Үй-бүлөлүк дарыгер Элмира Астанова. Архивдик сүрөт

Астанова: элдик медицина ооруну толук айыктыра албайт

132
(жаңыланган 17:16 07.10.2019)
Үй-бүлөлүк дарыгер Элмира Астанова элдик медицина аркылуу ооруну толук айыктыруу мүмкүн эместигин айтты.
Астанова: элдик медицина ооруну толук айыктыра албайт

Элдик медицина ыкмалары менен илдетти убактылуу жеңилдетсе болот. Ал эми толук дарылануу үчүн врачтарга кайрылуу керек. Бул тууралуу Элмира Астанова Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, бактериялык жана инфекциялык оорулар дары-дармек менен гана айыгат.

"Коомчулук арасында элдик медицина менен дарылангандар көп эле кездешет. Бирок аны менен толук оорудан арылуу мүмкүн эмес. Мисалы, сасык тумоону алалы. Эгер ал жаңыдан гана башталып, дарттын биринчи белгилери байкалганда сууну көбүрөөк ичип, ысык сүт, бал менен дароо айыктырса болот. Ал эми илдет өтүшүп кеткенде элдик медицина аны жеңилдетиши гана мүмкүн, бирок толук дарылай албайт. Бул учурда сөзсүз дарыгерге кайрылуу керек. Анткени сасык тумоо инфекциялык илдет. Инфекциялык жана бактериялык ооруларды медициналык препараттар менен гана айыктыруу мүмкүн. Ошол себептен табып, өз алдынча дарылоолорго ишенип, парамедицинадан баш тартуу туура эмес", — деди Астанова.

Ошондой эле ал ооруну айыктыруудан анын алдын алуу жеңил болорун, ар бир адам туура тамактанууга жана сергек жашоого умтулушу керектигин кошумчалады.

132
Белгилер:
сасык тумоо, жеңилдик, оору, медицина
ӨКМдин Бишкек шаары боюнча башкармалыгынын башчысы Адилбек Чаргынов

Чаргынов: Бишкекте 12 миллион чарчы метр аянт хлор менен дезинфекцияланды

30
(жаңыланган 16:59 06.08.2020)
ӨКМдин Бишкек шаары боюнча башкармалыгынын башчысы Адилбек Чаргынов ушул күндөргө карата Бишкек шаары боюнча 16 тонна хлор колдонулганын белгиледи.
Чаргынов: Бишкекте 12 миллион чарчы метр аянт хлор менен дезинфекцияланды

Борбор калаада жалпысынан 12 миллион чарчы метр аянтта дезинфекциялоо иштери жүргүзүлдү. Бул тууралуу Адилбек Чаргынов Sputnik Кыргызстан радиосуна маек куруп жатып билдирди.

Анын айтымында, бул иштер үчүн өздүк курамдан 500гө чукул кызматкер жана колдо бар техниканын баары тартылган.

Пневмониянын жайылышына дезинфекциялоо иштери себеппи? Адистердин пикири

"Коронавирусту жайылтпоо максатында базарларда, сейил бактарда, адам көп чогулган жерлерде жалпысынан 12 миллион чарчы метр жерде дезинфекция иштери жүргүзүлдү. Анын ичинде ооруканалардагы, стационарлардагы, ошондой эле жаңы конуштардагы оорунун очогу болгон жерлер дезинфекцияланды. Бизде чачылып жаткан хлордун тийиштүү сертификаттары бар. Андан тышкары шаардык санитардык көзөмөлдөө борборунан үлгү алып текшерүүлөрдү жүргүзүп турабыз. Учурда ӨКМ тарабынан коронавирустун экинчи толкунуна даярдыктар көрүлүп, эл аралык уюмдар менен кампага корлор камдалууда. Шаарда эпидемиологиялык абал жакшырып, оорунун катталуусу токтосо дезинфекция иштери дагы акырындап токтойт", — деди Чаргынов.

Ал ЖРТ тапшырылган имараттар хлор менен дезинфекцияланганын, учурда шайлоо участокторунда бул иш уланып жатканын кошумчалады.

