Биринчи Май райондук үйбүлөлүк медицина борборунун жетекчисинин орун басары Диляра Исхакова. Архив

Исхакова: улуттук календарь менен 11 ооруга каршы эмдөө жүргүзүлөт

45
(жаңыланган 12:56 19.08.2019)
Биринчи Май райондук үйбүлөлүк медицина борборунун жетекчисинин орун басары Диляра Исхакова эмдөөдөн ата-эне диний түшүнүктөрдөн, медицина кызматкерлерине ишенбөөчүлүктөн улам баш тартып жатканын айтты.
Исхакова: улуттук календарь менен 11 ооруга каршы эмдөө жүргүзүлөт

Баласын эмдөөгө алып келбеген ата-энелердин саны өсүп жатат. Бул тууралуу Диляра Исхакова Sputnik Кыргызстан радиосунун таңкы эфиринде маек куруп жатып билдирди.

Анын айтымында, эмдөө коркунучтуу илдеттердин алдын алат.

"Биз улуттук календарь менен 11 ооруга каршы эмдөө жүргүзүп келебиз. Тилекке каршы, бүгүнкү күндө эмдөөдөн баш тарткан ата-энелердин саны өсүп жатат. Диний түшүнүктөрдөн, медицина кызматкерлерине ишенбөөчүлүктөн улам алар баласынын келечегине кайдыгер кароодо. Эмдөө кургак учук, шал ооруусу сыяктуу бир топ коркунучтуу илдеттердин алдын алат. Ошол үчүн балага төрөт үйүндө кара сарыкка каршы эмдөө жүргүзүлүп келет", — деди Исхакова.

Ал, мындан сырткары, убагында эмдөөдөн өтпөй калган улан-кыздар бой жеткенде чет өлкөгө чыга албай калып жатканын кошумчалады.

Улуттук календарь Саламаттыкты сактоо министрлиги тарабынан бекитилген. Эмдөө иштери ошонун негизинде жүргүзүлөт. Календарга ылайык, балдар 11 жугуштуу ооруга каршы эмделет.

45
Белгилер:
медицина, бала, ата-эне, эмдөө
Тема боюнча
Токтогазы уулу: элге туура эмес маалымат кеткен, динде эмдөөгө тыюу жок
Эмгек жана социалдык өнүктүрүү министри Улукбек Кочкоров

Кочкоров: жарандар бала асырап алууга онлайн арыз бере алат

34
Эмгек жана социалдык өнүктүрүү министри Улукбек Кочкоров бала асырап алуу боюнча кызмат көрсөтүүлөр порталы түзүлгөнүн айтты.
Кочкоров: жарандар бала асырап алууга онлайн арыз бере алат

Жарандар үйүндө отуруп алып, бала асыроого арыз бергенге мүмкүнчүлүк алды. Эми алар бюрократиялык кыйынчылыктарга туш болушпайт. Бул тууралуу Улукбек Кочкоров Sputnik Кыргызстан радиосуна маек куруп жатып билдирди.

Анын айтымында, портал бала асырап алуудагы коррупциялык элементтерди токтотот.

"2020-жыл "Аймактарды өнүктүрүү, өлкөнү санариптештирүү жана балдарды коргоо жылы" деп жарыяланган. Анын алкагында балдарды асырап алуу боюнча коррупциялык көрүнүштөрдү токтотуу тапшырмасы коюлган. Мына ушуну ишке ашыруу максатында бала асырап алуу процедурасы толугу менен автоматташтырылды. Эмгек жана социалдык өнүктүрүү министрлигинде атайын электрондук портал түзүлдү. Анда жарандар бала асырап алуу үчүн үйүнөн арыз бере алат. Арыз берилгенден кийин атайын пароль, логиндер ыйгарылып, асырап алуучу катары катталат. Натыйжада аларга өлкө боюнча багып алууга мумкүн болгон балдардын базасына кирүүгө жана көрүүгө мүмкүнчүлүк берилет. Системага тапшырык берилгенден кийин жети сутка өткөн соң бала менен жолугууга уруксат болот. Башкача айтканда, бала асырап алуучулар кызмат көрсөткөндөрдүн бюрократиялык аракеттерине туш болбойт", — деди Кочкоров.

Министр ошондой эле портал балдардын коопсуздугун камсыздай ала турганын кошумчалады.

34
Белгилер:
коопсуздук, бюрократия, бала, Улукбек Кочкоров
Тема боюнча
Башкы прокуратура: зомбулукка кабылган балдар көбөйүп жатат
Соода-өнөр жай палатасынын транспорт боюнча комитетинин төрагасы Талантбек Маткерим уулу

Маткерим уулу: Түркиядан жүк ташуу үчүн мультимодалдык маршрут ачылды

32
Соода-өнөр жай палатасынын транспорт боюнча комитетинин төрагасы Талантбек Маткерим уулу өлкөгө мультимодалдык маршрут аркылуу жүк ташуу мүмкүнчүлүктөрү тууралуу айтып берди.
Маткерим уулу: Түркиядан жүк ташуу үчүн мультимодалдык маршрут ачылды

Түркиядан Кыргызстанга жана Кыргызстандан Түркияга жүк ташуу үчүн мультимодалдык маршрутту жандандыруу аракеттери көрүлүүдө. Бул тууралуу Талантбек Маткерим уулу Sputnik Кыргызстан радиосуна маек куруп жатып билдирди.

Анын айтымында, мультимодалдык маршрут — бул темир жол, деңиз аркылуу жана автоунаа менен жүк ташуу.

"Кыргызстанга бир канча унаа каражаттары менен жүк ташуу маршрутун жандандыруу колго алынууда. Ага ылайык, Түркиядан темир жол менен жүктөлгөн жүк Грузиядан өтүп, Азербайжандан Каспий деңизи аркылуу Түркмөнстанга чейин келет. Ал жактан поезд менен Өзбекстан аркылуу Ошко, ал жерден башка аймактарга автоунаа менен ташылат. Бул маршрут мурдатан эле бар болчу, бирок жүк ташуучулар тарабынан колдонулчу эмес. Анан пандемияга байланыштуу Казакстан аркылуу автоунаа менен жүк ташуу татаалдашты. Себеби айдоочулар обсервацияга жатып, ташылып жаткан жүк кармалып калып жатты. Ал эми темир жол аркылуу ташылган жүк адамдардын байланышын азайтат. Ошондой эле автоунаа менен жүк ташууга салыштырмалуу арзан түшөт. Анткени автоунаада товар чыгарылган жерден акыркы кардарга жеткенче логистикалык кызматтын да баасы кошулуп калат", — деди Маткерим уулу.

Ошондой эле ал аталган маршрут аркылуу Грузия, Азербайжан жана Түркмөнстан менен товар айлантууга ыңгайлуу боло турганын кошумчалады.

32
Белгилер:
логистикалык борбор, темир жол, жүк ташуучулар
Тема боюнча
Кыргызстан менен Түркиянын авиабайланышы качан жанданары айтылды
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

0
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

0
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди