Социалдык фонддун маалымат кызматынын жетекчиси Жеңишбек Муканбетов

Муканбетов: атайын тизмеге киргизилген бейтаптар Соцфонддон акча ала алат

97
(жаңыланган 14:38 07.10.2019)
Социалдык фонддун маалымат кызматынын жетекчиси Жеңишбек Муканбетов оор дартка кабылгандарга жардам берүү максатында жаңы мыйзам сунушталып жатканын айтты.
Муканбетов: атайын тизмеге киргизилген бейтаптар Соцфонддон акча ала алат

Эми онкологиялык же башка оор илдетке чалдыккандар Социалдык фонддон пенсиясынын топтомо бөлүгүнө чогултуп жаткан каражатын кайра ала алышат. Бул тууралуу Жеңишбек Муканбетов Sputnik Кыргызстан радиосунун таңкы эфиринде маек куруп жатып билдирди.

Анын айтымында, кооптуу оорулардын тизмесин Саламаттык сактоо министрлиги түзөт.

"Эгер Кыргызстандын жараны кандайдыр бир кооптуу ооруга чалдыгып, операция же олуттуу дарылануу талап кылынса топтомо фондундагы буга чейинки чогулган акчасын ала алат. Ал эми кандай илдет менен жабыркаган учурда бул категорияга кирерин Саламаттык сактоо министрлиги аныктайт. Ооруп калган адамдардын жаш курагы чектелбейт, башкача айтканда, Социалдык фонддун бул кызматынан бир эле пенсия курагындагылар пайдаланбайт. Азырынча жобого мындай өзгөртүү кире элек, болгону мыйзам долбоору жазылып сунушталды, учурда макулдашуулар жүрүп жатат", — деди Муканбетов.

Ал топтомо фондунда 50 миң сомдон көбүрөк каражаты бар пенсия курагындагы карыялар ошол акчасын алгачкы төлөмгө жумшап, ипотекага үй алуу мүмкүнчүлүгү да каралып жаткандыгын кошумчалады.

97
Белгилер:
ден соолук, фонд, пенсия
Тема боюнча
Үсөнакун уулу: Ипотекалык компания аркылуу 4000ден ашуун бүлө үй алды
ӨКМдин Бишкек шаары боюнча башкармалыгынын башчысы Адилбек Чаргынов

Чаргынов: Бишкекте 12 миллион чарчы метр аянт хлор менен дезинфекцияланды

29
(жаңыланган 16:59 06.08.2020)
ӨКМдин Бишкек шаары боюнча башкармалыгынын башчысы Адилбек Чаргынов ушул күндөргө карата Бишкек шаары боюнча 16 тонна хлор колдонулганын белгиледи.
Чаргынов: Бишкекте 12 миллион чарчы метр аянт хлор менен дезинфекцияланды

Борбор калаада жалпысынан 12 миллион чарчы метр аянтта дезинфекциялоо иштери жүргүзүлдү. Бул тууралуу Адилбек Чаргынов Sputnik Кыргызстан радиосуна маек куруп жатып билдирди.

Анын айтымында, бул иштер үчүн өздүк курамдан 500гө чукул кызматкер жана колдо бар техниканын баары тартылган.

Пневмониянын жайылышына дезинфекциялоо иштери себеппи? Адистердин пикири

"Коронавирусту жайылтпоо максатында базарларда, сейил бактарда, адам көп чогулган жерлерде жалпысынан 12 миллион чарчы метр жерде дезинфекция иштери жүргүзүлдү. Анын ичинде ооруканалардагы, стационарлардагы, ошондой эле жаңы конуштардагы оорунун очогу болгон жерлер дезинфекцияланды. Бизде чачылып жаткан хлордун тийиштүү сертификаттары бар. Андан тышкары шаардык санитардык көзөмөлдөө борборунан үлгү алып текшерүүлөрдү жүргүзүп турабыз. Учурда ӨКМ тарабынан коронавирустун экинчи толкунуна даярдыктар көрүлүп, эл аралык уюмдар менен кампага корлор камдалууда. Шаарда эпидемиологиялык абал жакшырып, оорунун катталуусу токтосо дезинфекция иштери дагы акырындап токтойт", — деди Чаргынов.

Ал ЖРТ тапшырылган имараттар хлор менен дезинфекцияланганын, учурда шайлоо участокторунда бул иш уланып жатканын кошумчалады.

29
Белгилер:
хлор, коронавирус, дезинфекция
Тема:
Коронавируска байланыштуу Кыргызстандагы кырдаал
Тема боюнча
Бишкектеги базарлар кайсы күндөрү жабык болот? Иштөө графиги
Эмен багы галереясынын арт-директору Чолпон Тентиева

Тентиева: коронавирус менен күрөштө искусство адамдары четте турбайт

31
(жаңыланган 15:37 06.08.2020)
Эмен багы" галереясынын арт-директору Чолпон Тентиева карантинден кийин жарандар үчүн көргөзмөлөр эшигин ачканын айтты.
Тентиева: коронавирус менен күрөштө искусство адамдары четте турбайт

Жарандарга өзгөчө көргөзмө тартуулоону пландап жатабыз. Анда коюлган иштер толугу менен сатыкка чыгарылат. Түшкөн каражатты коронавирус менен күрөшүүгө которобуз. Бул тууралуу Чолпон Тентиева Sputnik Кыргызстан радиосуна маек куруп жатып билдирди.

Анын айтымында, аталган көргөзмө 15-августка карата уюштурулат.

Жаманкулов: августта маданий жайлардын ишмердүүлүгү онлайн уланат

"Эмил Насритдинов аттуу сүрөтчү менен бирге өзгөчө көргөзмө уюштурууну пландап жатабыз. Ал жети күн уланып, офлайн жана онлайн форматта болот. Анда акварель түрүндөгү 50гө чукул ишти сатыкка чыгарабыз. Сатыктан түшкөн каражатты коронавирус менен күрөшүүгө багытталган фонддорго которобуз. Эпидемия менен күрөшүүгө жапа тырмак киришип жатабыз. Ошондуктан сүрөтчүлөр дагы четте турбай өз салымыбызды кошууну туура деп таптык. Ошондой эле башкаларга дагы үлгү болот деген ишеним менен бул долбоорду демилгеледик", — деди Тентиева.

Ошондой эле ал "Эмен багы" галереясы бир топ пландалган иштерди эпидемияга байланыштуу жылдырууга туура келгенин кошумчалады.

31
Белгилер:
Эмен багы паркы, коронавирус, көргөзмө
Тема боюнча
Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

0
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

0
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео