Бир Бол фракциясынын депутаты, экономика илимдеринин доктору Акылбек Жапаров. Архивдик сүрөт

Жапаров: "Бир Бол" партиясынын программасы ишке ашкан жок

76
"Бир Бол" фракциясынын депутаты, экономика илимдеринин доктору Акылбек Жапаров бүгүнкү бийлик фракциянын купулуна толук кандуу толбой жатканын айтты.
Жапаров: "Бир Бол" партиясынын программасы ишке ашкан жок

"Бир Бол" партиясынын программасы, тилекке каршы, толугу менен ишке ашкан жок. Айрым гана пунктуларын аткара алдык. Бул тууралуу Акылбек Жапаров Sputnik Кыргызстан радиосунун таңкы эфиринде маек куруп жатып билдирди.

Анын айтымында, депутаттын мындай пикири менен партиянын мүчөлөрү да макул.

"Бир Бол" партиясынын программасы толук кандуу ишке ашкан жок. Биз экономикалык секирик жасабасак, азыркы балчыктан чыга албайбыз. Бул менин жеке көз карашым, партиялаштарым да ушуну туура көрүп жатышат. Билим берүү тармагы болобу, экономикадабы, кескин түрдө, ачык-айкын айтып иштеш керектигин, мындай кадамдарга барууга даяр кадрларыбыздын бар экенин да жашырган жокпуз. Тилекке каршы, аз болгондуктан бизден эч ким деле эч нерсени сурабайт", — деди Жапаров.

Депутат 2020-жылкы парламенттик шайлоодо кедей-кембагалдардын кызыкчылыгын айтып чыккандар, жеке менчикти коргогондор жана бийликтин сөзүн сүйлөгөндөр болуп үч багытка бөлүнгөн кыймылдар ортосунда күрөш жүрөт деген божомолун кошумчалады.

76
Белгилер:
шайлоо, программа, "Бир бол" партиясы, Акылбек Жапаров
Тема боюнча
Жапаров: 1000 сомго сатылбагандар, 100 грамм ичпегендер шайлоого келбей калды
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов

Романов: Кыргызстанда жылына 20 миңден ашык жолбун ит-мышык атылат

28
Ветеринария инспекциясына караштуу малдын ылаңдарына мониторинг жүргүзүү бөлүмүнүн башчысы Чыңгыз Романов ит, мышыктар кутурмага каршы жылына бир жолу эмдөөдөн өткөрүлөрүн айтты.
Романов: Кыргызстанда жылына 20 миңден ашык жолбун ит-мышык атылат

Өлкөдө жаныбарларга кам көрүү боюнча абал оор бойдон. Бишкектин ар бир таштанды таштоочу жайларынан жолбун ит, мышыктарды кезиктирүүгө болот. Учурда мамлекет тарабынан көчө жаныбарларын кармоочу жай ачыла элек. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.

Анын айтымында, жаныбарларды атуу эл аралык эпизотиялык бюронун кодексинин талаптары боюнча гумандуулукка жатпайт.

Илбирстин чоң топозду өлтүрүп жеп койгонго күчү жетет. Эколог менен маек

"Бир жылдан бери биздин ветеринардык кызмат көчөдө калган жаныбарларды багуу шарттарын жакшыртуу жана мал ээсинин жоопкерчилигин күчөтүү максатында атайын мыйзам долбоорлорун иштеп чыгып, Жогорку Кеңештин окуусунан өткөрдүк. Аталган мыйзам долбоору жаңы парламент келгенде кабыл алынып калса, кароосуз жаныбарларды багуу, алардын санын азайтууга, дегеле аларды жаман шартта кармагандарды көзөмөлдөгөнгө шарт түзүлөт. Республикадагы кароосуз жаныбарлардын саны боюнча так маалымат жок. Бирок жылына өлкөдө 20 миңден ашык жолбун ит, мышыктар атылат. Ал эми ээси бар жаныбарларды идентификациядан өткөрүп, каттоо күбөлүктөрүн берип, электрондук базаларга киргизебиз. Учурда мамлекет тарабынан көчө жаныбарларын кармоочу жай ачыла элек. Маалыматым боюнча, жеке тараптар ачкан эки жай бар. Алардын негизги максаты көчөдө калган ит, мышыктарды алып келип, ветеринардык талаптар менен дарылап, бычып, анан багып алууну каалаган адамдарга берүү болуп саналат. Биз колдон келишинче дары-дармек жагынан жардам берип турабыз. Андан тышкары, жеке ишкерлер да колдоо көрсөтүп келет", — деди Романов.

Ошондой эле адис Эреже бузуулар кодексинин 79-беренеси боюнча, жаныбарларды багуу шарттарын бузган адамдарга биринчи категорияда 1 000 сом айып пул салынарын кошумчалады.

28
Белгилер:
ветеринария, мышык, ит
Тема боюнча
Исираилов: малды комплекстүү дарылап, анан кезүүгө кошуш керек
Билим берүү жана илим министрлигинин Мектепке чейинки, мектеп жана мектептен сырткаркы билим берүү башкармалыгынын жетекчиси Марат Үсөналиев

Үсөналиев: окутуунун онлайн да, оффлайн да режимине даярдык көрүлүүдө

41
(жаңыланган 12:09 15.08.2020)
Билим берүү жана илим министрлигинин Мектепке чейинки, мектеп жана мектептен сырткаркы билим берүү башкармалыгынын жетекчиси Марат Үсөналиев окуу жылына карата көрүлүп жаткан даярдыктар тууралуу маалымат берди.
Үсөналиев: окутуунун онлайн да, оффлайн да режимине даярдык көрүлүүдө

Эпидемиологиялык абал начар аймактар "кызыл зона" деп белгиленип, окутуу аралыктан жүрөт. Ал эми оорунун жайылышы токтоп калган аймактар "жашыл зона" катары белгиленип, окуу реалдуу режимде өтөт. Ошондуктан министрлик онлайн жана оффлайн режимде окутуу үчүн даярдыктарды көрүп жатат. Бул тууралуу Марат Үсөналиев Sputnik Кыргызстан радиосуна маек куруп жатып билдирди.

Анын айтымында, окуу жылдагыдай эле 1-сентябрда башталат.

Аралыктан окууда баланын пижамачан отурганы туура эмес. Адистин кеңеши

"2020-2021-окуу жылын баштоо үчүн министрлик беш консультативдик топ иш алып барды. Анын натыйжасы менен 2-3 вариант сунушталууда. Санитардык-эпидемиологиялык абалга жараша аймактар "кызыл зона" жана "жашыл зона" болуп бөлүнөт. Эгерде коронавируска байланыштуу абал жакшы болсо, окутуу реалдуу режимде жүргүзүлөт. Ал эми оору кеңири жайылган аймакта жайгашкан мектептер аралыктан окушат. Маселе негизинен Бишкек жана Ош шаарларында жаралып жатат. Ошондой эле Саламаттык сактоо министрлиги тарабынан реалдуу окутууга уруксат берилсе, ата-эненин макулдугу менен окуучу мектепке барат. Эгерде ата-эне баласынын ден соолугу үчүн кооптонуп жатса, аралыктан окутуу боюнча арыз жазат. Эң негизгиси министрлик тарабынан онлайн жана оффлайн түрүндө сабак берүү үчүн бардык даярдыктар көрүлүүдө", — деди Үсөналиев.

Ошондой эле ал реалдуу режимде окугандардан мектеп формасы талап кылынбай турганын кошумчалады.

41
Белгилер:
коронавирус, мектеп, окутуу
Тема боюнча
Нарындын 36 мектеби балдарды кадимки режимде окутууга даяр
Чемпионка мира по смешанным единоборствам по версии UFC Валентина Шевченко с сестрой бойцом UFC Антониной Шевченко во время тренировок

Алгачкы жолу! UFC эже-сиңди Шевченколорду бир турнирде октагонго чыгарат

0
(жаңыланган 19:27 15.08.2020)
Валентина мелдеште чемпиондук наамын коргосо, эжеси Антонина рейтинг үчүн кармаш өткөрөт. Анын атаандашы ушул сааттарда белгилүү болду.

БИШКЕК, 15-авг. — Sputnik. UFC уюмунун жетекчилиги эже-сиңди Антонина жана Валентина Шевченколордун катышуусунда өзгөчө беттеш даярдап жатканын MMA Uno спорттук порталы жазды. 

Маалымат боюнча, алгачкы жолу бир тууган кыздар чогуу турнирде беттешет. Кармаштар ушул жылдын 21-ноябрында UFC 255 турниринин алкагында өтмөкчү.

Шевченко Tapology версиясы боюнча эң мыкты 100 мушкердин катарына кирди

Спорттук иш-чаранын башка беттештеринин биринде Валентина бразилиялык Женнифер Майя менен кармашып, чемпиондук наамын төртүнчү ирет коргоп калганга жан үрөйт.

Посмотреть эту публикацию в Instagram

Публикация от World of MMA (@worldofmma.cz)

Ошол эле убакта Антонина бразилиялык дагы бир мушкер Ариана Липски менен күч сынашат.

Соңку беттешинде 35 жаштагы Антонина калыстардын чечими менен америкалык Кэтлин Чукагянга утулган.  Анда дагы промоутерлик компания өзгөчө беттеш тартуулаган. Тагыраагы, Валентинага утулган Чукагян анын эжеси менен жолуккан болчу.

0
Белгилер:
турнир, беттешүү, Антонина Шевченко, Валентина Шевченко, UFC
Тема боюнча
Мындан да күчтүү болуп кайтам! Бети-башы көгала Антонина үн катты