Көк бөрү федерациясынын баш катчысы Куватбек Аскарбеков

Аскарбеков: көк бөрү боюнча дүйнө чемпионатына чакыруу келген жок

71
(жаңыланган 14:35 07.10.2019)
Көк бөрү федерациясынын баш катчысы Куватбек Аскарбеков кыргыз улакчылары 20-ноябрда Өзбекстанда өтө турчу көк бөрү боюнча дүйнө биринчилигине барбай турганын айтты.

Дүйнө биринчилигине катышуу үчүн Кыргызстандын көк бөрү боюнча курама командасына бүгүнкү күнгө чейин расмий чакыруу келе элек. Бул тууралуу Куватбек Аскарбеков Sputnik Кыргызстан радиосунун таңкы эфиринде маек куруп жатып билдирди.

Анын айтымында, Өзбекстанда өтө турчу көк бөрү боюнча дүйнө чемпионатынын жоболору баштапкы кабыл алынган көк бөрү оюнунун эрежелерине дал келбейт.

"Адатта эл аралык жана дүйнөлүк деңгээлдеги мелдештерге расмий чакыруу кеминде 2-3 ай мурун келет. Биз Дүйнөлүк көчмөндөр оюндарын өткөрүп жатканда дал ушул эрежени карманганбыз. Анткени курама команданы топтоп, спортчуларды даярдоого бир топ убакыт керектелет. Ал эми Өзбекстандан бүгүнкү күнгө чейин расмий чакыруу келе элек. Мелдештин башталышына аз эле убакыт калды. Курама команданы чогултуп, тийиштүү түрдө даярданууга жетишпейбиз", — деди Аскарбеков.

Ошондой эле ал көк бөрү боюнча өтө турчу быйылкы дүйнө биринчилигинде тай казан жок болгондогуна байланыштуу кыргыз улакчыларына оюн жүргүзүү бир топ ыңгайсыз болорун айтып, бул да мелдешке катышпоо чечимине түрткү болгон бир себеп экенин кошумчалады.

71
Белгилер:
Өзбекстан, дүйнө чемпионаты, Көк бөрү
Тема боюнча
КР көкбөрүчүлөрү Өзбекстанда болчу дүйнө чемпионатына барбай калды. Себеби