Мамлекеттик Кыргыз почтасы ишканасынын эл аралык бөлүмүнүн башчысы Дамира Орозбекова

Орозбекова: дүйнө жүзүндөгү 677 миң почта бирдей эреже менен иштейт

44
Мамлекеттик "Кыргыз почтасы" ишканасынын эл аралык бөлүмүнүн башчысы Дамира Орозбекова дүйнө жүзүндөгү бардык почталар бирдей эрежеде иштерин айтты.
Орозбекова: дүйнө жүзүндөгү 677 миң почта бирдей эреже менен иштейт

1874-жылы 22 өлкөдөн турган Бүткүл дүйнөлүк почта уюму түзүлгөн. Анын ичинде Россия да болгон. Кыргыздар 1863-жылы Россиянын карамагына өткөндөн баштап автоматтык түрдө бул уюмга мүчө болуп калган. Ал эми эгемендүүлүк алгандан кийин, тагырагы, 1993-жылы Кыргызстан аталган уюмга көз карандысыз мамлекет катары кабыл алынган. Бул тууралуу Дамира Орозбекова Sputnik Кыргызстан радиосунун эфиринде маек куруп жатып билдирди.

Анын айтымында, ар төрт жыл сайын почта конгресси жыйынга чогулуп, замандын өзгөрүшүнө жараша бүткүл дүйнөлүк почта конвенциясына өзгөртүүлөрдү киргизип турат.

"Учурда Бүткүл дүйнөлүк почта уюмуна 192 өлкө мүчө. Планета боюнча 677 миң почта бөлүмдөрү бар. 6 миллиондон ашык киши почта кызматкери болуп иштейт. Бул уюмга мүчө болуунун бир топ жакшы жактары бар. Алсак, дүйнө жүзүндөгү өлкөлөрдүн өнүгүү деңгээли ар кандай эмеспи. Мына ушул нерсени эске алып, почта аркылуу кат жөнөтүүнүн тарифтик баасы коюлат. 1969-жылдан бери аталган уюм балдардын сабаттуулугун жогорулатуу үчүн эл аралык дилбаян жазуу сынагын өткөрүп келет. Алдыңкы орунду алган балдар Берндеги штаб-квартирага барып, иш-чараларга катышып, белектерге ээ болушат. Биздин балдар 2016-жылдан бери жылына катышып жатышат. Азырынча дүйнөлүк масштабдагы орунга ээ боло элекпиз", — деди Орозбекова.

Адис республика боюнча 921 почта объектиси бар экенин жана "Кыргыз почтасы" мамлекеттик ишканасы быйыл 25 жылдыгын белгилеп жаткандыгын кошумчалады.

Эскерте кетсек, 9-октябрь - Бүткүл дүйнөлүк почта күнү. Ал 1969-жылдан бери белгиленип келет.

44
Белгилер:
БУУ, уюм, "Кыргыз почтасы" мамлекеттик ишканасы
Тема боюнча
Айдоочуларга айып каттар кантип жеткирилип жатат? Почта кызматкерлеринин жумушу
Курманов: электрондук почта колдонууда үч эрежеге көңүл буруу зарыл
Коомдук саламаттык сактоо башкармалыгынын башчысы Айнура Акматова. Архив

Акматова: россиялык врачтар дарылоо протоколун таңуулаган жок

34
(жаңыланган 12:32 14.08.2020)
Коомдук саламаттык сактоо башкармалыгынын башчысы Айнура Акматова Россиядан келген медиктердин ишмердүүлүгү тууралуу маалымат берди.
Акматова: россиялык врачтар дарылоо протоколун таңуулаган жок

Россиядан келген медиктер коронавирустан башка оорулар боюнча дагы кеп-кеңештерин берип жатышты. Бул тууралуу Айнура Акматова Sputnik Кыргызстан радиосуна маек куруп жатып билдирди.

Анын айтымында, коронавирус менен күрөшүү үчүн Россиядан келген ак халатчандар региондорго чейин барып иш алып барышууда.

Россиялык адис Кыргызстандагы COVID менен күрөш тууралуу жакшы кабар айтты

"Россиядан бир нече адистиктеги медиктер келишти. Алар Чүй, Талас, Нарын жана башка региондорго барганда "кызыл зоналарга" чейин кирип, бейтаптарды дарылоого көмөктөштү. Ошондой эле "таза зонадагы" бейтаптарды дарылоо боюнча дагы өз сунуштарын беришти. Мындан тышкары, дарылоону уюштуруу, ыкмаларды колдонуу жана башка жагдайлар менен таанышып, кеп-кеңештерин айтышты. Албетте, дарылоону өзүбүздүн дарыгерлер жүргүзүштү, бирок россиялык медиктер дагы четте карап турган жок. Айрым учурларда "россиялык врачтар өз протоколдорун таңуулап жатат" деген кептер айтылган. Андай болгон жок. Аларга Саламаттык сактоо министрлиги тарабынан уюштурулган брифингде дарылоо протоколун колдонуу боюнча түшүндүрмөлөр берилген. Ошонун негизинде иш алып барылды", — деди Акматова.

Ошондой эле ал Россиядан келген медиктер кыргызстандык кесиптештеринин иши, элдин биримдиги тууралуу жакшы пикирлерин айтканын кошумчалады.