30
Белгилер:
хлор, коронавирус, дезинфекция
Тема:
Коронавируска байланыштуу Кыргызстандагы кырдаал
Тема боюнча
Бишкектеги базарлар кайсы күндөрү жабык болот? Иштөө графиги
Эмен багы галереясынын арт-директору Чолпон Тентиева

Тентиева: коронавирус менен күрөштө искусство адамдары четте турбайт

31
(жаңыланган 15:37 06.08.2020)
Эмен багы" галереясынын арт-директору Чолпон Тентиева карантинден кийин жарандар үчүн көргөзмөлөр эшигин ачканын айтты.
Тентиева: коронавирус менен күрөштө искусство адамдары четте турбайт

Жарандарга өзгөчө көргөзмө тартуулоону пландап жатабыз. Анда коюлган иштер толугу менен сатыкка чыгарылат. Түшкөн каражатты коронавирус менен күрөшүүгө которобуз. Бул тууралуу Чолпон Тентиева Sputnik Кыргызстан радиосуна маек куруп жатып билдирди.

Анын айтымында, аталган көргөзмө 15-августка карата уюштурулат.

Жаманкулов: августта маданий жайлардын ишмердүүлүгү онлайн уланат

"Эмил Насритдинов аттуу сүрөтчү менен бирге өзгөчө көргөзмө уюштурууну пландап жатабыз. Ал жети күн уланып, офлайн жана онлайн форматта болот. Анда акварель түрүндөгү 50гө чукул ишти сатыкка чыгарабыз. Сатыктан түшкөн каражатты коронавирус менен күрөшүүгө багытталган фонддорго которобуз. Эпидемия менен күрөшүүгө жапа тырмак киришип жатабыз. Ошондуктан сүрөтчүлөр дагы четте турбай өз салымыбызды кошууну туура деп таптык. Ошондой эле башкаларга дагы үлгү болот деген ишеним менен бул долбоорду демилгеледик", — деди Тентиева.

Ошондой эле ал "Эмен багы" галереясы бир топ пландалган иштерди эпидемияга байланыштуу жылдырууга туура келгенин кошумчалады.

31
Белгилер:
Эмен багы паркы, коронавирус, көргөзмө
Тема боюнча
Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт
Бишкек шаарындагы 11-кичи районундагы таштанды карьери

Бишкектин 11-кичи районундагы быкшыган түтүн токтой элек. Видео

0
(жаңыланган 00:52 07.08.2020)
Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан.

БИШКЕК, 7-авг. — Sputnik. Бишкек шаарынын 11-кичи районундагы таштанды карьеринин быкшыган түтүнү токтой элек. Анын видеосун шаар тургуну Михаил Дудин Facebook баракчасына жүктөдү.

Буга чейин 5-августта мэриядан таштандылар казылып, түтүн чыгып жаткан жерге муниципалдык кызматтар дароо барып өчүргөнүн айтып, ага "Тазалык" муниципалдык ишканасынын суу ташыган автоунаасы тартылгандыгын кабарлаган.

Мэрия: Бишкектеги 11-кичи райондун карьеринде күйгөн таштандылар өчүрүлдү

Дудин өзүнүн видеосунун алдына акын Корней Чуковскийдин ийгиликсиз өрт өчүрүү жөнүндө жазылган "Путаница" ырын жазып, комментарийде от өчүрүлбөгөндүгүн айткан.

Ал эми Бишкек мэринин кеңешчиси Гуля Алмамбетова эгер таштанды кайра түтөп баштаса, аны өчүрүү иштери улантыла тургандыгын билдирди.

"Шаар тургундары ал жерге таштанды ыргытпашы үчүн тегерегин казып салдык", — деди ал.

Буга чейин калаанын түштүк тарабындагы кичи райондордун тургундары карьердин аймагында топурактын астында калган таштандылар күйүп, түтүн каптап жатканын айтып арызданышкан. Түтүн шаардыктарды уулантып жатат деп даттангандар болгон. Ал эми мэрия күнөөлүүлөрдү табууну убадалаган.

Шаардыктардын айтымында, карьерге 2018-жылы топурак төгүлчү, ал эми өткөн жылдын жайынан бери таштанды ыргытыла баштаган. 2020-жылдын жазынан тарта таштандыларды тобу менен алып келип төгө башташкан.

0
Белгилер:
түтүн, таштанды, Бишкек мэриясы
Тема боюнча
Түндө Ошто беш үй өрттөндү. Жалынды өчүрүп жаткандагы видео