Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Абай Жаныбеков

Жаныбеков: Кыргызстандагы 24 миңдей мергенчи үч категорияга бөлүнөт

267
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Абай Жаныбеков өлкөдө мергенчилик 2014-жылы кабыл алынган мыйзамдардын негизинде көзөмөлдөнө турганын айтты.
Жаныбеков: Кыргызстандагы 24 миңдей мергенчи үч категорияга бөлүнөт

Кыргызстанда 24 миңден ашуун мергенчи катталган. Алардын 100дөйүн мүнүшкөрлөр түзөт. Бул тууралуу Абай Жаныбеков Sputnik Кыргызстан радиосунун таңкы эфиринде маек куруп жатып билдирди.

Анын айтымында, өлкөдө мергенчилик үч категорияга бөлүнөт.

"2014-жылы мергенчилик жана аңчылык чарбачылыгы багытында чоң реформа жүргөн. Ага ылайык, он чакты токтом кабыл алынып, бүгүнкү күндө ошол мыйзамдардын негизинде иш алып барабыз. Мергенчилик кылууга уруксат алуу үчүн кадимкидей экзамен тапшырышат. Сынакты Курчап турган чөйрөнү коргоо мамлекеттик агенттигинин жергиликтүү өкүлчүлүктөрүндө түзүлгөн комиссиялар кабыл алат. Андан соң аңчы тууралуу, анын курал-жарагы жөнүндө бардык маалыматтар аталган агенттиктин базасына катталат. Мергенчиликке уруксат берүү үч категорияга бөлүнгөн. Бул А категориясына аңчылар өздөрү, В бөлүмүнө аңчылык чарбасын жүргүзгөн юридикалык жактар, ал эми L категориясындагы уруксатты мүнүшкөрлөр алышат", — деди Жаныбеков.

Ал мамлекет тарабынан аңчылыкка берилчү уруксат жолдомолору сезондук жана бир жолкуга деп бөлүнөрүн кошумчалады.

267
Белгилер:
мыйзам, уруксат, аңчылык, Абай Жаныбеков
Кыргыз билим берүү академиясынын илим жана инновация бөлүмүнүн башчысы Дамира Жумабаева

Жумабаева: аймактагы мугалимдердин деңгээлин жогорулатуу көз жаздымда калды

72
(жаңыланган 14:00 16.06.2021)
Кыргыз билим берүү академиясынын илим жана инновация бөлүмүнүн башчысы Дамира Жумабаева онлайн билим берүүнүн колго алынышы менен келип чыккан көйгөйлөргө токтолду.

Мугалимдердин, өзгөчө аймактагылардын билим деңгээлин жогорулатуу маселеси ачык турат. Бул тууралуу Дамира Жумабаева Sputnik Кыргызстан радиосунун эфиринде маек куруп жатып билдирди.

Жумабаева: аймактагы мугалимдердин деңгээлин жогорулатуу көз жаздымда калды

Анын айтымында, учурда өлкөдө илимге жетишерлик көңүл бурулбай жатат.

"Пандемия шартында онлайн окууну жакшыбы, жаманбы, жолго коюп алдык. Бирок бул системанын ишке кириши менен мурда көз жаздымда калып келген айрым көйгөйлөр ачыкка чыкты. Өзгөчө аймактарда мугалимдердин өз алдынча эле иштеп калышканын көрө алдык. Бизде илимдин доктору, кандидаттары жетишерлик жана алардын абдан пайдалуу, мыкты эмгектери бар. Мына ушуларды аймактардагы мугалимдерге тажрыйба жүзүндө жеткирип, алар менен жеринен биргеликте иштеп, айылдык педагогдордун билим деңгээлин жогорулатышыбыз керек. Азыр каражаттын жетишсиздигинен мындай иш-чаралар Бишкек жана Чүйдүн тегерегинде гана жүрүп калды. Аймактарга онлайн семинар, вебинарларды уюштурумуш болобуз, бирок бул жетишсиз. Алар менен айлап, көзмө-көз иштешип, үйрөтүү зарыл. Мына ошондо гана окуучулардын билим деңгээлинин түшүп кетүүсүнүн алдын ала алабыз", — деди Жумабаева.

Педагог айрым интернет жетпеген аймактарда же мугалим жаңы техниканы анча өздөштүрө албаган жерлерде балдардын билим алуусу чоң коркунучка кептелип жатканын кошумчалады.

72
Белгилер:
көйгөй, мугалим, илим, билим, Дамира Жумабаева
Тема боюнча
Ибрагимов: бүтүрүүчүлөрдүн 10-15%ы дароо эмгек миграциясына кетүүдө
Балык чарба департаментинин директорунун орун басары Маил Алиаскаров. Архив

Алиаскаров: балык чарбасы боюнча РФ менен 1,3 млрд. рублдик келишим бар

23
Балык чарба департаментинин директорунун орун басары Маил Алиаскаров Кыргызстанга былтыр 2 375 тонна балык импорттолгонун айтты.

Кыргызстан менен Россиянын ортосунда балык чарбачылыгы боюнча түзүлгөн бир топ меморандум бар. Алардын наркы 1 миллиард 300 миллион рублди түзөт. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: балык чарбасы боюнча РФ менен 1,3 млрд. рублдик келишим бар

Анын айтымында, өлкөгө балык көбүнесе Россиядан импорттолот.

"Кыргызстандык кардарлардын арасында да деңиз балыктарын жактыргандар көп. Андыктан алардын талабын канааттандыруу үчүн өлкөгө сырттан да балыктар алып келинет. Балтыр бул көрсөткүч 2 375 тоннага жеткен. Бул мурдагы жылга салыштырмалуу 680 тоннага көптүк кылат. Импорттолгон балыктар көбүнесе Россиядан келет. Ал тургай Россия менен Кыргызстандын ортосунда балык чарбачылыгы багытында түзүлгөн меморандумдар бар", — деди Алиаскаров.

Ал Россиядан селёдка балыктары алып келинерин кошумчалады.

23
Белгилер:
импорт, Россия, балык, Маил Алиаскаров
Тема боюнча
Алиаскаров: Кыргызстан балык өстүрүүгө ыңгайлуу өлкө
АКШ президенти Жо Байден

Байдендин маалымат жыйынына россиялык журналисттерди киргизбей коюшту

0
Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

БИШКЕК, 17-июн. — Sputnik. Россиялык журналисттерди АКШ президенти Жо Байдендин маалымат жыйынына киргизбей коюшканын Sputnik International кабарлады.

Маалыматка карганда, аларды аталган иш-чарага аккредитациядан өткөрбөй коюшкан.

Ак үйдүн маалымат кызматы чет элдик журналисттерди каттоого ала турган кызматкердин байланыш номерин берген. Бирок ал россиялык журналисттердин өтүнүчүн көңүл сыртында калтырып койгону айтылат.

Эске салсак, бүгүн Жо Байден менен Владимир Путин Женева саммитинен кийин Ла Гранж вилласынан көрүшүп, эки этап менен сүйлөшүүлөрдү жүргүздү. Россия лидеринин жыйынтыктоочу маалымат жыйынына АКШлык журналисттер дагы катышып, суроолоруна жооп ала алышты.

0
Белгилер:
журналист, Женева, Владимир Путин, Жо Байден
Тема боюнча
Өзөктүк согушта жеңүүчү болбойт! Путин менен Байдендин биргелешкен билдирүүсү
Путин Байден менен жолугушуусу кандай өткөнүн айтып берди
Путин: Байден “жан алгыч” деп эмнеге айтканын түшүндүргөн
Путин менен Байден RT жана Sputnik радиосунун ишин талкуулады