34
Белгилер:
аймактар, Россия, коронавирус, Айнура Акматова
Тема:
Коронавируска байланыштуу Кыргызстандагы кырдаал
Тема боюнча
Боронов россиялык дарыгерлер менен сүйлөштү. Алар өкмөткө кандай сунуш айтты
Электр станциялары ААКсынын генералдык директорунун биринчи орун басары Таалайбек Бектенов. Архив

Бектенов: суу тартыштыгына карабастан быйыл жарык өчүрүлбөйт

13
Электр станциялары ААКсынын генералдык директорунун биринчи орун басары Таалайбек Бектенов ГЭСтен чыккан суу маал-маалы менен азайып-көбөйүп турарын билдирди.
Бектенов: суу тартыштыгына карабастан быйыл жарык өчүрүлбөйт

Суу аз келген мезгилге туш келип калдык. Ага карабастан өлкөнүн электр энергияга болгон муктаждыгын камсыздоо үчүн кызуу даярдыктар көрүлүүдө. Мындан улам быйыл жарык өчүрүлбөйт. Бул тууралуу Таалайбек Бектенов Sputnik Кыргызстан радиосуна маек куруп жатып билдирди.

Анын айтымында, суунун аз же көп болушу негизинен күндүн ысышынан, жааган кардын көлөмүнөн көз каранды.

Кышында эл жарыксыз калбайбы? Жээнбековдун актуалдуу суроого жообу

"Токтогул суу сактагычынан чыккан суу трубина аркылуу өтүп, электр энергия чыгарылат. Ал эми авариялык учурдан улам суу кое берилиш керек болуп калса, ага техникалык жактан эле бир жума даярдык көрүлөт. Мындан тышкары, бизде каскаддык режим. Демек, Токтогул ГЭСинен чыккан суу дарыянын агымында жайгашкан Күрп-Сай, Таш-Көмүр, Шамалды-Сай, андан кийин Үч-Коргон ГЭСтерине барат. Ал жерде УКМК, Суу департаменти жана башка мекемелер тарабынан катуу көзөмөл жүргүзүлөт. Мындан улам суу сатуу үчүн эч кандай мүмкүнчүлүк жок. Мындай кептер байма-бай айтылып калат. Аны ГЭСтин ишин, энергетика тармагын түшүнбөгөн адамдар таратышы мүмкүн. ГЭСтен чыккан суу маал-маалы менен көбөйүп же азайып турат. Бул электр энергиясын колдонуу режимине жараша болот. Башкача айтканда, эртең менен жана кечке маал электр энергиясы көбүрөөк колдонулат. Бул үчүн көбүрөөк көлөмдө суу берилип, ошого жараша энергия иштелип чыгат. Бул эми кадимки эле физика. Ал эми суунун көлөмү мезгил-мезгили менен азайып-көбөйүшү күндүн ысышына, жааган кардын көлөмүнөн көз каранды. Муну көп жылдан бери эсептеп, анализдеп жүрөбүз. Быйыл суу аз келген убакыт болуп жатат. Ага карабастан өлкөдө жарык өчүрүлбөйт. Электр энергияга болгон муктаждыкты камсыздоо үчүн бардык даярдыктар жүрүп жатат", — деди Бектенов.

Жетекчи суу сактагычтын өзүндө видеобайкоо онлайн режимде иш алып барарын белгилеп, бардык каалоочулар көзөмөл жүргүзсө боло турганын кошумчалады.

13
Белгилер:
даярдык, ГЭС, электр энергиясы
Тема боюнча
Тынчсыздануу бар. Быйыл Токтогул суу сактагычында суу тартыш болору айтылды
Лукашенконун шайлоодогу атаандашы Светлана Тихановская. Архив

Лукашенко өлкөдөн чыгып кеттиби? Атаандашы Тихановская элге кайрылды

0
(жаңыланган 16:46 14.08.2020)
Беларусь Республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган.

БИШКЕК, 14-авг. — Sputnik. Беларустун президенти Александр Лукашенко айрым ЖМКлардагы анын өлкөдөн чыгып кеткендиги жөнүндөгү маалыматтарды төгүндөдү. Бул тууралуу Sputnik Беларусь агенттиги жазды.

Ошондой эле президент мамлекетте болуп жаткан митингдер боюнча да өз оюн айтты.

"Мен тирүүмүн, эч жакка качып дагы кеткен жокмун. Бүгүн курулуш тармагын талкуулоо үчүн чогулабыз. Баса, митингдер тууралуу айта кетсем, биз ишти токтотуп коюп көчөдө жүргөндө, рынокту атаандаштарыбыз Россия менен Канада ээлеп алмай болду. Жоготкон ордубузду кайра ала албайбыз. Эч качан!" — деди президент.

Ал ортодо Лукашенконун шайлоодогу атаандашы Светлана Тихановская элге кайрылуу жасады.

"Комиссия таза иштеген аймактарда мага добуш бергендердин саны 60-70 пайыз эле. Ал тургай Жаңы Боровойдо 90 пайызга жеткен. Бул тууралуу протоколдордун көчүрмөлөрү бар. Бирок биз өз добушубузду мыйзам жолу менене коргойлу. Азыр көчөлөрдөгү көрүнүштү көрүп жүрөк ооруйт. Адам өмүрү баарынан кымбат экенин унутпайлы", — деди Тихановская.

Беларустагы башаламандыкта 68 кабарчы кармалып, 20дан ашыгы дагы эле камакта

Эске салсак, Беларусь Республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, эки тараптан бир топ адам жабыр тартты.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.

0
Белгилер:
митинг, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко: митингге чыккандарды чет мамлекеттен туруп көзөмөлдөшкөн