Дарыгер-офтальмолог Өмүрбек Жолдошев

Офтальмолог: ушул тапта ар бир он кишинин тогузунун көзү начар көрөт

149
(жаңыланган 13:33 04.12.2019)
Дарыгер-офтальмолог Өмүрбек Жолдошев акыркы кезде көз оорулары жана көздүн көрбөй калуусуна алып келген сырткы таасирлерден улам жабыркап, дарыгерлерге кайрылган адамдардын саны өсүп жатканын айтты.
Офтальмолог: ушул тапта ар бир он кишинин тогузунун көзү начар көрөт

Бүгүнкү күндө дүйнө жүзүндө ар бир он кишинин тогузунун көзү начар көрөт. Бул тууралуу Өмүрбек Жолдошев Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, компьютер менен смартфон, планшет өңдүү гаджеттердин экранын өтө жакын кармап, туура эмес карагандыктан жана көпкө тиктегендиктен көзүнүн көрүүсү начарлап кеткен өспүрүмдөр көбөйүп жатат.

"Бүгүнкү күндө дүйнө жүзү боюнча көзүнүн көрүүсү начарлап, дарыгерге кайрылган кишилердин саны өсүүдө. Учурда ар бир он кишинин тогузунун көзү жакшы көрбөйт. Буга биринчи кезекте адамдардын орточо жашоо узактыгы жогорулап жаткандыгы себеп болсо, экинчиси — смартфон, планшет өңдүү гаджеттер менен девайстардын коомчулуктун калың катмарына жеткиликтүү болуп калганында. Анткени заманбап техниканы көпчүлүк, айрыкча жаштар туура эмес колдонуп жатышат. Мисалы, жаңыдан жетилип келе жаткан жеткинчектер планшет менен смартфондордун экранын көпкө карап жана өтө жакын тиктеп отурушууда. Бул акырындык менен көздүн көрүүсүн начарлатып, ооруга алып келиши мүмкүн. Мындан улам алдын ала гаджеттерди колдонуу эрежелери менен таанышып алуу зарыл. Мисалы, үч жашка чейики балдарга бир күндө смартфон жана планшеттерди жарым сааттан ашык карап отурууга болбойт. Үч жаштан жогору курактагылар үч сааттан көп экранды карабашы керек. Ал эми чоң кишилерге андай чектөө жок, бирок ар бир 50 мүнөт сайын көздү эс алдырып, алысты карап коюп туруусу керек", — деди офтальмолог.

Ошондой эле ал азыркы учурдагы медицина жаатындагы жетишкендиктердин жардамы менен көз ооруларынын бардык түрлөрүн дарылоого мүмкүн экенин кошумчалады.

149
Белгилер:
жаштар, гаджет, оору, көз, офтальмология
Тема боюнча
Офтальмолог Бактыгүл Мамытова: көз чыңалганда кызарат
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков

Кубанычбеков: адабиятчылар аймактарды аралап элге көп чыгышы керек

25
(жаңыланган 14:36 05.03.2021)
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков учурда поэзия тармагы өнүгүүгө багыт алып жатканын белгиледи.
Кубанычбеков: адабиятчылар аймактарды аралап элге көп чыгышы керек

Адабиятчылар маданий ротацияга муктаж болуп турат. Өзгөчө, акындар аймактарды кыдырып, чыгармаларын элге жеткирсе жакшы болмок. Мындай пикирин Акбар Кубанычбеков Sputnik Кыргызстан радиосуна маек куруп жатып билдирди.

Анын айтымында, чыгармалардын сынга кабылуусу анын окулуп жатканынан кабар берет.

"Поэзия тармагы элдик фольклордон чыныгы жазмага өткөнү жакшы эле өсүш болгон. Андан бери көптөгөн залкар акындар чыгып адабий айдыңда өз ордун ээлеп калды. Ал эми эгемендүүлүккө келе турган болсок, ортодо поэзия каралбай калган. Башкача айтканда, чыгарманын окурманы болуусу шарт. Алар жазуучунун өсүүсүнө түрткү болот. Көз карандысыздыктын алгачкы жылдары китеп окулбай калган. Азыр эми акырындап китепти кубалап окугандар пайда болуп келе жатат. Эгемендүүлүк алгандан бери 30 жыл болду. Бул аралыкта жакшы чыгармалар жазылды. Ошолорду иргеп, тандалмаларды топтоо зарыл. Анан адабий тармак маданий ротацияга муктаж болуп турат. Өз кезегинде Байдылда Сарногоевдин барбаган айылы калбаптыр. Азыр деле Маданият, маалымат, спорт жана жаштар саясаты министрлиги тарабынан акындарга аймактарды кыдыруу боюнча демилгеленсе, чыгармалар элге жетет эле", — деди Кубанычбеков.

Акын учурда жазылып жаткан чыгармалардын сапаты көбүнесе орто заар болуп жатканын кошумчалады.

25
Белгилер:
маданият, ротация, адабият, Акбар Кубанычбеков
Тема боюнча
Эгембердиева: аялзатынын адабиятка келишин жигиттер өздөрү шарттаган
Өз жамаатыңды өнүктүр хакатонунун чечимдерди картирлөө боюнча жетекчиси Урмат Такиров

Такиров: долбоорлорду колдоо боюнча хакатон өтөт

15
"Өз жамаатыңды өнүктүр" хакатонунун чечимдерди картирлөө боюнча жетекчиси Урмат Такиров инновациялык жана технологиялык чечимдерди табуу жана жамааттардын өнүгүүсүнө салым кошо турган долбоорлорду колдоо боюнча хакатон өтөрүн айтты.
Такиров: долбоорлорду колдоо боюнча хакатон өтөт

IT-технологияларынын жардамы менен жамааттардын өнүгүүсүнө багытталып пландаштыруу, ресурс топтоо жана долбоорлорду ишке ашыруу идеяларын хакатон аркылуу тез убакытта чечсе болот. Мындай пикирин Урмат Такиров Sputnik Кыргызстан радиосунун эфиринде маек учурунда кабарлады.

Анын айтымында, IT-адистер кыска мөөнөттө түрдүү идеяларды карап, алардын ишке ашуусуна көмөкчү болот.

"Хакатон — англис тилинен hack жана marathon сөзүнөн алынган. Программалык камсыздоо компаниялары тарабынан түзүлгөн форум. Биздин хакатондун максаты бар идеялардын аткарылышын тездетүү болуп саналат. 2020-жылы жаңы көйгөйлөр пайда болду. Алсак, дүйнөдө пандемия, экономикалык кризис, саясий кырдаалдар коомдогу орчундуу маселе болууда. Алдыда кандай кризистер болорун да айта албайбыз. Мындай шартта көйгөйлөрдү абдан тездик менен чечкен модель түзгөнгө аракет кылуудабыз. БУУнун Өнүктүрүү программасынын Акселератор лабораториясы тарабынан инновациялык жана технологиялык чечимдерди табуу жана жамааттардын өнүгүүсүнө салым кошо турган долбоорлорду колдоого алуудабыз. IT-адистер кыска мөөнөттө түрдүү идеяларды карап, алардын ишке ашуусуна жардам берет. Хакатон 13-14-мартта өтөт. Хакатонго жеке жана команда менен катышууга болот. Катталуу үчүн БУУнун Кыргызстандагы өкүлчүлүгүнүн веб-сайтына кирүү керек," — деди Такиров.

Ошондой эле жетекчи идеяларды колдоо боюнча демилгелер өлкө аймагында байма-бай уюштуруларын кошумчалады.

Белгилей кетсек, демилге Кыргызстандагы БУУнун Өнүктүрүү программасынын Акселератор лабораториясы жана Россия Федерациясы тарабынан каржыланган БУУӨПтүн "Санарип экономика шартындагы жаштардын санарип жөндөмдөрү жана мүмкүнчүлүктөрү" долбоорунун алкагында ишке ашууда.

15
Белгилер:
Урмат Такиров, Россия, идея, БУУ, хакатон
Тема боюнча
Сапашов: өлкөдө маалыматтык технологиянын абалы ортодон төмөн
Өкмөттүн Талас облусундагы ыйгарым укуктуу өкүлү Айбек Бузурманкулов. Архив

Таласты 5 ай башкарды. Айбек Бузурманкулов кызматтан кетти

0
(жаңыланган 23:01 05.03.2021)
Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

БИШКЕК, 5-мар. — Sputnik. Айбек Бузурманкулов өкмөттүн Талас облусундагы ыйгарым укуктуу өкүлү кызматынан бошотулду. Бул тууралуу өкмөттүн маалымат кызматы кабарлады.

Ага ылайык, Бузурманкулов ээлеген ордунан башка ишке өткөндүгүнө байланыштуу кеткен.

Тиешелүү буйрукка премьер-министр Улукбек Марипов кол койгон.

Эске салсак, Бузурманкулов Таласка жетекчи болуп 2020-жылдын октябрь айында 5-6-октябрдагы окуялардан кийин келген.

0
Белгилер:
Айбек Бузурманкулов, ыйгарым укуктуу өкүл, Талас, кызмат
Тема боюнча
Жапыкеев башында турган Финпол жоюлду
"Кыргыз алтынга" жаңы жетекчи дайындалды