак, күзгү жыйым-терим аяктагандан кийин Таласта өткөрөбүз", — деди Пакыров.

Ошондой эле ал эл аралык тажрыйбада ийгиликтүү ишкерлер алгач өз өлкөсүндөгү рынокту толук өздөштүрүп, анан гана экспортко чыгарын кошумчалады.

464
Белгилер:
аймак, долбоорлор, Фархат Пакыров
Тема боюнча
Акматов: бизнесте убакыт акча менен ченелет
Коомдук саламаттык сактоо башкармалыгынын башчысы Айнура Акматова. Архив

Акматова: россиялык врачтар дарылоо протоколун таңуулаган жок

17
(жаңыланган 12:32 14.08.2020)
Коомдук саламаттык сактоо башкармалыгынын башчысы Айнура Акматова Россиядан келген медиктердин ишмердүүлүгү тууралуу маалымат берди.
Акматова: россиялык врачтар дарылоо протоколун таңуулаган жок

Россиядан келген медиктер коронавирустан башка оорулар боюнча дагы кеп-кеңештерин берип жатышты. Бул тууралуу Айнура Акматова Sputnik Кыргызстан радиосуна маек куруп жатып билдирди.

Анын айтымында, коронавирус менен күрөшүү үчүн Россиядан келген ак халатчандар региондорго чейин барып иш алып барышууда.

Россиялык адис Кыргызстандагы COVID менен күрөш тууралуу жакшы кабар айтты

"Россиядан бир нече адистиктеги медиктер келишти. Алар Чүй, Талас, Нарын жана башка региондорго барганда "кызыл зоналарга" чейин кирип, бейтаптарды дарылоого көмөктөштү. Ошондой эле "таза зонадагы" бейтаптарды дарылоо боюнча дагы өз сунуштарын беришти. Мындан тышкары, дарылоону уюштуруу, ыкмаларды колдонуу жана башка жагдайлар менен таанышып, кеп-кеңештерин айтышты. Албетте, дарылоону өзүбүздүн дарыгерлер жүргүзүштү, бирок россиялык медиктер дагы четте карап турган жок. Айрым учурларда "россиялык врачтар өз протоколдорун таңуулап жатат" деген кептер айтылган. Андай болгон жок. Аларга Саламаттык сактоо министрлиги тарабынан уюштурулган брифингде дарылоо протоколун колдонуу боюнча түшүндүрмөлөр берилген. Ошонун негизинде иш алып барылды", — деди Акматова.

Ошондой эле ал Россиядан келген медиктер кыргызстандык кесиптештеринин иши, элдин биримдиги тууралуу жакшы пикирлерин айтканын кошумчалады.

17
Белгилер:
аймактар, Россия, коронавирус, Айнура Акматова
Тема:
Коронавируска байланыштуу Кыргызстандагы кырдаал
Тема боюнча
Боронов россиялык дарыгерлер менен сүйлөштү. Алар өкмөткө кандай сунуш айтты
Электр станциялары ААКсынын генералдык директорунун биринчи орун басары Таалайбек Бектенов. Архив

Бектенов: суу тартыштыгына карабастан быйыл жарык өчүрүлбөйт

6
Электр станциялары ААКсынын генералдык директорунун биринчи орун басары Таалайбек Бектенов ГЭСтен чыккан суу маал-маалы менен азайып-көбөйүп турарын билдирди.
Бектенов: суу тартыштыгына карабастан быйыл жарык өчүрүлбөйт

Суу аз келген мезгилге туш келип калдык. Ага карабастан өлкөнүн электр энергияга болгон муктаждыгын камсыздоо үчүн кызуу даярдыктар көрүлүүдө. Мындан улам быйыл жарык өчүрүлбөйт. Бул тууралуу Таалайбек Бектенов Sputnik Кыргызстан радиосуна маек куруп жатып билдирди.

Анын айтымында, суунун аз же көп болушу негизинен күндүн ысышынан, жааган кардын көлөмүнөн көз каранды.

Кышында эл жарыксыз калбайбы? Жээнбековдун актуалдуу суроого жообу

"Токтогул суу сактагычынан чыккан суу трубина аркылуу өтүп, электр энергия чыгарылат. Ал эми авариялык учурдан улам суу кое берилиш керек болуп калса, ага техникалык жактан эле бир жума даярдык көрүлөт. Мындан тышкары, бизде каскаддык режим. Демек, Токтогул ГЭСинен чыккан суу дарыянын агымында жайгашкан Күрп-Сай, Таш-Көмүр, Шамалды-Сай, андан кийин Үч-Коргон ГЭСтерине барат. Ал жерде УКМК, Суу департаменти жана башка мекемелер тарабынан катуу көзөмөл жүргүзүлөт. Мындан улам суу сатуу үчүн эч кандай мүмкүнчүлүк жок. Мындай кептер байма-бай айтылып калат. Аны ГЭСтин ишин, энергетика тармагын түшүнбөгөн адамдар таратышы мүмкүн. ГЭСтен чыккан суу маал-маалы менен көбөйүп же азайып турат. Бул электр энергиясын колдонуу режимине жараша болот. Башкача айтканда, эртең менен жана кечке маал электр энергиясы көбүрөөк колдонулат. Бул үчүн көбүрөөк көлөмдө суу берилип, ошого жараша энергия иштелип чыгат. Бул эми кадимки эле физика. Ал эми суунун көлөмү мезгил-мезгили менен азайып-көбөйүшү күндүн ысышына, жааган кардын көлөмүнөн көз каранды. Муну көп жылдан бери эсептеп, анализдеп жүрөбүз. Быйыл суу аз келген убакыт болуп жатат. Ага карабастан өлкөдө жарык өчүрүлбөйт. Электр энергияга болгон муктаждыкты камсыздоо үчүн бардык даярдыктар жүрүп жатат", — деди Бектенов.

Жетекчи суу сактагычтын өзүндө видеобайкоо онлайн режимде иш алып барарын белгилеп, бардык каалоочулар көзөмөл жүргүзсө боло турганын кошумчалады.

6
Белгилер:
даярдык, ГЭС, электр энергиясы
Тема боюнча
Тынчсыздануу бар. Быйыл Токтогул суу сактагычында суу тартыш болору айтылды
(NaN:NaN / NaNMb / )

Хабиб Нурмагомедовдун беттеш алдындагы маалымат жыйыны. Түз эфир

0
(жаңыланган 14:07 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

0
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"