Грэпплинг федерациясынын баш катчысы Сейтек Толтоев

Толтоев: Ошто Грэпплинг федерациясынын алгачкы өкүлчүлүгү ачылды

33
Грэпплинг федерациясынын баш катчысы Сейтек Толтоев учурда спорттун аталган түрүн аймактарга жайылтуу аракеттери кызуу жүрүп жатканын айтты.
Толтоев: Ошто Грэпплинг федерациясынын алгачкы өкүлчүлүгү ачылды

Грэпплинг федерациясынын алгачкы өкүлчүлүгү үстүбүздөгү жылы Ош шаарында ачылды. Кийинки филиал Талас облусунда 2020-жылдын январь айынан тарта расмий ишин баштайт. Бул тууралуу Сейтек Толтоев Sputnik Кыргызстан радиосунун таңкы эфиринде маек куруп жатып билдирди.

Анын айтымында, Грэпплинг федерациясынын учурдагы башкы максаттарынын бири ар бир облуска федерациянын өкүлчүлүктөрүн ачуу менен грэпплинг күрөшүн өлкөнүн бардык аймактарына жайылтуу болуп саналат.

"Грэпплинг күрөшүнүн Кыргызстанда пайда болгонуна 8-9 жыл эле болду. Салыштырмалуу, бул спорттун жаш түрүнө кирет. Ал NAGA (Түндүк Америка күрөш бирикмеси) , ADCC (Абу-Даби мушкерлер клубу) жана UWW (Бириккен күрөш уюму) деп үчкө бөлүнөт. Кыргызстанда грэпплингдин UWW түрүнүн федерациясы 2018-жылдын 3-августунда түзүлдү. Бул күрөш менен машыккан спортчуларыбыз эл аралык жана дүйнөлүк мелдештерде зор ийгиликтерди жаратышууда. Азыркы тапта эң негизги максат — грэпплингди олимпиадалык спорт түрлөрүнө кошуу. Бул багытта дүйнөлүк деңгээлде жигердүү аракеттер көрүлүп, биздин федерация да демилгени колго алуу менен аталган спорт түрүн өлкөнүн бардык аймактарына жайылтуунун камын көрүүдөбүз. Үстүбүздөгү жылы федерациянын алгачкы өкүлчүлүгү Ош шаарында ачылды. Андан кийинки филиалды Таласта түптөдүк. Ал 2020-жылы январдан тарта расмий ишин баштайт. План боюнча мындай өкүлчүлүктөрдү бардык облустарда түзөлү деп жатабыз. Анткени анын аркасы менен ортодо атаандаштык күчөп, спортчулардын деңгээли да өсөт. Өз учурунда кийин грэпплинг спорттун олимпиадалык түрлөрүнө кошулса, биз ага даяр болобуз", — деди Толтоев.

Ошондой эле ал жыл аягына чейин грэпплинг боюнча Бишкектин ачык биринчилиги жана келерки жылы 11-12-январда Кыргызстандын чемпионаты өтөрүн кошумчалады.

33
Белгилер:
өкүлчүлүк, аймак, федерация, Грэпплинг
Тема боюнча
Кекенов: грэпплинг күрөшүнүн балбандары мелдештерге өз эсебинен барышат
Эндокринолог Айпери Биримкулова

Биримкулова: организмде йод ашыкча болсо оору алып келет

92
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

92
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

22
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

22
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

99
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

99
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты