Милдеттүү медициналык камсыздандыруу фондусунун башкы адиси Жолдошбек Абдылдаев

Абдылдаев: 2020-жылдан тарта кант диабетинин дарысы арзандайт

179
(жаңыланган 09:22 12.12.2019)
Милдеттүү медициналык камсыздандыруу фондусунун башкы адиси Жолдошбек Абдылдаев кант диабети менен жабыркаган оорулуулар мамлекеттик кепилдик программасынын алкагында арзандатылган медициналык препараттар менен камсыздаларын айтты.
Абдылдаев: 2020-жылдан тарта кант диабетинин дарысы арзандайт

Бүгүнкү күндө Милдеттүү медициналык камсыздандыруу фонду кандагы канттын көлөмүн текшере турган медициналык жабдыктын (тест-полоска) 50 пайызын төлөп берип жатат. Ал эми 2020-жылдан тарта кант диабетине каршы колдонулган метформин дарысы жеңилдетилген рецепт менен бериле баштайт. Бул тууралуу Жолдошбек Абдылдаев Sputnik Кыргызстан радиосуна маек куруп жатып билдирди.

Анын айтымында, Милдеттүү медициналык камсыздандыруу фондусунун каттоосунда үч медициналык багыттагы жабдык турат. Бирок бюджеттен бөлүнгөн акча каражатынын тартыштыгынан улам учурда кандагы канттын көлөмүн аныктай турган медициналык жабдыкка гана 50 пайыз жеңилдик берилип келүүдө.

"2012-жылы жеңилдетилген рецепт менен бериле турган кандагы канттын көлөмүн аныктоочу медициналык жабдыкты (тест-полоска) Милдеттүү медициналык камсыздандыруу фондунун маалымдамасына коштук. Ошондон тарта ар бир оорулууга 200 даанадан берилип келген. Ал эми 2018-жылы биз аталган норманы дагы көбөйтүп, 500 даанадан бере баштадык. Ошондой эле эндокринологдордун сунушу менен 2020-жылдан тарта кант диабетине каршы колдонулган метформин дарысын жеңилдетилген рецепт менен берүү пландалууда. Учурда берилчү препарат ар бир бейтапка ылайыкталып аныкталууда", — деди Абдылдаев.

Ошондой эле ал кант диабетинен жабыркаган оорулууларга Саламаттык сактоо министрлиги тарабынан жыл сайын глибенкламид жана десмопрессин деген препараттар акысыз түрдө берилиши керектигин кошумчалады.

179
Белгилер:
диабет, Жолдошбек Абдылдаев
Тема боюнча
Жумабаева: Кыргызстанда 180 миңден ашуун адам кант диабетинен жабыркайт
Башталгыч кесиптик билим берүү башкармалыгынын башчысы Бектур Ибрагимов. Архив

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

32
(жаңыланган 12:37 13.06.2021)
Башталгыч кесиптик билим берүү башкармалыгынын башчысы Бектур Ибрагимов орто мектепти бүтүргөн окуучулардын 10-15 пайызы чет жакка иштөөгө аттанарын айтты.

Ата-энелердин көпчүлүгү эле балдарынын жогорку билим алуусуна умтулат. Эгер юрист же экономист тууганы болсо, өз перзентин да ошол кесипти аркалоого үндөшөт. Ошол эле учурда баланын кызыгуусун көп деле эске ала беришпейт. Бул тууралуу Бектур Ибрагимов Sputnik Кыргызстан радиосунун эфиринде маек куруп жатып билдирди.

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

Анын айтымында, эмгек миграциясына чыгардан мурда кесиптик окууларды бүтүрүп алуу маданиятын жайылтуу зарыл.

"Өлкөдө соңку жылдары кесиптик билим берүү бир аз колго алына баштады. Ошого карабай балдарынын жогорку билим алуусуна тырышкан ата-энелер көп. Алар бүтүрүүчүнүн ой-кыялдарына көп учурда көңүл деле бурушпайт. Жыйынтыгында бала окууну аягына чыгарбай таштап коет же башка факультеттерге которулуп кетет. Ошондуктан башынан эле бала менен сүйлөшүп, тескерисинче, аны кайсы бир кесиптин ээси болуп алууга үндөө керек. Өзгөчө азыр көп талап кылынган фермер, тигүүчү, ширетүүчү, крановщик, ашпозчу, куруучу жана башка ушул сыяктуу. Бул кесиптер чет мамлекетке чыкса да жумуш таап кетишине көмөкчү боло алат. Андан кийин эгер баланын каалоосу болсо, жогорку билим алса болот", — деди Ибрагимов.

Подкасттын толук вариантын видеодон көрүңүз:

32
Белгилер:
Бектур Ибрагимов, кеңеш, тандоо, кесип, бүтүрүүчү
Тема боюнча
Мурзаев: адам максатты туура кое билсе өнүгөт
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

32
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

32
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот