Мамлекеттик экологиялык жана техникалык коопсуздук боюнча инспекциянын Өрт көзөмөлү башкармалыгынын башкы инспектору Жумгал Асанов. Архивное фото

Асанов: көп кабаттуу үй алдында тез татым жайларын иштетүүгө болбойт

57
(жаңыланган 17:30 18.11.2019)
Мамлекеттик экологиялык жана техникалык коопсуздук боюнча инспекциянын Өрт көзөмөлү башкармалыгынын башкы инспектору Жумгал Асанов 2018-жылдын 22-августунда өкмөт өрт коопсуздугунун эрежелерин жана ченемдерин сактоо боюнча №380 токтомун бекиткенин айтты.
Асанов: көп кабаттуу үй алдында тез татым жайларын иштетүүгө болбойт

Өкмөттүн №380 токтомунун 306-беренесине ылайык, көп кабаттуу үйлөрдүн алдында суюк газ жана газ баллон менен иштеген, ошондой эле тез күйүүчү курулуш материалдары менен жабдылган тез татым жайларынын иштөөсүнө тыюу салынат. Бул тууралуу Жумгал Асанов Sputnik Кыргызстан радиосунун таңкы эфиринде маек куруп жатып билдирди.

Анын айтымында, эрежеге ылайык тез татым жайлары газ баллон сыртта жайгашкан, өрткө туруштук бере алган курулуш материалдарынан салынган, өзүнчө имаратта жайгашуусу талап.

"Бүгүнкү күндө көп кабаттуу үйлөрдүн астында иштеген тез татым жайлары абдан көп. Алардын басымдуу бөлүгү газ баллон колдонушат. Негизи өкмөттүн өрт коопсуздугунун эрежелерин жана ченемдерин сактоо боюнча 2018-жылы кабыл алынган №380 токтомуна ылайык, көп кабаттуу үйлөрдүн алдында суюк газ жана газ баллон менен иштеген, ошондой эле тез күйүүчү курулуш материалдары менен жабдылган тез татым жайларынын иштөөсүнө тыюу салынат. Өз учурунда көзөмөлдөөчү орган болгон Экотехинспекция ишкерлерди текшерүүгө бөгөт болгон мораторийге байланыштуу андай жайларды текшерип, тийиштүү чараларды көрө албай жатат. Текшерүү үчүн Экономика министрлигинин атайын уруксат кагазы керек. Бирок эгер көп кабаттуу үйдүн тургундары тез татым жайы коопсуздук эрежелерин бузуп жатат деп арыз жаза турган болсо, биз ошол кайрылуунун негизинде тийиштүү иштерди алып барабыз", — деди Асанов.

Ошондой эле ал бүгүнкү күндө пландык гана текшерүүлөр жүрүп турарын жана ал текшерүүгө алына турчу объектинин ээсине алдын ала 10-15 күн мурун кабарланып, анан кийин ишке ашарын кошумчалады.

57
Белгилер:
токтом, өкмөт, тез татым, газ баллон, көп кабаттуу үй
Тема боюнча
Асанов: жарылуу болгон тез татымда түшүндүрүү иштери 4-июнда өткөн
Global Education Foundation коммерциялык эмес уюмунун негиздөөчүлөрүнүн бири Хабиб Арзыкулов

Арзыкулов: чет өлкөдөн жаштардын билим алуусун каржылоочу уюм ачылды

248
(жаңыланган 15:05 29.11.2020)
Global Education Foundation коммерциялык эмес уюмунун негиздөөчүлөрүнүн бири Хабиб Арзыкулов чет өлкөдө билим алуу үчүн демөөрчү таап берген уюмдун ачылгандыгын айтты.
Арзыкулов: чет өлкөдөн жаштардын билим алуусун каржылоочу уюм ачылды

2021-жылдын күзүндө окуучулар демөөрчүлөрдүн колдоосу менен АКШнын жана Европанын окуу жайларына жиберилет. Бул тууралуу Хабиб Арзыкулов Sputnik Кыргызстан радиосунун эфиринде маек куруп жатып билдирди.

Анын айтымында, чет өлкөдө билим алган тажрыйбалуу адистер уюмдун ишин жүргүзөт. Учурда финансы маселеси иштелип жатат.

