Көк бөрү федерациясынын Талас облусундагы өкүлү Рамис Кудайбергенов

Кудайбергенов: көк бөрү жана көкпарды чогуу өнүктүрүү керек

86
Көк бөрү федерациясынын Талас облусундагы өкүлү Рамис Кудайбергенов казактардын көкпары кыргыздардын көк бөрү оюнунан бөлүнүп чыккан жаңы спорттун түрү деген пикирин айтты.
Кудайбергенов: көк бөрү жана көкпарды чогуу өнүктүрүү керек

Көк бөрү менен көкпарды спорттук оюн катары бирдей өнүктүрүү үчүн кыргыздар Казакстанда көк бөрүнүн федерациясын ачып, ал эми казактар Кыргызстанда көкпардын федерациясын түзүшү керек. Мындай пикирин Рамис Кудайбергенов Sputnik Кыргызстан радиосунун таңкы эфиринде маек куруп жатып билдирди.

Анын айтымында, көкпар пайда болгонго чейин казактар улакты көк бөрүнүн эрежеси менен эле ойноп келишкен.

"Көк бөрү менен көкпар бир эле оюн. Буга чейин кыргыздар жана казактар Көк бөрү федерациясынын эрежелерине бирдей эле баш ийип, ойноп келишкен. Бирок кийин казактар тай казандан баш тартып, көк бөрүнүн эрежелерин өзгөртүү менен өздөрүнүн жаңы "көкпар" оюунун ойлоп чыгышты. Бүгүнкү күндө эки оюндун эрежелери абдан эле айырмаланып калды. Учурда көк бөрүнү да, көкпарды да өнүктүрүү максаты турат. Болор иш болду, мындан ары эми талашып-тартышпай чогуу-чаран иш алып баруу керек", — деди Кудайбергенов.

Ошондой эле ал көк бөрүдө тай казан болгондуктан оюн бүйүр кызытып, көкпарга караганда кыйла кызыктуу өтөрүн кошумчалады.

86
Белгилер:
федерация, Казакстан, Кыргызстан, Көк бөрү
Тема боюнча
Сырдыбаев: көкпарчылар үчүн көк бөрүнүн эрежеси менен ойноо кыйын
Мамлекет кепилдеген юридикалык жардамды координациялоо борборунун директору Акжол Калбеков

Калбеков: кирешеси айына 9000 сомдон ашпаган жаран акысыз жактоочу ала алат

41
Мамлекет кепилдеген юридикалык жардамды координациялоо борборунун директору Акжол Калбеков аталган мекеменин максаты аз камсыз болгон атуулдарга акысыз юридикалык кызмат көрсөтүү экендигин айтты.
Калбеков: кирешеси айына 9000 сомдон ашпаган жаран акысыз жактоочу ала алат

Мамлекет кепилдеген юридикалык жардамды координациялоо борборунун түзүлгөнүнө эки жылдан ашты. Ал эки багытта жарандарга кызмат көрсөтөт. Биринчиси — акысыз консультация берүү, экинчи иши — кирешеси аз адамдарды зарыл учурда жактоочу менен камсыздоо. Бул тууралуу Акжол Калбеков Sputnik Кыргызстан радиосунун эфиринде маек куруп жатып билдирди.

Анын айтымында, акысыз консультацияны бардык кыргызстандыктар, ал тургай чет мамлекеттин жарандары да ала алат.

"Биздин мекеменин ачылганына эки жылдан ашты. 2018-жылы 5000ден ашуун жаранга юридикалык жардам берсек, 2019-жылы бул сан 14 000ге жетти. Анын 65 пайызында иш оң тарабына чечилип, сегиз жаран акталып чыккан. Борбор эки түрдө юридикалык көмөк бере алат. Биринчиси, өлкө аймагында жүргөн бардык адамдар кайрылып кеңеш алса болот. Ал эми соттук иштерде акысыз адвокат менен камсыз кылуу Кыргызстандын жарандыгы бар, айлык кирешеси 9000 сомдон ашпаган адамдарга гана жеткиликтүү. Бул учурда биздин реестрге катталган адвокаттар ал адамдын соттук иштеринде башынан аягына чейин катышат. Жактоочунун гонорарын мамлекет төлөп берет. Муктаж болгондорго кеп-кеңеш берүү үчүн учурда республикада 28 борбор иштеп жатат, келечекте ар бир районго бирден ачууну пландоодобуз", — деди Калбеков.

Ал жаранга акысыз кызмат көрсөткөн жактоочуга мамлекет ишинин сапатына карап акча төлөөрүн кошумчалады.

41
Белгилер:
жардам, мамлекет, укук, жактоочу
Тема боюнча
Адис уюлдук телефонго жакындарды "ата", "апа" деп сактабаш керектигин айтты
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

33
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

33
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

136
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

136
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы