Үй-бүлөлүк дарыгер Элмира Астанова

Астанова: сасык тумоого каршы акысыз эмдөө жүрүп жатат

144
(жаңыланган 15:10 03.10.2019)
Үй-бүлөлүк дарыгер Элмира Астанова күз мезгили келип күн сууктаганда респиратордук оорулар күч ала баштарын айтты.
Астанова: сасык тумоого каршы акысыз эмдөө жүрүп жатат

Күз-кыш мезгилдеринде тумоолоп калбоо үчүн оорунун алдын алуу аракеттерин көрүп, колдон келсе сасык тумоого каршы эмдөөдөн өтүп коюш керек. Аталган процедура мамлекеттик ооруканаларда акысыз жүргүзүлөт. Бул тууралуу Элмира Астанова Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, сасык тумоого каршы эмдөө жеткинчектерге жана тобокелдик тобунда турган жарандарга биринчи кезекте жасалат.

"Учурда мамлекеттик ооруканаларда сасык тумоого каршы эмдөө жүрүп жатат. Бул — аталган оорунун алдын алуу аракеттеринин бири. Жарандар өздөрүнүн үй-бүлөлүк дарыгерине кайрылып, "гриппол" деген вакцинаны алса болот. Эмдөө акысыз, жаш балдар жана тобокел тобунда турган жарандар кезексиз тейленет. Бул жерде эскерте кетчү жагдай, вакцинаны алуудан мурун дарыгерлер менен кеңешүү зарыл. Анткени эмдөөдө колдонулган препарат баарына эле жарай бербейт, алардын саны да чектелүү. Ошол себептен алгач үй-бүлөлүк медицина борборлоруна кайрылып, ал жактан уруксат алгандан кийин гана эмдөөгө баруу керек", — деди дарыгер.

Ошондой эле сасык тумоо инфекциялык оору болгондуктан аны антибиотиктер менен дарылоо туура эместигин айтып, аталган препараттар бактериялык илдеттерге каршы колдонуларын кошумчалады.

144
Белгилер:
оорукана, мамлекет, эмдөө, сасык тумоо
Тема боюнча
Азизбекова: "Жеңилдетилген рецепт" менен дарыларды 90 пайызга чейин арзан алса болот
Саламаттык сактоо министрлигинин штаттан сырткаркы башкы пульмонологу, профессор Талант Сооронбаев. Архив

Пульмонолог: азыркы пневмония COVID-19 вирусу чакырган илдет

1107
(жаңыланган 17:22 03.07.2020)
Саламаттык сактоо министрлигинин штаттан сырткаркы башкы пульмонологу, профессор Талант Сооронбаев учурда күчөп жаткан пневмония оорусунан дарылануу ыкмаларын айтты.
Пульмонолог: азыркы пневмония — COVID-19 вирусу чакырган илдет

Азыр жүрүп жаткан пневмонияны COVID-19дан бөлүп кароого болбойт. Экөө бир оору. Мындай пикирин Талант Сооронбаев Sputnik Кыргызстан радиосуна маек куруп жатып билдирди.

Анын айтымында, ПЦР-тесттер COVID-19 вирусун көрсөтпөгөн учурда деле, эгер пневмония бар болсо, аталган дартка кабылган болуп эсептелет.

Пульмонолог Сооронбаев: 30 жыл иштеп мындай пневмонияны көргөн эмесмин

"Коронавирус өзүнчө, азыр курч жүрүп жаткан пневмония өзүнчө деп ойлоо жаңылыштык. Азыркы пневмониянын козгогучтары бактерия же микроб эмес, ошол COVID-19 вирусу болуп жатат. Ошондуктан "атипичная внебольничная пневмония" же болбосо башка типтеги пневмония деп аталат. Оору өпкөнүн кан тамырларында тромбдорду пайда кылып, жыйынтыгында аба алмашуу керектүү деңгээлде жүрбөй, адамга кычкылтек жетпей демигип калат. Ошондуктан өлүмдүн саны да көп болууда. Бул жерде адамдар антибиотиктерди ичүү менен дарыланам деп адашып жатышат. Вируска ал дарылар жардам бербейт. Эгер белгилери байкалып дене табы көтөрүлсө, дароо үй-бүлөлүк врачтарга телефон чалуу керек. Ошолор айткан гана дары-дармектерди, башкысы, канды суюлтуучу препараттарды ичүү керек", — деди Сооронбаев.

Дарыгер вирус жуктуруп албаш үчүн обочолонуу, санитардык эрежелерди так сактоо керектигин кошумчалады.

