Радиостудия Sputnik Кыргызстан в Бишкеке - Sputnik Кыргызстан
Радио

Раимкулов: CASA-1000 долбоорунун курулушу 2020-жылы башталат

© Sputnik / Максат ЭлебесовКыргызстандын Улуттук электр тармагынын долбоорлорду ишке ашыруучу тобунун башчысы Рустанбек Раимкулов. Архив
Кыргызстандын Улуттук электр тармагынын долбоорлорду ишке ашыруучу тобунун башчысы Рустанбек Раимкулов. Архив - Sputnik Кыргызстан
Жазылуу
Кыргызстандын Улуттук электр тармагынын долбоорлорду ишке ашыруучу тобунун башчысы Рустанбек Раимкулов CASA-1000 долбоорунун алкагында Кыргызстан кубаттуулугу 500 кВт жеткен 450 чакырымдык электр түйүндөрүн куруп берүүгө милдеттүү экенин айтты.
Раимкулов: CASA-1000 долбоорунун курулушу 2020-жылы башталат

Келээрки жылга чейин CASA-1000 долбоорунун алкагында курулуш иштери жүрө турган аймактар такталып бүтсө, 2020-жылдын апрель айынан тарта өлкөнүн аймагында электр түйүндөрүн (ЛЭП) орнотуп баштоо пландалууда. Бул тууралуу Рустанбек Раимкулов Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, аталган долбоордун республикадагы курулуш иштерин Дүйнөлүк банк, Ислам өнүктүрүү банкы жана Европанын инвестициялык банкы каржылап жатат.

"Бүгүнкү күндө CASA-1000 долбоорунун алкагындагы курулуш иштери дээрлик пландаштырылып бүттү. Эми электр түйүндөрү (ЛЭП) орнотула турган жерлердин кожоюндары менен сүйлөшүп, ал тилкелерди сатып алуу маселеси турат. Бирок ага карабастан болжол менен 2020-жылдын апрель айынан тарта ээн жерлерге электр түйүндөрүнүн пайдубалдарын куруу иштери башталат. Учурда үч банк көмөк көрсөтүүдө. Долбоордун Кыргызстандагы курулуш иштерине Ислам өнүктүрүү банкы 50 миллион, Дүйнөлүк банк 45 миллион доллар жана Европанын инвестициялык банкы 70 миллион евро насыя түрүндө өкмөткө бөлүп берди. Калган чыгымды "Кыргызстандын улуттук электр тармагы" ААК өзү көтөрөт", — деди Раимкулов.

Ошондой эле ал CASA-1000 долбоору ишке ашса, 2022-жылдан тарта Кыргызстан жана Тажикстан, Афганистан менен Пакистанга жыл сайын 1300 кВт элект энергиясын экспорттоп турарын кошумчалады.

Жаңылыктар түрмөгү
0