Башкы ашпозчу: дүйнөлүк сынактардан 25тен ашык медаль алдык
(жаңыланган 15:24 21.10.2019)
Ашпозчулар ассоциациясынын президенти, башкы ашпозчу Берик Эгинбаев жакында үч ири иш-чара өтө турганын айтты.Башкы ашпозчу: дүйнөлүк сынактардан 25тен ашык медаль алдык
Ашпозчулар ассоциациясы 2014-жылы түзүлгөн. Ошондон баштап WACS – Бүткүл дүйнөлүк башкы ашпозчулар коомунун бирикмесине киргенбиз. Ага ылайык, жыл сайын ар бир өлкөдө үч фестиваль өтүшү керек. Бул тууралуу Берик Эгинбаев Sputnik Кыргызстан радиосунун эфиринде маек куруп жатып билдирди.
Анын айтымында, учурда уюмга 129 өлкө мүчө. Ар бир өлкөдөгү бирикме мыкты ашпозчулар таймашын өткөрүп турат.
"Азербайжан, Түркияга барып алтын, күмүш, коло медалдарды алып келгенбиз. Учурда ашпозчулар ассоциациясында дүйнөлүк сынактардан алган 25тен ашык медаль бар. WACS бирикмесинин талабы боюнча жыл сайын ар бир өлкөдө үч фестиваль өтүшү керек. Буга байланыштуу 23-октябрда беш жаштан 15 жашка чейинки балдар арасында жаш ашпозчулар таймашын уюштурабыз. Анда бештен сегиз жашка чейинки балдар жөнөкөй эле бутерброд жасап, аны кооздошот дагы презентация жасашат. 10 жаштан 15 жашка чейинки балдар бутерброд жана салат даярдашат. Ал эми январь айында студенттер арасында таймаш уюштурабыз. Май айында болсо эл аралык "Казан-Мангал" фестивалын өткөрөлү деп турабыз", — деди Эгинбаев.
Ал өткөн "Казан-Мангал" эл аралык фестивалына сегиз өлкөдөн ашпозчулар келип, таймаштын жыйынтыгында кыргыз ашпозчулары алдыңкы орундарды алганын кошумчалады.
Белгилер:
Пакыров: орто жана чакан бизнес — өлкөдөгү инвестициялык абалдын күзгүсү
(жаңыланган 15:34 25.01.2021)
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.Пакыров: орто жана чакан бизнес — өлкөдөгү инвестициялык абалдын күзгүсү
Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.
Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.
"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.
Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.
Белгилер:
Садыкулова: жаман китеп болбойт
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун, жаман окурман болушу мүмкүн экендигин айтты.Садыкулова: жаман китеп болбойт
Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.
Анын айтымында, ар бир китептин өзүнө тиешелүү окурманы болот.
"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.
Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.
Белгилер:
Күчүм жетпей жатат! Түлөбаев жайма базар боюнча УКМКга кайрылганын айтты
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.
Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.
Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.
"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.
Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.
Белгилер: