КРдин эмгек сиңирген ишмери, комузчу Ирина Суеркулова

Суеркулова: балдарга комуз үйрөтүүдөн ырахат алам

106
(жаңыланган 15:16 09.09.2019)
КРдин эмгек сиңирген ишмери, комузчу Ирина Суеркулова "Акак" комузчулар ансамблинин түзүлгөнүнө 25 жыл толгондугун айтты.
Суеркулова: балдарга комуз үйрөтүүдөн ырахат алам

Комузчулук өнөрдө педагогикалык багытты аркалап калышыма устаттарым себепкер болду. Бул тууралуу Ирина Суеркулова Sputnik Кыргызстан радиосунун 9-сентябрь — комуз күнүнө карата эфиринде маек куруп жатып билдирди.

Анын айтымында, балдарга комуз үйрөтүү абдан жоопкерчиликтүү иш. Анткени педагог баланын ата-энесинин алдында эле эмес, ата-бабадан мурас катары келе жаткан өнөр алдында да милдеттеме алат.

"Музыкалык мектептен баштап консерваторияга чейин жалпысынан 20 жыл комузду окуп, үйрөндүм. Ошол билим алып жүргөн кезимде эле залкарлар Калыбек Жекшенов, Дастан Сарыгулов, Эстебес Турсуналиев, Асанкан Жумакматов сыяктуу устаттарым баары бир ооздон келечекте жаш комузчуларды тарбиялап, педагог болууга шыгым бар экенин айтышты. Ошол устаттарымдын кеңешин туура көрүп, мен "Акак" деген комузчулар ансамблин түзүп, жаш комузчуларды тарбиялап келе жатканыма 25 жылдын жүзү болуп калды. Балдар менен иштешкен менин өзүмө да абдан жагат. Бул бир чети жоопкерчилиги күч, экинчи тарабынан түйшүктүү да, ырахаттуу да кесип", — деди педагог.

Ал атайын бир күндү комузга арнап, республикалык деңгээлде белгилениши салттык музыканын мындан ары да өнүгүүсүнө сезилерлик түрткү болот деген пикирин кошумчалады.

Эске салсак, ушул жылдын июль айында мамлекет башчы 9-сентябрда комуз күнүн белгилөө боюнча жарлыкка кол койгон.

106
Белгилер:
жоопкерчилик, өнөр, балдар, педагог, комуз
Тема боюнча
Улуттук банк: "Мобильник" 6-февралга чейин кардарлар менен эсептешүүсү керек
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

521
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

521
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
Врач-эндокринолог Гүлжамал Турсункулова

Турсункулова: күн чыккандан кийин уктабай эле койгон дурус

653
(жаңыланган 18:01 05.08.2020)
Врач-эндокринолог Гүлжамал Турсункулова адамдын организминде ар бир саатта ар башка гормондор иштелип чыгып турарын жана бул режим бузулган учурда ден соолукка олуттуу зыян келерин айтты.
Турсункулова: күн чыккандан кийин уктабай эле койгон дурус

Мелатонин "уйку гормону", серотонин "кубаныч же бакыт гормону" деп аталат. Бул экөөнү тең мээнин ортоңку бөлүгүндө жайгашкан эпифиз бези бөлүп чыгарат. Аталган гормондор бири-бири менен эриш-аркак иш алып барып, адамдын ден соолугуна олуттуу таасир тийгизет. Бул тууралуу Гүлжамал Турсункулова Sputnik Кыргызстан радиосуна маек куруп жатып билдирди.

Дарыгердин айтымында, мелатонин гормону саат 21:00дөн баштап бөлүнүп чыгып, организмди уйкуга чакыра баштайт. Түнкү 02:00де эң көп бөлүнгөн чегине жетип, таңкы 04:00төн баштап азаят.

Турсункулова: коомдун стресс гормону тууралуу кенен маалыматы жок

" Адамдын организми өз функциясын жеткиликтүү аткарууда гормондордун орду чоң. Өзгөчө жашоонун булагы болгон уйкуну чакырып, адамды эс алдырып турган мелатонин гормону бар. Ал эми бул гормондун пайда болушун серотонин гормону шарттайт. Серотонинди биз күн нурунан жана курамында антиоксиданттар бар азыктардан алабыз. Мелатонин гормону адамдын биологиялык сааты туура иштеген учурда 21:00дөн тарта пайда болуп, организмди уйкуга даярдай баштайт. Андыктан бул убакыттан көп кечиктирбей уктоо керек. Ал эми таң агарып, тагыраагы, таңкы 04:00, 05:00 аралыгы аталган гормон активдүүлүгүн жоготуп, жыйынтыгында адам уйкудан ойгонушу шарт. Башкача айтканда, ушул сааттар аралыгы уктаган уйку биздин организмибиз үчүн пайдалуу, аны эс алдырат. Ал эми күн чыккандан кийинки уйкунун пайдасы жок. Ошондой эле күндүз атайын үйдү караңгылатып алып уктоо да организмге жакшы таасирин тийгизбейт. Негизи эле адам ден соолукта болушу үчүн ар саатта ар башка гормондор бөлүнүп чыгып, өз тартиби менен иштеп турат ", — деди Турсункулова.

Эндокринолог серотонинди көбөйтүү үчүн атайын таблеткаларды ченемсиз ичүү галлюцинация, шизофрения ооруларына алып келиши ыктымалдыгын кошумчалады.

653
Белгилер:
кеңеш, уйку, ден соолук
Тема боюнча
Турсункулова: стресс иммунитетти түшүрөт, аны көтөрүүнүн жолу бар
Премьер-министр Кубатбек Боронов. Архив

Рентген аппараттарын алуу маселеси чечилген эмес. Боронов министрликти сындады

0
(жаңыланган 15:20 06.08.2020)
Республикалык ыкчам штабдын кезектеги жыйынында үймө-үй кыдыруу иш-чарасын күчөтүү тапшырмасы берилген.

БИШКЕК, 6-авг. — Sputnik. Премьер-министр Кубатбек Боронов рентген-аппараттарын сатып алуу маселеси жетиштүү деңгээлде иштелип чыкпаганы үчүн Саламаттык сактоо министрлигинин башында тургандардын ишин сынга алды. Бул туурасында өкмөттүн маалымат кызматынан кабарлашты.

Республикалык ыкчам штабдын кезектеги жыйынында Ысык-Көл, Нарын облустарындагы саламаттыкты сактоо мекемелериндеги медициналык жабдуулардын, дары-дармектердин, жеке коргонуучу каражаттардын жетиштүүлүгү боюнча мониторингдин жыйынтыгы талкууланган.

Коронавирус жуктургандар көбөйүүдө! Штаб себебин айтып, эскертүү берди

"Боронов рентген аппараттарын сатып алуу маселеси жетиштүү деңгээлде иштелип чыкпаганы үчүн Саламаттык сактоо министрлигинин жетекчилигинин ишин сынга алды. Өкмөт башчы жогоруда айтылган маселени ыкчам тартипте чечип, сатып алуу процессин тездетүүнү тапшырды", - деп айтылат маалыматта.

Тармактык мамлекеттик органдарга, жергиликтүү бийлик органдарына баштапкы медициналык-санитардык жардам чөйрөсүндө адистердин дараметин көтөрүү, үймө-үй кыдыруу иш-чарасын күчөтүү тапшырмалары берилгени айтылды.

0
Белгилер:
сын, маселе, аппарат, рентген, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Боронов эмдөө жана аймактарда ооруканаларды кеңейтүү боюнча тапшырма берди