Avisa Technologies IT-компаниясынын башкы директору Бегайым Турумбекова

Турумбекова: Кыргызстанда маалыматтык биринчи мобилдик тиркеме ачылды

117
(жаңыланган 15:45 06.11.2019)
Avisa Technologies IT-компаниясынын башкы директору Бегайым Турумбекова Кыргызстанда алгачкы маалыматтык мобилдик тиркеме иштелип чыкканын айтты.
Турумбекова: Кыргызстанда маалыматтык биринчи мобилдик тиркеме ачылды

Учурда адамдар интернет айдыңынан түрдүү ашыкча маалыматтарды алат. Биздин тиркеме керектүү категорияларды камтып, адамдын пайдалуу кабарларга ээ болушуна шарт түзөт. Бул тууралуу Бегайым Турумбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, компаниянын негизги миссиясы технологиялар аркылуу элдин жашоо шартын ар тараптан жакшыртуу болуп саналат.

"Бул тиркеме "Нуска" деп аталат. Себеби окурман ар түрдүү маалыматтарды кыска-нуска, бир жерден окуй алат. Бардык жергиликтүү жана чет элдик булактар бир жерде болгондуктан убактысы да үнөмдөлөт. Ошондой эле каалаган маалыматты окуу үчүн саясат, окуялар жана экономика деп бөлүнгөн 20 категория бар. Тиркеме кыргыз жана орус тилдеринде иштейт. Андан тышкары, бөлүшүү функциясы жана көздү оорутпоочу кара тема бар. Колдонуучулар аны Play Market аркылуу көчүрүп алса болот. Биздин компанияда иштеген 20дай кызматкер негизги ишинен 10 пайыз убактысын тиркеменин иштелип чыгышына жумшап, жарым жылда даяр болду", — деди Турумбекова.

Ал өлкөдөгү маалымат сайттарында саясат жана түрдүү негативдүү окуялар көп жазылып, адамга пайда алып келүүчү илимий же маданий позитивдүү жаңылыктар абдан аз жазыларын кошумчалады.

Эскерте кетсек, аталган тиркемеден Sputnik.kg сайтынын кыргыз, орус тилдеринде жарык көргөн материаллдарын да окуй аласыздар.

 

117
Белгилер:
Технологиялар, маалымат, тиркеме, IT компаниялары
Тема боюнча
Кыргызстанда диний окуу жайлары бирдиктүү электрондук системага өтөт
Улуттук банктын Төлөм системалары башкармалыгынын Санариптик финансылык технологиялары боюнча бөлүмүнүн башчысы Айбек Султаналиев

Султаналиев: идентификацияланган электрондук капчыктын иши токтобойт

79
Улуттук банктын Төлөм системалары башкармалыгынын Санариптик финансылык технологиялары боюнча бөлүмүнүн башчысы Айбек Султаналиев 1-октябрдан тарта идентификациядан өтпөгөн электрондук капчыктардын иши токтой турганын айтты.
Султаналиев: идентификацияланган электрондук капчыктын иши токтобойт

Электрондук капчыкты идентификациялоо — ишкерликти чектөө эмес. Анткени алардын иши токтоп калбайт. Бул тууралуу Айбек Султаналиев Sputnik Кыргызстан радиосуна маек берип жатып билдирди.

Анын айтымында, эл аралык электрондук капчыктар дагы идентификациялануусу зарыл.

КРде 1-октябрдан тарта айрым электрондук капчыктардын иши токтойт. Себеби

"Улуттук банктын башкаруучулугунун 2019-жылдын 30-сентябрында кабыл алынган токтомуна ылайык, ушул жылдын 1-октябрынан баштап идентификациядан өтпөгөн электрондук капчыктар тейленбейт. Бул чара айрым тобокелчиликтердин алдын алуу жана аларды минималдаштыруу максатында киргизилүүдө. Тактап айтканда, террорчулукту каржылоого жана кылмыштуу кирешелерди адалдоого каршы мыйзамдын талаптарын аткаруу, тыюу салынган товарларды сатып алуунун алдын алуу мерчемделүүдө. Мындан тышкары, автоматташтырылган системалар иштен чыкса, идентификацияланбаган капчыктардын ээсине алардын акчасын кайтарып берүү кыйынчылык жарата турганын тажрыйба жүзүндө көрдүк. Электрондук капчыктарды милдеттүү түрдө идентификациялоо ишкерликти чектөө болуп саналбайт. Анткени алар өз ишмердигин токтотпойт. Тескерисинче, төлөм системаларынын ишин коопсуз жана ишенимдүү кылат", — деди Султаналиев.

Адис өлкөдө электрондук капчыктарды колдонуучулардын саны жылдан-жылга өсүп жатканын белгилеп, бул төлөм системасынын келечеги кең экенин кошумчалады.

79
Белгилер:
мыйзам, ишкердик, электрондук капчык
Тема боюнча
Көпчүлүк билбейт. Адис электрондук капчыктын артыкчылыгын санап берди
Улуттук илимдер академиясынын президенти, академик Мурат Жуматаев

Жуматаев: ЕАЭБдин алкагында илимди интеграциялоо бизге пайдалуу

47
(жаңыланган 15:19 30.09.2020)
Улуттук илимдер академиясынын президенти, академик Мурат Жуматаев ЕАЭБдин алкагында илимди интеграциялоо боюнча аракеттер көрүлүп жатканын маалымдады.
Жуматаев: ЕАЭБдин алкагында илимди интеграциялоо бизге пайдалуу

ЕАЭБдин алкагында илимди интеграциялоо биздей экономикасы чакан өлкөгө пайдалуу. Анткени уюмдун ичинде бул тармакта каражат, жабдууларды бирге колдонсо болот. Мындай пикирин Мурат Жуматаев Sputnik Кыргызстан радиосуна маек берип жатып билдирди.

Анын айтымында, Евразия экономикалык комиссиясынын алдында түзүлгөн илимий-техникалык кеңештин алгачкы отуруму 10-сентябрда болгон.

Вице-премьер: интеграциялык процесстер өлкө эгемендигине коркунуч келтирбейт

"Көйгөйлөр көбүнесе бир эле мамлекет менен чектелбейт. Айрым маселелер бир аймакта жашаган же чектеш өлкөлөрдүн баарына өз таасирин тийгизет. Азыр "Евразиялык жол", "Бир алкак — бир жол" деген долбоорлор бар. Алардагы кездешкен айрым маселелерди чечүү үчүн илимий колдоо зарыл. Ошондуктан илимди интеграциялоо биздей экономикасы чакан өлкө үчүн абдан керек болууда. Анткени бул тармак чоң каражатты талап кылат. Ал эми бизде СССР тарагандан бери илимди каржылоо өтө солгун жүрүп келет. Эгер уюмдун алкагында кызматташуу күч алса, бири-бирине ар тараптан колдоо көрсөтүүгө мүмкүнчүлүк түзүлөт. Себеби бирликтин ичиндеги өлкөлөрдүн биринде каражат менен камсыздоо жакшы болсо, башкасы заманбап жабдууланган. Интеграциялоо ишке ашса ушуларды бирге колдонуу жолдорун карап көрсө болот. Ал үчүн бири-бирине карама-каршы турган улуттук мыйзамдарды шайкеш келтирүү зарыл", — деди Жуматаев.

Академик илимди интеграциялоону ишке ашыруу үчүн ортодо атайын фонд түзүү сунушталганын кошумчалады.

47
Белгилер:
көйгөй, кызматташуу, илим, Евразиялык экономикалык биримдик, Мурат Жуматаев
Тема боюнча
ЕАЭБ өлкөлөрү илим менен техниканы биргеликте өнүктүргөн кеңеш түздү
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

0
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

0
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео