Билим берүү жана илим министрлигинин Мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Нурзида Касымова

Касымова: өлкө боюнча 2265 мектеп жаңы окуу жылына даяр

177
(жаңыланган 15:37 16.08.2019)
Билим берүү жана илим министрлигинин Мектепке чейинки, мектептеги жана мектептен тышкаркы билим берүү башкармалыгынын жетектөөчү адиси Нурзида Касымова жаңы окуу жылы 2-сентябрда башталарын айтты.
Касымова: өлкө боюнча 2265 мектеп жаңы окуу жылына даяр

Бүгүнкү күндө өлкө боюнча 2265 мектеп 2019-2020-жаңы окуу жылына толугу менен даяр. Бул тууралуу Нурзида Касымова Sputnik Кыргызстан радиосунун таңкы эфиринде маек куруп жатып билдирди.

Анын айтымында, Билим берүү жана илим министрлигинин эсептөөсүнө ылайык, быйыл болжол менен 156 миңге жакын жеткинчек 1-класска кабыл алынат.

"2019-2020-жаңы окуу жылынын базистик окуу планына ылайык быйылкы окуу жылы адаттагыдай эле 1-сентябрда башталмак. Бирок Билим күнү жекшембиге туура келип калгандыктан жаңы окуу жылынын расмий ачылышын 2-сентябрга жылдырдык. Бул күнү өлкө аймагы боюнча 2265 мектеп окуучуларга өз эшигин ачып, жер-жерлерде салтанаттуу линейкалар өткөрүлөт. Ал эми 3-сентябрда окуу процесси толук кандуу старт алат. Быйыл болжол менен 156 миңге жакын жеткинчек 1-класска барат деп күтүп жатабыз. Буга чейин 450 мектеп капиталдык оңдоп-түзөөгө муктаж деп табылган. Алардын ичинен 57си калыбына келтирилип, учурда эксплуатацияга берилгени жатат. Ал эми калган билим уялары катардагы ремонттон өткөрүлүп, окуучуларды тосуп алууга даяр", — деди Касымова.

Ошондой эле ал 2019-жыл — Аймактарды өнүктүрүү жана санариптештирүү жылынын алкагында өлкө аймагындагы бардык мектептерди интернетке туташтыруу аракеттери жигердүү аткарылып жатканын кошумчалады.

177
Белгилер:
окуу жылы, мектеп, Нурзида Касымова
Тема боюнча
Иманалиев: "Акылдуу мектеп" Ысык-Көл районунан башталат
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: республикада COVID-19ду дарылоо үчүн дары-дармек жетиштүү

142
(жаңыланган 17:03 27.10.2020)
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова коронавирустун экинчи толкунуна көрүлүп жаткан даярдык тууралуу айтып берди.
Азизбекова: республикада COVID-19ду дарылоо үчүн дары-дармек жетиштүү

ММК фонду коронавирусту дарылоо үчүн саламаттык сактоо уюмдарына консолидацияланган бюджеттен 1 миллиард 611 миллион 804 миң сом бөлүп берди. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Өкмөт Россиядан COVID-19га каршы вакцинаны алып келүү шартын караштырууда

Анын айтымында, учурда саламаттык сактоо уюмдарында 322 миллион сомдон ашкан дары-дармектин запасы бар.

"Акча дары-дармектерди, жеке коргонуу каражаттарын жана респираторлорду сатып алууга бөлүндү. Жалпысынан республикада COVID-19ду дарылоо үчүн дары-дармек жетиштүү десек болот. Коронавирусту дарылоо боюнча жаңы иштелип чыккан 4-протоколго ылайык 92 аталыштагы препараттар алынып жатат. Анын ичинде Кавасаки синдромуна каршы дары, иммуноглобулиндер бар. Негизинен республикада бир ай ичинде дары-дармектерге болгон муктаждык 149 583 миң сомду түзөт. Бүгүнкү күндө 7 миллион 966 миң жеке коргонуучу каражаттары бар. Алсак, 308 миң коргоочу костюм, 2 миллион 645 миң даана медициналык маска, 381 миң респиратор, 3 миллион 673 миң кол кап, 778 миң бахила, 108 миң даана көз айнек. Ал эми облустарды алсак, Баткенде 20 миллион 356 миң сомдук, Бишкекте 45 миллион 714 миң, Жалал-Абадда 41 миллион 576 миң жана Ошто 179 миллион сомдук дары-дармекке каражат бар", – деди Азизбекова.

Ал республика боюнча коронавирус менен ооруган бейтаптар үчүн 4 538 керебет, ал эми резервде 3 221 орун даяр экенин кошумчалады.

142
Белгилер:
даярдык, коронавирус, дары-дармек
Тема:
Коронавируска байланыштуу Кыргызстандагы кырдаал
Тема боюнча
Бир күндө 568 адамдан COVID-19 аныкталды, 3 400 бейтап ооруканада
COVID кесепетинен ишсиз калгандарга жөлөк пул берүү сунушталды. Шарты
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: маркалоонун максаты ЕАЭБге товарды тоскоолдуксуз экспорттоо

27
(жаңыланган 12:03 27.10.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков товарларды милдеттүү маркалоо 2021-жылдын 1-апрелине чейин жылдырылганын белгиледи.
Сазыков: маркалоонун максаты — ЕАЭБге товарды тоскоолдуксуз экспорттоо

Маркалоонун максаты — ЕАЭБ аймагына товарды тоскоолдуксуз экспорттоо. Ошондой эле маркалоо жасалма товарларды аныктоого мүмкүндүк түзүп, көмүскө экономика менен күрөшүүгө шарт түзөт. Бул тууралуу Эркин Сазыков Sputnik Кыргызстан радиосуна маек берип жатып маалымдады.

Анын айтымында, алкоголдук продукцияларды, тамекини милдеттүү түрдө маркалоо пландалууда.

Жумабеков: маркалоодон өтпөгөн айрым товарлар экспортко чыкпайт

"Маркалоо аркылуу товар тууралуу бардык маалыматты QR-кодго сактаганга мүмкүн болот. Айрым товарларды милдеттүү түрдө маркалоону киргизүүнү буга чейин эки жолу, эми кийинки жылдын 1-апрелине чейин жылдырылды. Буга коронавирус пандемиясы себеп болууда. Маркалоонун эң негизги максаты — контрафактылык товарлар, көмүскө экономика менен күрөшүү жана ЕАЭБ аймагына тоскоолдуксуз экспорттоо. Ал жакта товарларды маркалоо башкы талап болуп саналат. Мындан тышкары, салыгын өз учурунда төлөп жаткан ишкерлердин укугун коргоо. Себеби салык төлөөдөн качып жүргөндөр товарын арзан сатып, ак ниет иш алып барып жаткандарга зыянын тийгизүүдө", — деди Сазыков.

Ошондой эле ал маркалоону жылдырууга ишкерлердин кайрылуулары дагы себеп болгонун кошумчалады.

27
Белгилер:
Евразиялык экономикалык биримдик, салык, Эркин Сазыков
Тема боюнча
Айрым товарларды милдеттүү түрдө маркалоонун мөөнөтү узартылды. Себеби
Премьер-министр Садыр Жапаров

Садыр Жапаров депутаттардын алдында ант берди. Видео

11
(жаңыланган 16:43 28.10.2020)
Учурда ЖКнын жыйыны “Ала-Арча” мамлекеттик резиденциясында өтүп жатат. Жаңы куралган өкмөттүн мүчөлөрү ант берип жатышат.

БИШКЕК, 28-окт. — Sputnik. Премьер-министр Садыр Жапаров кызматына расмий киришүү үчүн парламентте ант берди.

Жогорку Кеңештин жыйыны “Ала-Арча” мамлекеттик резиденциясында өтүп жатат.

“Мен Жапаров Садыр Нургожоевич премьер-министрдин кызматына киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого аткарууга, өз милдеттеримди ак ниет жана берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын”, - деди Жапаров.

Учурда мындан сырткары өкмөт мүчөлөрү дагы ант берип жатышат.

11
Белгилер:
ант берүү, өкмөт, Садыр Жапаров
Тема боюнча
Жапаров президенттиктен кетсе өлкө башчынын милдетин ким аткарат
Жапаров кимдерди бийликке алып келди. Өкмөттүн жаңы курамын таанып алыңыз