Бишкек шаарынын мэриясынын юридикалык бөлүмүнүн башкы адиси Талант Рыскулбек уулу

Рыскулбек уулу: Бишкек мэриясы тарабынан үч жетим балага үй берилди

80
(жаңыланган 12:46 23.11.2019)
Бишкек шаарынын мэриясынын юридикалык бөлүмүнүн башкы адиси Талант Рыскулбек уулу үстүбүздөгү жылдан тарта турак жай кодексине ылайык борбор калаадагы жетим балдар үйлөрүнүн бүтүрүүчүлөрү үй менен камсыз боло баштаганын айтты.
Рыскулбек уулу: Бишкек мэриясы тарабынан үч жетим балага үй берилди

Бүгүнкү күндө бойго жеткен үч томолой жетим балага Бишкек шаарынын мэриясы тарабынан батирлер берилди. Бул тууралуу Талант Рыскулбек уулу Sputnik Кыргызстан радиосуна маек куруп жатып билдирди.

Анын айтымында, учурда дагы 38 ата-энеси жок чоңойгон бала муниципалитет бере турган үйгө ээлик кылуу үчүн кезекте турат.

"Турак жай кодексине ылайык, социалдык жактан муктаж болгондор жана жетим балдар муниципалитет тарабынан үй менен камсыз болуусу керек. Бирок бул иштер белгисиз себептерден улам 1999-жылдан бери аткарылбай келген. Тактап айтканда, борбор калаадагы турак жайга муктаж тургундардын каттоосу чала жүргөн. Бул иштер үстүбүздөгү жылдан тарта кайра жанданды. Бүгүнкү күндө балдар үйүнүн үч бүтүрүүчүсү мэрия тарабынан берилген батирлерге ээ болду. Азыркы тапта дагы 38 ата-энеси жок чоңойгон калаа тургуну кезекте турат. Бул жерде белгилей кетчү жагдай берилип жаткан үйлөр убагында мыйзамсыз менчиктештирилип, бирок кийин кайра муниципалитеттин балансына кайтарылган жана кароосуз калган батирлер. Бишкек шаарында бөлүп берүүгө жер жок болгондуктан жер үйлөр жана жер тилкелери берилбейт", — деди Рыскулбек уулу.

Ошондой эле ал шаар мэриясынын юридикалык бөлүмүнүн өкүлчүлүктөрү калаадагы төрт райондук акимиат менен 19 башкармалыкта бар экенин жана ал жакка бардык жарандар кайрылып, акысыз юридикалык кеңеш алса болорун кошумчалады.

80
Белгилер:
Бишкек, Бишкек мэриясы, жетимдер, балдар үйү
Тема боюнча
Тодогелдиев: оор кырдаалда калган балдарды табуу боюнча база түзүлүп жатат
Президентке караштуу Антикоррупциялык ишкердик кеңешинин эксперти Айдар Мамбеткадыров. Архив

Эксперт: коррупция менен күрөшүү боюнча ЕАЭБде бирдиктүү долбоор керек

6
(жаңыланган 12:51 18.09.2021)
Президентке караштуу Антикоррупциялык ишкердик кеңешинин эксперти Айдар Мамбеткадыров коррупция менен күрөшүүдө башка өлкөлөрдүн тажрыйбалары дагы изилдене турганын белгиледи.

Евразиялык экономикалык биримдикке мүчө өлкөлөрдүн деңгээлинде коррупция менен күрөшүүнү бирдиктүү колго алуу зарыл. Себеби ошол эле бажы, чек ара жаатында коррупциялык тобокелчиликтерди алдын алуу керек. Бул тууралуу Айдар Мамбеткадыров Sputnik Кыргызстан радиосунда маек куруп жатып билдирди.

Эксперт: коррупция менен күрөшүү боюнча ЕАЭБде бирдиктүү долбоор керек

Анын айтымында, коррупция менен күрөшүүдө уюмга мүчө мамлекеттерде ар кандай ыкмалар колдонулат.

"Башка мамлекеттердин ийгиликтүү тажрыйбаларын изилдеп көрдүк. Ошол эле ЕАЭБге мүчө мамлекеттердин дагы тажрыйбасын эске алдык. Уюмга мүчө мамлекеттерде коррупциялык көрүнүштөр, аны менен күрөшүү ыкмалары дагы ар башка болууда. Мисалы, Казакстанда коррупция менен күрөшө турган медиа борборлор бар. Алар көз карандысыз делингени менен президенттин алдында. Ал борбор коррупциялык көрүнүштөрдү коомго ачыктап чара көрүү аркылуу иш алып барат. Ошону менен өз натыйжасын көрсөтүп келе жатат. Ал эми Россияда, Беларуста, Арменияда деле бул багытта иш жүрөт. Бирок коррупция менен күрөштө жетиштүү деңгээлде натыйжасы байкалбайт. Ошондуктан ЕАЭБдин деңгээлинде коррупция менен күрөшүү боюнча бирдиктүү долбоор даярдалышы зарыл. Уюмдун ичиндеги өлкөлөрдүн бажы жана чек ара кызматтарында кездеше турган коррупциялык тобокелчиликтерди алдын алуу шарт. Себеби көмүскө товарлар кирип, коррупциялык көрүнүштөргө жол берилиши мүмкүн", — деди Мамбеткадыров.

Ошондой эле кайсы бир өлкөнүн тажрыйбасын колдонордон мурда жергиликтүү менталитетти эске алуу зарыл экендигин кошумчалады.

Подкастты толугу менен видеодон көрө аласыз:

6
Белгилер:
Айдар Мамбеткадыров, коррупция, Евразиялык экономикалык биримдик, тажрыйба
Тема боюнча
Коопсуздук кеңеш аймактык органдардагы коррупциялык тобокелдиктерди аныктоодо
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

0
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

0
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды