Бишкек башкы архитектура муниципалдык ишканасынын топонимика жана эстеликтерди каттоо секторунун башкы адиси Жылдыз Талантбекова

Талантбекова: 2020-жылга чейин Бишкектеги бардык көчөлөргө аталыш берилет

208
(жаңыланган 16:58 09.10.2019)
"Бишкек башкы архитектура" муниципалдык ишканасынын топонимика жана эстеликтерди каттоо секторунун башкы адиси Жылдыз Талантбекова борбор калаадагы көчөлөргө ат берүү иштери тынымсыз жүрүп жатканын айтты.
Талантбекова: 2020-жылга чейин Бишкектеги бардык көчөлөргө аталыш берилет

2020-жылкы эл жана турак жай фондун каттоого чейин Бишкектеги аталышы жок бардык көчөлөргө аталыш ыйгарылат. Бул тууралуу Жылдыз Талантбекова Sputnik Кыргызстан радиосуна маек куруп жатып билдирди.

Анын айтымында, өлкөнүн географиялык аталыштар жөнүндө мыйзамына ылайык бардык көчөлөрдүн аталышы болушу керек.

"2018-жылы Мамлекеттик каттоо кызматынын кайрылуусу менен 96 көчөгө аталыш берилди. Быйыл дагы бул багытта иштер жигердүү аткарылып жатат. План боюнча 2020-жылы эл жана турак жай фондун каттоо өнөктүгү башталганга чейин бардык аталышы жок көчөлөргө ат берилиши керек. Азыркы учурда Бишкек шаардык кеңеши аталышы жок көчөлөрдүн жайгашкан жеринин жана ал жактагы курулуштардын мыйзамдуулугун карап жатат", — деди Талантбекова.

Ошондой эле ал 2028-жылга чейин Бишкек шаарындагы көчөлөрдүн аталыштарын өзгөртүүгө мораторий киргизилгендигин кошумчалады.

208
Белгилер:
көчө, Бишкек
Тема боюнча
Жыл аягына чейин өлкөдө аталышы жок көчө калбайт
Дүйнөлүк саламаттыкты сактоо уюмунун Кыргызстандагы өкүлү, пульмонолог Алийна Алтымышева. Архив

Алтымышева: Кыргызстанда 70 жашка чейинки 48 пайыз эркек чылым чегет

71
(жаңыланган 13:11 08.08.2020)
Дүйнөлүк саламаттыкты сактоо уюмунун Кыргызстандагы өкүлү, пульмонолог Алийна Алтымышева өлүмгө алып келген жугуштуу эмес төрт оорунун пайда болушунун негизги себеби чылым чегүү экенин айтты.
Алтымышева: Кыргызстанда 70 жашка чейинки 48 пайыз эркек чылым чегет

Кыргызстанда күч-кубаты артып турган 70 жашка чейинки эркектердин 48 пайызы тамеки чегет. Бул тууралуу Алийна Алтымышева Sputnik Кыргызстан радиосуна маек берип жатып билдирди.

Анын айтымында, өлкөдө тамеки тарткандардын саны жылдан-жылга көбөйүүдө.

"Дүйнө жүзү боюнча адамдарды өлүмгө эң көп алып келген жугуштуу эмес төрт оору бар. Бул жүрөк, кан тамыр оорулары, өпкө илдеттери, залалдуу шишик жана кант диабети. Тилекке каршы, бул дарттардын пайда болушунун алгачкы себеби чылым чегүү болуп эсептелет. Демек, тамеки тарткан адамдар өз өмүрүн коркунучка алып келип жатат. Мисалы, ар бир адам азыркы учурда 70-80 жаш куракка чейин жашашы керек. Бирок тамеки чегүүнүн натыйжасында алардын өмүрү кыскарат. Азыр Кыргызстанда 70 жашка чейинки ишке жарамдуу эркектердин 48 пайызы чылым чегет", — деди Алтымышева.

Дарыгер тамеки тарткандарды азайтуу үчүн мамлекет чылымдын баасын жогорулатып жана аны рекламалоого тыюу салууну колго алышы керектигин кошумчалады.

