Nomad Sport коомдук бирикмесинин маркетологу Айгерим Моношбекова

Моношбекова: "Ак илбирсти сактайлы" марафонунун байге фондусу 4,5 млн. сом

49
Nomad Sport коомдук бирикмесинин маркетологу Айгерим Моношбекова 15-сентябрда Бишкекте өтө турган "Ак илбирсти сактайлы" эл аралык кайрымдуулук марафонунун байге фонду 4,5 миллион сом экенин айтты.
Моношбекова: "Ак илбирсти сактайлы" марафонунун байге фондусу 4,5 млн. сом

21 чакырымга чуркап, профессионалдар арасындагы категорияда биринчи келген спортчуга 630 миң сом берилет. Бул тууралуу Айгерим Моношбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, 21 чакырымга жүгүргөндөргө акчалай сыйлык ыйгарылып, ал эми 5 жана 14 чакырымга чуркагандар үчүн атайын демөөрчүлөрдүн белектери тапшырылат.

"Ак илбирсти сактайлы» эл аралык кайрымдуулук марафонунун байге фондусу 4,5 миллион сомду түздү. 1-орунга профессионалдар арасында 630 миң сом берилсе, ал эми спорт сүйүүчүлөр арасында марага биринчи келген кишиге 45 миң сом ыйгарылат. Калган каражат орундарга жараша бөлүнөт. 5 жана 14 чакырымга чуркагандарга демөөрчүлөр тарабынан белектер даярдалып жатат. Ошондой эле ар бир катышуучу салтка айланып калган биздин бирикменин медалы менен сыйланат", — деди Моношбекова.

Ал, мындан сырткары, көзү азиздер да марафонго катыша ала турганын кошумчалады.

Эске салсак, Sputnik Кыргызстан маалымат агенттиги жана радиосу аталган спорттук иш-чаранын медиа өнөктөшү.

49
Белгилер:
"Ак Илбирс" улуттук киносыйлыгы, спорт, марафон, жарыш
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

455
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

455
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
Врач-эндокринолог Гүлжамал Турсункулова

Турсункулова: күн чыккандан кийин уктабай эле койгон дурус

607
(жаңыланган 18:01 05.08.2020)
Врач-эндокринолог Гүлжамал Турсункулова адамдын организминде ар бир саатта ар башка гормондор иштелип чыгып турарын жана бул режим бузулган учурда ден соолукка олуттуу зыян келерин айтты.
Турсункулова: күн чыккандан кийин уктабай эле койгон дурус

Мелатонин "уйку гормону", серотонин "кубаныч же бакыт гормону" деп аталат. Бул экөөнү тең мээнин ортоңку бөлүгүндө жайгашкан эпифиз бези бөлүп чыгарат. Аталган гормондор бири-бири менен эриш-аркак иш алып барып, адамдын ден соолугуна олуттуу таасир тийгизет. Бул тууралуу Гүлжамал Турсункулова Sputnik Кыргызстан радиосуна маек куруп жатып билдирди.

Дарыгердин айтымында, мелатонин гормону саат 21:00дөн баштап бөлүнүп чыгып, организмди уйкуга чакыра баштайт. Түнкү 02:00де эң көп бөлүнгөн чегине жетип, таңкы 04:00төн баштап азаят.

