Радиостудия Sputnik Кыргызстан в Бишкеке - Sputnik Кыргызстан
Радио

Маратов: төкмө акындар сөзүн обонго салып айтышууга ыктай башташты

© Sputnik / Табылды Кадырбеков"Айтыш" коомдук фондусунун теңтөрагасы, төкмө акын Асылбек Маратов. Архив
Айтыш коомдук фондусунун теңтөрагасы, төкмө акын Асылбек Маратов. Архив - Sputnik Кыргызстан
Жазылуу
"Айтыш" коомдук фондусунун теңтөрагасы, төкмө акын Асылбек Маратов илгери төкмөлөр өздөрүнө таандык, аларды өзгөчөлөнтүп турган атайын обондун ыргагы менен айтыш куруп келишкенин айтты.
Маратов: төкмө акындар сөзүн обонго салып айтышууга ыктай башташты

Азыркы тапта төкмө акындар мурунку залкарларга окшоп сөздөрүн өзгөчө бир обонго салуу менен айтышууга ыктап башташты. Бул тууралуу Асылбек Маратов Sputnik Кыргызстан радиосуна маек куруп жатып билдирди.

Анын айтымында, азыркы учурдагы төкмөлөргө жаңы обон ойлоп табуунун деле кажети жок. Анткени буга чейинки залкарлар Жеңижок, Токтогул Сатылганов, Исмаил Борончиев өңдүү төкмөлөрдүн обондорун жандантып, ошого салып айтышса болот.

"Мурунку залкар акындарды эл обонунан таанып келген. Анткени алардын ар биринин өзүнө таандык өзгөчөлүгү бар эле. Мисалы, Калык Акиевдин төкмө стили башка болсо, ошол эле Эстебес Турсуналиевдики өзүнчө айырмаланып турган. Ал эми бүгүнкү күндүн акындары обонго көп маани бербей калышты. Айтыш бир өңчөй өтүп, баары бирдей стилде айтыш куруп жатышат. Мындан сырткары, төкмө акындар чабал болуп кетти, мурункудай залкарлар чыкпай жатат, айтыш өнөрүндө жаңылануу жок деген да дооматтар айтыла баштады. Мына ушунун баарын эске алып айтышты жандантыш үчүн ата-бабаларыбыздын обонго салып айтышуу салтын жандантууга аракет кылып жатабыз", — деди Маратов.

Ошондой эле ал учурда 30дан ашуун жаш төкмө акын тапталып жатканын айтып, ошолор айтыш өнөрүн жаңыча алып чыгат деген үмүттөр артылып жатканын кошумчалады.

Жаңылыктар түрмөгү
0