71
Белгилер:
жаш курак, оору, тамеки
Тема боюнча
Чылым чеккендер коронавирусту жеңил көтөрөбү? Пульмонологдун жообу
Маданият, маалымат жана туризм министрлигине караштуу Туризм департаментинин жетекчиси Максат Дамир уулу. Архив

Дамир уулу: Кыргызстандын 3D картасы түзүлүүдө

26
(жаңыланган 13:09 08.08.2020)
Маданият, маалымат жана туризм министрлигине караштуу Туризм департаментинин жетекчиси Максат Дамир уулу өлкөнүн 3D картасы жасалып жаткандыгын айтты.
Дамир уулу: Кыргызстандын 3D картасы түзүлүүдө

Кыргызстандын 3D картасы түзүлөт. Бул саякатчыларга эң чоң мүмкүнчүлүктөрдү берет. Мындай пикирин Максат Дамир уулу Sputnik Кыргызстан радиосуна маек куруп жатып билдирди.

Анын айтымында, аталган картаны кыргызстандык IT адистери жасап чыгышат.

"Учурда Кыргызстандын 3D картасын иштеп чыгуу боюнча аракеттер башталды. Аны түзүүдө белгилүү бир кыйынчылыктар жаралат экен. Алсак ошол эле тоо, ташты аралап маалымат чогултууга туура келет. Башка мамлекеттердин мындай карталарын көрүп жүрөсүздөр, анда 360 градуска тегеретип караган сүрөт болот. Карта менен Кыргызстандын кооз жерлерине келип эс алууну каалаган бардык саякатчылар колдоно алат. Долбоор www.discoverkyrgyzstan.org расмий сайтыбызга жайгаштырылат", — деди Дамир уулу.

Аткаминер 3D карта ушул жылдын соңунда даяр болуп каларын кошумчалады.

26
Белгилер:
Кыргызстан, карта, туризм, Максат Дамир уулу
Тема боюнча
Дамир уулу: жарандарга өлкө ичинде саякаттоо сунушталууда
Бейрутта нааразычылык акциясы

Бейруттагы митингдер күч алды. Акыркы маалыматтар видеодо

0
(жаңыланган 00:44 09.08.2020)
Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

БИШКЕК, 9-авг. — Sputnik. Бейрутта нааразычылык акциясына чыккандар бир нече министрликти басып алышты. Бул тууралуу РИА Новости жазды.

Бийликке каршы митингге миңдеген адамдар катышууда. Алар өкмөттүн отставкасын жана чечкиндүү реформаларды талап кылууда. Айрым топтор полицияга таш ыргытып жатышат. Тартип сакчылары жооп катары көздөн жаш чыгаруучу газ чачууда.

Буга чейин митингчилер ТИМдин имаратына кирип, артынан полиция барганы айтылган. Айрым маалыматтарга караганда, тартип сакчылары элди кууш үчүн ок чыгарган. Бирок расмий тараптар бул маалыматты төгүндөп жатат.

Жеринде тартылган видеолор RT Телеграм-каналында жана Твиттерде жарыяланып жатат.

Акыркы маалыматтарга караганда, жабыркагандардын саны 170ке жетти. Бир нечеси ооруканага жеткирилди.

Бейруттагы жарылуу: Жээнбеков Ливан президентине көңүл айтты

Ошондой эле бир полиция кызматкери өлгөнү маалым болду. Ал Le Grey мейманканасындагы кагылышууда жаракат алган.

Өлкөнүн премьер-министри Хассан Диабдын элге кайрылуусунда өкмөттүн эмки жыйынында мөөнөтүнөн эрте парламенттик шайлоо өткөрүүнү сунуштай турганын айтты. Анын пикиринде, ушул чечим гана өлкөнү кризистен куркарып кала алат.

​Эске салсак, 4-августта Ливандын борбору болгон Бейрут шаарындагы портто катуу жарылуу болгон.

0
Белгилер:
полиция, эл, митинг, жарылуу, Бейрут
Тема:
Бейруттагы жарылуу
Тема боюнча
Бейруттагы жарылуу төрт оорукананы талкалады. Жабыркагандар жардамга муктаж
Бейрутта ири жарылуудан кийин нааразычылык акциясы башталды. Видео