1107
Белгилер:
пневмония, коронавирус, Талант Сооронбаев
Тема:
Кыргызстандыктарды кыйнаган пневмония
Тема боюнча
Сооронбаев: балдарга газдалган суусундуктарды таптакыр бербеш керек
Борбордук шайлоо комиссиясынын төрайымынын орун басары Абдыжапар Бекматов. Архив

Бекматов: саясий партиялар үгүт иштерин 50 пайызга чейин онлайн өткөрөт

43
(жаңыланган 12:49 03.07.2020)
Борбордук шайлоо комиссиясынын төрайымынын орун басары Абдыжапар Бекматов алдыда боло турган парламенттик шайлоонун үгүт иштерине пандемияга байланыштуу бир топ эреже киргизилерин айтты.
Бекматов: саясий партиялар үгүт иштерин 50 пайызга чейин онлайн өткөрөт

Жогорку Кеңешке шайлоо жараянын өткөрүүгө мурдагылардан айырмаланып бир топ санитардык эреже киргизилет. Мындай кадамдар коронавируска байланыштуу болот. Бул тууралуу Абдыжапар Бекматов Sputnik Кыргызстан радиосуна маек куруп жатып билдирди.

Анын айтымында, БШК үгүт иштери учурунда партияларды санитардык эрежелерди аткарууга милдеттендирген укуктук актыларды иштеп чыкты.

"Быйыл 4-октябрда өтүүчү парламенттик шайлоо мурдагыларынан өзгөчө болот. Анткени мыйзамда көрсөтүлгөн эрежелерге кошумча дагы санитардык тартиптер киргизилет. Мунун баары коронавирустун калк арасына жайылуусуна жол бербөө максатын көздөйт. Ал үчүн талапкерлерге үгүт иштеринин 50 пайызга чейинкисин аралыктан, ЖМКлар аркылуу жүргүзүү тапшырмасы берилет. Бул көрсөткүч мурда 30 пайыздан ашпоосу керек эле. Мындан сырткары, шайлоочулар менен жолугушуу өткөрүүнү каалашса, азыркы учурдагы талапка ылайык, бир топко 50дөн ашык эмес гана адам чогултууга жана аларды коопсуздук аралыгын сактоо менен жайгаштырууга милдеттендирилет. Бул багытта атайын укуктук актылар иштелип чыкты", — деди Бекматов.

Ал ошондой эле санитардык талаптарды аткарбаган партиялар жоопко тартыларын кошумчалады.

43
Белгилер:
коронавирус, шайлоо, Абдыжапар Бекматов
Тема боюнча
Бекматов: убактылуу каттоого тургандар ал жерде шайлоого катыша албайт
Медициналык кызматкер ишге бара жатат. Архив

Бишкектеги ооруканада дарыгердин 12 метрлик сүрөтү тартылууда. Көрүнүшү

0
(жаңыланган 23:07 03.07.2020)
Сүрөт Улуттук госпиталдын хирургия бөлүмүнүн имаратына тартылып, анда дарыгерлердин биринин элеси түшүрүлгөн. Чыгармачыл топ аны ушул жекшемби күнү бүтөрүн айтты.

БИШКЕК, 3-июл. — Sputnik. Борбор калаадагы Улуттук госпиталдын имаратында дарыгердин 12 метрлик портрети тартылып жатат. Бул тууралуу Sputnik Кыргызстан агенттигине DOXA Art-group чыгармачылык тобунун сүрөтчүсү Сергей Келлер кабарлады.

Анын айтымында, сүрөт жекшемби күнү тартылып бүтөт. Социалдык тармактагы баракчасына портретти жүктөп, ал дарыгерлерге арналарын жазган.

"Учурдун чыныгы баатырларына арнап эмгек жаратуудабыз. Портрет борборбогу Улуттук госпиталдын корпустарынын биринде болот", — деп жазган Келлер аккантуна.

Анын агенттикке билдиришинче, сүрөттүн бийиктиги 12 метрдей, чыгымын парламенттеги депутаттардын бири көтөрүп жатат.

"Картина Улуттук госпиталдын хирургия бөлүмүнүн имаратында тартылууда. Ал Бөкөнбаев көчөсүнөн бир аз өйдө жактагы урология бөлүмүнө бет маңдай салынган. Эскизде дарыгерлердин биринин элеси түшүрүлгөн. Ушул жекшембиде аны толук бүтүрүп, дүйшөмбү күнү чыгармачылыгыбызды элге тартуулайбыз деп турабыз", — деди Келлер.

Буга чейин DOXA командасы залкар жазуусу Чыңгыз Айтматовдун сүрөтүн Бишкектеги көп кабаттуу үйлөрдүн биринин дубалына тартышкан. Ошондой эле ала качуунун курмандыгы болгон Бурулай Турдали кызынын портретин борбордогу медициналык колледждин жатаканасынын дубалына түшүрүшкөн.

0
Белгилер:
кызматкер, медицина, портрет, Сүрөт, Улуттук Госпиталь, Бишкек
Тема боюнча
Президент медиктерди Манас ордени, Даңк медалы менен сыйлады