Финансы министринин орун басары Алмазбек Азимов

Азимов: милициянын айлыгы да мугалимдердикиндей система менен көбөйөт

136
(жаңыланган 16:08 09.12.2019)
Финансы министринин орун басары Алмазбек Азимов келерки жылдын бюджетинде укук коргоо органдарынын кызматкерлеринин айлык акысын көбөйтүү каралганын айтты.

2020-жылдан тарта милиционерлердин айлыгы 20 пайыздан 40 пайызга чейин жогорулайт. Бул тууралуу Алмазбек Азимов Sputnik Кыргызстан радиосунун таңкы эфиринде маек куруп жатып маалымдады.

Анын айтымында, көбөйтүлгөн айлыкты тартип сакчылар январь айынан тарта ала башташат.

"Жаңы жылдан баштап укук коргоо тармагынын кызматкерлеринин маянасы көтөрүлөт. Жетекчилик кызматтагыларга 20 пайыз, ал эми катардагы адистердин айлыгына 40 пайызга дейре кошулат. Буга кетчү кошумча каражат 2020-жылдын бюджетинде каралды", — деди Азимов.

Аткаминер келе жаткан жылдын бюджетинин көп бөлүгү жылдагыдай эле социалдык тармакка багытталгандыгын кошумчалады.

136
Белгилер:
айлык-акы, милиция, бюджет
Тема боюнча
Бюджеттин чыгашасы 2 млрд. сомго кыскарды. Кайсы тармактын акчасы кертилет?
Дүйшөбаев: иштөө шарты жок жерде адистер көпкө кармалбайт