Турсункулова: коомдун стресс гормону тууралуу кенен маалыматы жок

" Адамдын организми өз функциясын жеткиликтүү аткарууда гормондордун орду чоң. Өзгөчө жашоонун булагы болгон уйкуну чакырып, адамды эс алдырып турган мелатонин гормону бар. Ал эми бул гормондун пайда болушун серотонин гормону шарттайт. Серотонинди биз күн нурунан жана курамында антиоксиданттар бар азыктардан алабыз. Мелатонин гормону адамдын биологиялык сааты туура иштеген учурда 21:00дөн тарта пайда болуп, организмди уйкуга даярдай баштайт. Андыктан бул убакыттан көп кечиктирбей уктоо керек. Ал эми таң агарып, тагыраагы, таңкы 04:00, 05:00 аралыгы аталган гормон активдүүлүгүн жоготуп, жыйынтыгында адам уйкудан ойгонушу шарт. Башкача айтканда, ушул сааттар аралыгы уктаган уйку биздин организмибиз үчүн пайдалуу, аны эс алдырат. Ал эми күн чыккандан кийинки уйкунун пайдасы жок. Ошондой эле күндүз атайын үйдү караңгылатып алып уктоо да организмге жакшы таасирин тийгизбейт. Негизи эле адам ден соолукта болушу үчүн ар саатта ар башка гормондор бөлүнүп чыгып, өз тартиби менен иштеп турат ", — деди Турсункулова.

Эндокринолог серотонинди көбөйтүү үчүн атайын таблеткаларды ченемсиз ичүү галлюцинация, шизофрения ооруларына алып келиши ыктымалдыгын кошумчалады.

607
Белгилер:
кеңеш, уйку, ден соолук
Тема боюнча
Турсункулова: стресс иммунитетти түшүрөт, аны көтөрүүнүн жолу бар
Ак кунастар. Архив

Ак кунастарды 23 жаштагы жигит аткан. Сузак милициясы сүрөттөгү жарандарды кармады

0
(жаңыланган 12:34 06.08.2020)
Буга чейин басылмалардын биринде атылган ак кунастарды кармап сүрөткө түшкөн кишилер тууралуу маалымат чыккан.

БИШКЕК, 6-авг. — Sputnik. Жалал-Абад облусунун Сузак райондук милициясы Кызыл китепке киргизилген ак кунастарды аткан кишини кармады. Бул тууралуу ОИИБдин маалымат кызматы кабарлады.

Ага ылайык, 4-август күнү коргоого алынган ак кунастарды кармап сүрөткө түшкөн кишилер тууралуу маалымат жарыяланган.

Мындан улам Биотүрдүүлүктү сактоо жана өзгөчө корголуучу жаратылыш аймактары департаменти тарабынан ак кунастарды аткандарга чара көрүү үчүн Жалал-Абад ОИИБине кат жолдонгон.

Сүрөт "Короче" телеграмм каналына коюлган.

Анын негизинде Сузак райондук милиция канаттууну аткан жаранды аныктаган.

"Окуя 30-июль күнү саат 14:30 чамасында Сузак районунун Кара-Дарыя айыл аймагында болгон. 23 жаштагы жергиликтүү тургун сайсыз курал менен дарыянын жээгинде учуп бараткан үч ак кунасты атып, андан кийин сүрөткө түшкөн. Кийин анын 20 жаштагы бир тууган иниси дагы атылган ак кунастарды кармап сүрөткө түшүп, социалдык тармакка чыгарып жиберген", — деп айтылат маалыматта.
Подозреваемый в отстреле белых аистов в Джалал-Абадской области
© Фото / пресс-служба УВД Джалал-Абадской области
Кызыл китепке киргизилген ак кунастарды атууга шектелген жаран

Милиция Жалал-Абадда жоголгон эже-сиңдини Баткенден тапты. Кыздардын жообу

Кечээ аталган факты Кылмыш жана жоруктардын бирдиктүү реестрине Жоруктар жөнүндө кодексинин 144-беренеси ("Жаныбарларды жана өсүмдүктөрдү жок кылуу") менен катталып, сотко чейинки өндүрүш иши ачылган.

Ал эми сайсыз ок атуучу курал боюнча акт түзүлүп, соттук-баллистикалык экспертиза дайындалган.

Тергөө аракеттери уланып жатат.

0
Белгилер:
кармоо, Сүрөт, сатуу, милиция, ОИИБ, Жалал-Абад облусу
Тема боюнча
Ноокенде 10 жашар кызды зордуктаган бала өмүр бою эркинен ажыратылды