"Global Education Foundation (GEF) жалпы билим берүүгө салым кошолу деген жакшы максат менен ачылды. Биз өзүбүз ишкерлик менен алек болобуз. Фонддун түптөөчүлөрү эки киши. Алардын бири — Алмаз Арапов. Ал 3-4 жылдан бери балдарды чет өлкөгө коммерциялык негизде окууга жөнөтүп келген. Анын тажрыйбасын жана менин да ишкерлер менен иштешүү тажрыйбамды эске алып, уюмду ачтык. Чет өлкөдө окуу ар биринин кыялы болуш керек. Ошол себептен сыртта окуп гана калбастан билим, тажрыйба алып, Кыргызстанга келип, өлкөнүн өнүгүшүнө салым кошот деген үмүттөбүз. Балдарды тандап алууда атайын критерийлерди койгонбуз. Тандоо ачык-айкын болушу үчүн билим берүүдө тажрыйбасы бар, таанымал адамдардан комиссия түзөлү деп жатабыз. Алар атайын конкурстук негизде тандашат. Негизги талап англис тилин жакшы билиши керек. Бюджеттик орундарга жараша мыктылары тандалып, чет өлкөгө жөнөтүлөт", — деди Арзыкулов.

Ошондой эле ишкер мугалимдердин кесипкөйлүүлүгүн жогорулатуу максатында тажрыйба алмашуу үчүн чет өлкөгө жиберүү, жакшы окуган окуучуларга стипендия төлөп берүү иштери да пландалып жаткандыгын кошумчалады.

248
Белгилер:
жаштар, чет өлкө, билим берүү
Тема боюнча
Сауд Аравияда докторантурада окуган Дөөлөс: стипендиям 25 миң доллардан ашат
Жергиликтүү өз алдынча башкаруулар союзунун төрагасынын орун басары Бектурган Орозбаев

Орозбаев: аткарылышы изилденбегендиктен карама-каршы мыйзамдар жазылат

12
Жергиликтүү өз алдынча башкаруулар союзунун төрагасынын орун басары Бектурган Орозбаев Жогорку Кеңеш менен жергиликтүү бийликтин маалымат алмашуусу чабал экенин айтты.
Орозбаев: аткарылышы изилденбегендиктен карама-каршы мыйзамдар жазылат

Жергиликтүү өз алдынча башкаруу тармагында бири-бирине карама-каршы келген мыйзамдар абдан көп. Бул тууралуу Бектурган Орозбаев Sputnik Кыргызстан радиосунун эфиринде маек куруп жатып билдирди.

Анын айтымында, айрым мыйзамдар жергиликтүү бийликтин ишин илгерилетпей эле, тескерисинче, тоскоолдуктарды жаратат. Бирок ал кабыл алынган мыйзам кандай иштеп жатат, таасири оңбу же терспи деп иликтенип, жыйынтык чыгарылбайт.

"Жергиликтүү өз алдынча башкаруулар союзу аталган тармактагы бийлик органдарына тиешелүү мыйзамдардын кандай иштеп жаткандыгын иликтеген доклад даярдап, аны Жогорку Кеңешке жөнөттүк. Эми экинчи докладда дагы да жөнөкөйлөштүрүп, мыйзамдарды топторго бөлүп жазып чыгып президентке сунуштайбыз. Бул иликтөөнүн үстүндө иштеп жатканда көптөгөн ары кызыктуу, ары кейиштүү окуяларга күбө болдук. Мисалы, алыс барбай борбор калааны эле ала турган болсок, вице-мэрлерди мэр дайындайбы же ким тарабынан бекитилери мыйзамдарда так жазылбай калган. Ошондой эле аймактарда акысыз юридикалык консультация бере турган бирден юрист болуусу тууралуу мыйзам кабыл алынган, бирок аны аткаруу механизми көрсөтүлгөн эмес. Атайын штаттык бирдик бөлүнбөйт. Айыл өкмөтү же мэр юристти кызматка алуусу үчүн башка бир штаттык бирдикти бошотушу керек. Аймактарда бул чоң көйгөй. Анткени 5-10 миң сомдук айлык акыга эч ким барбайт. Ушул сыяктуу чийки жазылган жана бири-бирине карама-каршы келген мыйзамдар абдан көп. Мунун баары Жогорку Кеңештин өз функциясын так аткарбай жаткандыгында, анткени бул орган жазылган мыйзамдардын аткарылышын да көзөмөлдөшү керек", — деди Орозбаев.

Ал республикалык бюджет менен жергиликтүү бюджетти теңдештирмейин өлкөдөгү экономикалык, саясий маселелер чечилбейт деген пикирин кошумчалады.

12
Белгилер:
көзөмөл, мыйзам, башкаруу
Тема боюнча
Орозбаев: Жогорку Кеңеш экинчи функциясын жакшы аткара албай келет

Месси "Осасунага" киргизген голун Марадонага арнады. Видео

0
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

0
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады