Республикалык психикалык ден соолук борборунун директорунун дарылоо боюнча орун басары Кубанычбек Эрмегалиев

Эрмегалиев: депрессияга кабылып, психикасы бузулгандар көбөйдү

199
Республикалык психикалык ден соолук борборунун директорунун дарылоо боюнча орун басары Кубанычбек Эрмегалиев 10-октябрдан 10-ноябрга чейин психикалык ден соолуктун бир айлыгы өтө тургандыгын айтты.
Эрмегалиев: депрессияга кабылып, психикасы бузулгандар көбөйдү

Дүйнөлүк психикалык ден соолук күнүн белгилөө жана өткөрүлүп жаткан бир айлык психикалык оорунун жайылышын азайтуу, алдын алууга көңүл бөлүү жана адамдарга психикалык жактан бейпилдикти камсыз кылууга үйрөтүүнү көздөйт. Бул тууралуу Кубанычбек Эрмегалиев Sputnik Кыргызстан радиосунун эфиринде маек куруп жатып билдирди.

Анын айтымында, республика боюнча психикалык ооруга чалдыккан 77 миңге жакын адам каттоодо турат. Анын ичинен 55 миңи шаарда жашагандар.

"Бир айлыктын алкагында республика боюнча психиатрлар жер-жерлерде психикалык оорулардын кантип алдын алуу керек, кимге кайрылып, кантип дарылануу зарыл экендигин айтып берип, түшүндүрүү иштерин жүргүзүп башташты. Ошондой эле медицина илимдеринин доктору, профессор Соложенкинди эскерүү боюнча республикалык семинар өттү. Алдыда оорукана, мектеп жана чоң ишканаларда санбюллетендерди ачалы деген оюбуз бар", — деди Эрмегалиев.

Ал Кыргызстанда психикалык ооруга чалдыккан адамдардын саны жылдан-жылга өсүп, анын кесепетинен суицидге баргандар көп болуп жатканын кошумчалады.

199
Белгилер:
суицид, оору
Эмгек жана социалдык өнүктүрүү министри Улукбек Кочкоров

Кочкоров: жарандар бала асырап алууга онлайн арыз бере алат

57
Эмгек жана социалдык өнүктүрүү министри Улукбек Кочкоров бала асырап алуу боюнча кызмат көрсөтүүлөр порталы түзүлгөнүн айтты.
Кочкоров: жарандар бала асырап алууга онлайн арыз бере алат

Жарандар үйүндө отуруп алып, бала асыроого арыз бергенге мүмкүнчүлүк алды. Эми алар бюрократиялык кыйынчылыктарга туш болушпайт. Бул тууралуу Улукбек Кочкоров Sputnik Кыргызстан радиосуна маек куруп жатып билдирди.

Анын айтымында, портал бала асырап алуудагы коррупциялык элементтерди токтотот.

"2020-жыл "Аймактарды өнүктүрүү, өлкөнү санариптештирүү жана балдарды коргоо жылы" деп жарыяланган. Анын алкагында балдарды асырап алуу боюнча коррупциялык көрүнүштөрдү токтотуу тапшырмасы коюлган. Мына ушуну ишке ашыруу максатында бала асырап алуу процедурасы толугу менен автоматташтырылды. Эмгек жана социалдык өнүктүрүү министрлигинде атайын электрондук портал түзүлдү. Анда жарандар бала асырап алуу үчүн үйүнөн арыз бере алат. Арыз берилгенден кийин атайын пароль, логиндер ыйгарылып, асырап алуучу катары катталат. Натыйжада аларга өлкө боюнча багып алууга мумкүн болгон балдардын базасына кирүүгө жана көрүүгө мүмкүнчүлүк берилет. Системага тапшырык берилгенден кийин жети сутка өткөн соң бала менен жолугууга уруксат болот. Башкача айтканда, бала асырап алуучулар кызмат көрсөткөндөрдүн бюрократиялык аракеттерине туш болбойт", — деди Кочкоров.

Министр ошондой эле портал балдардын коопсуздугун камсыздай ала турганын кошумчалады.

57
Белгилер:
коопсуздук, бюрократия, бала, Улукбек Кочкоров
Тема боюнча
Башкы прокуратура: зомбулукка кабылган балдар көбөйүп жатат
Соода-өнөр жай палатасынын транспорт боюнча комитетинин төрагасы Талантбек Маткерим уулу

Маткерим уулу: Түркиядан жүк ташуу үчүн мультимодалдык маршрут ачылды

46
Соода-өнөр жай палатасынын транспорт боюнча комитетинин төрагасы Талантбек Маткерим уулу өлкөгө мультимодалдык маршрут аркылуу жүк ташуу мүмкүнчүлүктөрү тууралуу айтып берди.
Маткерим уулу: Түркиядан жүк ташуу үчүн мультимодалдык маршрут ачылды

Түркиядан Кыргызстанга жана Кыргызстандан Түркияга жүк ташуу үчүн мультимодалдык маршрутту жандандыруу аракеттери көрүлүүдө. Бул тууралуу Талантбек Маткерим уулу Sputnik Кыргызстан радиосуна маек куруп жатып билдирди.

Анын айтымында, мультимодалдык маршрут — бул темир жол, деңиз аркылуу жана автоунаа менен жүк ташуу.

"Кыргызстанга бир канча унаа каражаттары менен жүк ташуу маршрутун жандандыруу колго алынууда. Ага ылайык, Түркиядан темир жол менен жүктөлгөн жүк Грузиядан өтүп, Азербайжандан Каспий деңизи аркылуу Түркмөнстанга чейин келет. Ал жактан поезд менен Өзбекстан аркылуу Ошко, ал жерден башка аймактарга автоунаа менен ташылат. Бул маршрут мурдатан эле бар болчу, бирок жүк ташуучулар тарабынан колдонулчу эмес. Анан пандемияга байланыштуу Казакстан аркылуу автоунаа менен жүк ташуу татаалдашты. Себеби айдоочулар обсервацияга жатып, ташылып жаткан жүк кармалып калып жатты. Ал эми темир жол аркылуу ташылган жүк адамдардын байланышын азайтат. Ошондой эле автоунаа менен жүк ташууга салыштырмалуу арзан түшөт. Анткени автоунаада товар чыгарылган жерден акыркы кардарга жеткенче логистикалык кызматтын да баасы кошулуп калат", — деди Маткерим уулу.

Ошондой эле ал аталган маршрут аркылуу Грузия, Азербайжан жана Түркмөнстан менен товар айлантууга ыңгайлуу боло турганын кошумчалады.

46
Белгилер:
логистикалык борбор, темир жол, жүк ташуучулар
Тема боюнча
Кыргызстан менен Түркиянын авиабайланышы качан жанданары айтылды
Борбор калаадагы Алтын-Ордо жаңы конушундагы турак үйдөн өрт чыкты

Бишкектин Алтын-Ордо жаңы конушунда турак үйдөн өрт чыкты. Видео, сүрөт

88
(жаңыланган 13:14 31.05.2020)
Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.

БИШКЕК, 31-май — Sputnik. Борбор калаадагы Алтын-Ордо жаңы конушундагы турак үйдөн өрт чыкты. Бул тууралуу маалыматты ӨКМден тастыкташты.

  • На месте пожара в жилом доме в жилом массиве Алтын-Ордо
    Борбор калаадагы Алтын-Ордо жаңы конушундагы турак үйдөн өрт чыкты
    © Sputnik / Бегайым Касымбекова
  • На месте пожара в жилом доме в жилом массиве Алтын-Ордо
    Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.
    © Sputnik / Бегайым Касымбекова
1 / 2
© Sputnik / Бегайым Касымбекова
Борбор калаадагы Алтын-Ордо жаңы конушундагы турак үйдөн өрт чыкты
"Алтын-Ордо жаңы конушунун 16-көчөсүндө жайгашкан турак үйдөн өрт чыккандыгы тууралуу маалымат түшкөн. Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган", — деп айтылат билдирүүдө.

Окуя болгон жерден тартылган видеону "Короче" Telegram каналы жүктөдү.

Кадрлардан эки кабаттуу үйдүн күйүп жатканын көрүүгө болот.

88
Белгилер:
өрт, үй, Бишкек
Тема боюнча
Алматыда эмерек цехинде жарылуу болду. Видео