Экономика илимдеринин доктору, профессор Айылчы Сарыбаевдин архивдик сүрөтү

Сарыбаев: мамлекеттик ведомстволор бизнеске аралашпашы керек

46
(жаңыланган 09:53 23.09.2019)
Экономика илимдеринин доктору, профессор Айылчы Сарыбаев Кыргызстандын Конституциясына ылайык өлкөдө ишкерликтин бардык түрү менен алектенүүгө мүмкүнчүлүк бар экенин айтты.
Сарыбаев: мамлекеттик ведомстволор бизнеске аралашпашы керек

Айрым шылуун адамдар мамлекеттик кызматты бизнеске айландырып алышкан. Ошонун кесепетинен жергиликтүү ишкерлик тармагы өнүкпөй жатат. Бул тууралуу Айылчы Сарыбаев Sputnik Кыргызстан радиосунун таңкы эфиринде маек куруп жатып билдирди.

Анын айтымында, бизнесмендердин ишине мамлекеттик ведомстволор аралашып, аларга жол көрсөтүп, рыноктогу ордун таап берүүгө ашыга беришет, чынында бул туура эмес. Анткени ишкерлерди мажбурлап иш кылдыруу бизнес чөйрөсүнүн өнүгүүсүнө бөгөт коёт.

"Бизнес рыноктун шартында гана өнүгөт. Суроо-талапка жараша атаандаштык болуп, ишкерлер издене баштайт. Өнүккөн өлкөлөрдүн тажрыйбасын колдонушат. Эң башкысы мыйзамда каралган ишкерлердин укуктары бузулбаса, сөзсүз өнүгүү болот. Ал үчүн Конституцияда бардык шарттар каралган. Бирок бизде айрым шылуундар мамлекеттик кызматты бизнеске айландырып алышты. Ошонун кесепетинен жылыш болбой жатат. Жемкорлуктун айынан ишкерлик чөйрөсү жапа чегүүдө. Айрым ведомстволор бизнесмендерге рыноктогу ордун таап берүүгө аракеттенишет. Бул туура эмес. Мажбурлоо болгон жерде өсүү болбойт. Ишкерлерди жайына коюп, алардын ишине мамлекеттик органдар тоскоол болбошу керек", — деди Сарыбаев.

Ошондой эле ал учурда ишкерлердин жаңы мууну пайда болуп, дүйнөлүк рынокко чыгууга жасалган аракети менен заман талабына жараша иш алып барууга умтулуп жатканын кошумчалады.

46
Белгилер:
мамлекет, Өнүгүү, рынок, шарт, мыйзам, бизнес, Айылчы Сарыбаев
Тема боюнча
Айылчы Сарыбаев: мигранттар салган акча максатсыз пайдаланылып жатат
Робин Орд-Смит Кыргызстандын бизнес-акыйкатчысы болуп дайындалды
Мамлекеттик ипотекалык компаниянын төрайымы Элмира Абжапарова

Абжапарова: 6% менен каалагандарга ипотека берчү компания түзүлдү

161
Мамлекеттик ипотекалык компаниянын төрайымы Элмира Абжапарова аталган мекеменин алдында дагы бир ипотекалык ишкана түзүлгөндүгүн айтты.
Абжапарова: 6% менен каалагандарга ипотека берчү компания түзүлдү

"Ак-Босого" турак жай сактык, кредиттик компаниясы аркылуу каалаган жарандардын бардыгы эч кандай чектөөлөрсүз ипотека ала алат. Бул тууралуу Элмира Абжапарова Sputnik Кыргызстан радиосуна маек куруп жатып билдирди.

Анын айтымында, аталган компаниянын максаты кыргызстандыктарды турак жай менен камсыз кылууда жеткиликтүү шарттар менен камсыздоо.

"Ак-Босого" турак жай сактык, кредиттик ишканасынын Мамлекеттик ипотекалык компаниядан айырмачылыгы арбын. МИК жалаң гана бюджеттик кызматта иштеген адамдарга ыңгайлашкан болсо, жаңы түзүлүп жаткан ишканадан каалоочулардын бардыгы кредит ала алат. Ошондой эле ипотека алып жаткан адамдын үйүнүн бар-жогу да каралбайт. Мисалы, кардар 1 миллион сомдук үй алгысы келсе, алгач үч жыл бою "Ак-Босого" компаниясынын сактык куржунунун топтомо бөлүгүнө өз каражатын чогултушу керек. Албетте, ар кимдин финансылык мүмкүнчүлүгүнө карап, бирдиктүү суммага бөлүнөт. Кардар үч жыл бою ай сайын белгиленген акчаны компанияга которуп турат. Мөөнөтү бүткөн соң башында келишимде айтылгандай, 1 миллион сомдук тамды сатып алат. Жетпеген каражатты "Ак-Босого" турак жай сактык, кредиттик компаниясы алты пайыз менен сегиз жылга берет. Кардар өзү чогулткан акчасы менен келип кредит ала албайт. Милдеттүү түрдө 3-4 жылга аталган компанияда акчасын чогултушу керек", — деди Абжапарова.

Ал жаңы түзүлүп жаткан ипотекалык компаниянын кызматынан чет мамлекеттерде иштеп жүргөн кыргызстандыктар да пайдалана ала тургандыгын кошумчалады.

161
Белгилер:
кредит, компания, турак-жай, ипотекалык насыя
Тема боюнча
Мамлекеттик ипотека 2025-жылга чейин кандай болот? Долбоордун кыскача түшүндүрмөсү
Республикалык ден соолукту чыңдоо жана массалык коммуникация борборунун жугуштуу ооруларды алдын алуу бөлүмүнүн башчысы Сагынбек Уезбаев

Уезбаев: вирустан коргонуу үчүн кол кап кийген туура эмес

237
Республикалык ден соолукту чыңдоо жана массалык коммуникация борборунун жугуштуу ооруларды алдын алуу бөлүмүнүн башчысы Сагынбек Уезбаев вирустан коргонуу үчүн ысыкта кол кап кийгенде кол тердеп, жумшарып, теринин сырткы катмары микробдон коргобой каларын айтты.
Уезбаев: вирустан коргонуу үчүн кол кап кийген туура эмес

Бейтаптардын 80 пайызы COVID-19 менен симптому жок ооруп жатат. Ошондуктан эл арасында инфекцияны алып жүргөнүн билбеген адамдар болушу ыктымал. Өзү оорубаганы менен ал адам башкаларга жуктурушу толук мүмкүн. Андыктан мындай учурда ар бир адам коомдук жайларда, эл чогулган жерлерде, ишканада бет кап тагынуусу зарыл болуп эсептелет. Бул тууралуу Сагынбек Уезбаев Sputnik Кыргызстан радиосунун эфиринде маек куруп жатып билдирди.

Анын айтымында, карантин маалында көчөгө жеңи, багалеги узунураак кийим кийип, эл көп жерде маска тагынып, адамдардан бир жарым метр алыс туруп, аралыкты сактоо керек.

"Негизи медициналык бет каптарды медкызматкерлер, бейтапты карап жаткан киши жана ооруп жаткан адам башкаларга жуктурбоо максатында тагынат. Ал эми коргонуу үчүн мүмкүнчүлүк болсо респиратордук маскаларды тагынган оң. Азыр коомдук транспорттор, соода борборлору жана башка тармактар ишке кирди. Мыйзам боюнча ар бир жаран өзүнүн ден соолугуна кам көрүүгө жана башкалардан санитардык-эпидемиологиялык эрежелерди сактоону талап кылууга укугу бар. Ошондуктан биз коомдук жайларда адамдардан маска тагынууну талап кыла алабыз. Ал эми вирустан коргонуу үчүн ысыкта кол кап тагынуунун зарылчылыгы жок. Себеби кол тердеп, нымдалышып, жумшарып, тескерисинче, теринин сырткы катмары микроб, вирустан коргой албай калат. Андан көрө көчөдө жүргөндө колду антисептикалык каражаттар менен тазалап туруу натыйжалуураак. Эскерте кетчү нерсе, бул суюктукта спирттин концентрациясы 70 пайыздан кем болбошу керек. Ошондой эле карантин маалында көчөгө жеңи, багалеги узунураак кийим кийип чыккан туура", — деди Уезбаев.

Ал сырттан келгенде кийимдерди күнгө жайып, дененин ачык жерлерин самындан жууп коюу керектигин кошумчалады.

237
Белгилер:
коргонуу, антисептик, гигиена
Тема боюнча
Уезбаев: тазалыкты камсыздоо вирустун жайылышына бөгөт коёт
Ысык-Ата капчыгайы. Архивдик сүрөт

Чүйдүн токой аянттарын кеңейтип, өсүмдүктөрүн көбөйтүү тапшырылды

6
Аймактагы токой чарбанын жалпы аянты 33 миң 560 гектарды түзөт. Алты токой чарбачылыгы менен жүз миңден ашуун өсүмдүгү бар алты питомник иш алып барат.

БИШКЕК, 29-май — Sputnik. Айлана-чөйрөнү коргоо жана токой чарба агенттигинин башчысы Мирслав Аманкулов Чүй облусунун токой аянтын көбөйтүүгө, ал жакка мөмө бере турган жана кооздук тартуулай алган өсүмдүктөрдү өстүрүүгө тапшырма берди. Бул тууралуу аталган мекеменин маалымат кызматы билдирди.

Ага ылайык, Аманкулов өкмөт өкүлдөрү жана мекемедеги бөлүмдөрдүн жетекчилери менен биргеликте Чүйдүн токой чарбасын текшерип, бир катар милдеттерди койгон. Алар Кегети токой чарбачылыгына барышкан.

"Токой аянттарын көбөйтүү зарылдыгы белгиленди. Мөмө бере турган, кооздук тартуулаган жана башка токой өсүмдүктөрүн өстүрүү тапшырмасы берилди. Питомниктердин абалын да жакшыртуу сунушталды", — деп айтылат маалыматта.

Аманкулов сапарынын алкагында Чүй токой чарбасынын аймагында жайгашкан Жердев-Сад питомниги менен таанышкан.

"Питомниктин жалпы аянты 25 гектарды түзөт. Учурда бул жерде миңден ашык гүлдүн түрлөрү, 300 миңден ашык мөмө жана токой өсүмдүктөрүнүн көчөттөрү отургузулду", — деп айтылат билдирмеде.

Чүйдүн токой чарбасынын жалпы аянты 33 миң 560 гектарды түзөт. Анын 12 миң 840 гектары токой. Бул жакта алты токой чарбачылыгы жана алты питомник бар. Питомниктердин жалпы аянты 23,8 гектар. Учурда ал жакта токой жана жемиш бере турган 100дөн ашык өсүмдүктүн түрү өстүрүлүп жатат.

6
Белгилер:
айыл чарба, питомник, өсүмдүктөр, аянт, токой, Чүй облусу
Тема боюнча
Токой чарбасы агенттигинин жетекчиси депутаттын сынына калды
Көлдөгү ак чардактар жер котордубу? Токой чарба агенттигинин түшүндүрмөсү