Самыйбеков: салык төлөөчүлөр кааласа акылуу кызматтарды пайдалана алат
(жаңыланган 13:12 23.08.2019)
Мамлекеттик салык кызматынын төрагасынын орун басары Улукбек Самыйбеков ар бир салык төлөөчүнүн өздүк кабинети болорун айтты.Самыйбеков: салык төлөөчүлөр кааласа акылуу кызматтарды пайдалана алат
Мамлекеттик салык кызматына салык отчётторун тапшыруудан акча түшпөйт. Бул тууралуу Улукбек Самыйбеков Sputnik Кыргызстан радиосунун таңкы эфиринде маек куруп жатып билдирди.
Анын айтымында, айрым ишкерлер салык төлөгөндө интернеттин акылуу кызматтарын колдонуп алып, ал каражат Салык кызматына түшөт деген ойдо.
"Биздин мекемеде салык төлөөчүлөрдүн ар биринин өздүк кабинети болот. Ал жакка кол тамганы колдонуу ыкмалары кошулган. Салык отчётун тапшырууда айрым ишкерлер интернет кызматтарын кошуп алып, кошумча акча төлөп калууда. Ал төлөнгөн каражат биздин мекемеге түшпөйт. Салык отчёттору буга чейин да акысыз кабыл алынып келген, мындан ары да бекер тапшырыла бермекчи. Акылуу интернет кызматтарын да салык төлөөчүлөр өзүнүн эркине жараша пайдаланышат", — деди Самыйбеков.
Ал салык отчётторун белгилүү бир себептер менен убагында тапшырбай калса, арыз жазып бир ай ичинде тапшырса болорун кошумчалады.
Эске салсак, 1-сентябрга чейин транспортторго, 2-сентябрга чейин батир, турак жай жана жер салыгын төлөө зарыл.
Белгилер:
Жүзбаева: азиз адамдарды коомдон алыстатпоо максатында федерация ачылды
Жүзбаева: азиз адамдарды коомдон алыстатпоо максатында федерация ачылды
Көзү азиз адамдар түрдүү туура эмес ойлорду четке кагып, коомдо ордун табууга толук мүмкүнчүлүгү бар. Бул тууралуу Гүлназ Жүзбаева Sputnik Кыргызстан радиосунун эфиринде маек куруп жатып билдирди.
Анын айтымында, федерация окуучуларды акысыз алты айдын ичинде күнүмдүк жашоого керектүү бардык иштерди жасоого үйрөтөт.
"Федерацияны 2017-жылы Кыргызстанда жашаган активдүү, позитивдүү көзү азиз адамдар менен бирге түзгөнбүз. Негизги максатыбыз — көзү көрбөгөндөрдүн коомго болгон жана коомдун көзү азиздерге болгон мамилесин өзгөртүү. Учурдагы ишибиз окуучуларыбызга өз алдынча басууну, жашоону, өзүнүн жумушун өзү аткарууну, укуктарын коргоону үйрөтүү болуп саналат. Алты айлык тренингде жашоодо керек болгон усулдарды үйрөтөбүз. Анда алар биздин шарттарды аткарууга тийиш. Окутууга Кыргызстандын булуң-бурчунан келип, биринчи жолу шаардын шартында өз алдынча жашап башташат. Бул мөөнөттө Брайль арибин окуганды, компьютер, смартфон колдонгонду, таякча менен басканды жана англисче, орусча тилдерди үйрөнүшөт. Үй жумуштарын, тамак жасаганды, үй жыйнаганды үйрөтөбүз. Мындан тышкары, чуркап, сууда сүзүп, тандем велосипеддерди тээп спорт менен да машыгышат", — деди Жүзбаева.
Ошондой эле жетекчи Азиздер федерациясынын бүтүрүүчүлөрүнө иш таап берүүгө да көмөктөшөрүн кошумчалады.
Белгилер:
Рыскулова: акысыз юридикалык жардамды онлайн дагы алса болот
(жаңыланган 10:58 03.12.2020)
Юстиция министрлигинин алдындагы мамлекет кепилдеген юридикалык жардамды координациялоо боюнча борбордун директорунун орун басары Жылдыз Рыскулова кимдер акысыз юридикалык көмөк алса боло турганын түшүндүрүп берди.Рыскулова: акысыз юридикалык жардамды онлайн дагы алса болот
Республика боюнча 28 борбордо жарандарга акысыз юридикалык жардам берилүүдө. Учурдагы эпидемиологиялык кырдаалды эске алуу менен аны онлайн дагы алса болот. Бул тууралуу Жылдыз Рыскулова Sputnik Кыргызстан радиосуна маек берип жатып билдирди.
Анын айтымында, иш-чарага тийиштүү мамлекеттик органдар жана студенттер көмөктөшүүдө.
"Калкка бекер юридикалык көмөк көрсөтүү боюнча декада өтүп жатат. Ал 30-ноябрда башталып, 5-декабрга чейин уланат. Аймактык юстиция башкармалыктарында 28 атайын борбор бар. Ошол жактан жарандар юридикалык консультация алышууда. Бул кызматты юристтер, жактоочулар көрсөтүп жатышат. Мындан тышкары, өнөктүккө Юстиция министрлигинин кызматкерлеринен тышкары Социалдык фонддун, Мамлекеттик каттоо кызматынын, Эмгек жана социалдык өнүктүрүү министрлигинин, Миграция кызматынын кызматкерлери кошулуп, жарандарга юридикалык кеңеш беришүүдө. Буга кошумча, коммерциялык уюмдар менен биргеликте юридикалык факультеттин студенттери дагы бул иш-чараны уюштурууга активдүү катышты. Быйылкы эпидемиологиялык абалды эске алып, бул кызматтарды онлайн алууга да мүмкүндүк түзүлдү", — деди Рыскулова.
Ошондой эле ал аз камсыз болгон жарандарга акысыз адвокат кепилденгенин кошумчалады.
Белгилер:
Күрөө тапшырып, 30 миңден ашуун кол чогулткан талапкерлер. Тизме
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.
- Абдил Сегизбаев — 55 480 адамдын колу;
- Адахан Мадумаров — 39 856;
- Аймен Касенов — 46 270;
- Арстанбек Абдылдаев — 47 998;
- Арстанбек Мыктыбек — 33 083;
- Бабыржан Төлбаев — 58 029;
- Бактыбек Калмаматов — 35 300;
- Жеңишбек Байгуттиев — 51 896;
- Имамидин Ташов (саны белгисиз);
- Канатбек Исаев (саны белгисиз);
- Каныбек Иманалиев (саны белгисиз);
- Клара Сооронкулова — 33 458;
- Кубан Чороев — 39 053;
- Курсан Асанов — 43 864;
- Равшан Жээнбеков — 39 874;
- Рашид Тагаев — 40 651;
- Садыр Жапаров — 59 998;
- Саматбек Ибраев (саны белгисиз);
- Улукбек Кочкоров (саны белгисиз);
- Эльдар Абакиров — 43 630.
Эми бул тизмени Борбордук шайлоо комиссиясынын жумушчу тобу текшерет.
Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.