Юстиция министри Марат Жаманкулов

Жаманкулов: мамлекеттик жактоочулардын айлык акысын эки эсе көтөрдүк

(жаңыланган 18:31 13.12.2019)
Юстиция министри Марат Жаманкулов аталган министрликтин алдында мамлекет кепилдеген юридикалык жардам жөнүндө мыйзамдын негизинде иштеген жарандарга акысыз юридикалык көмөк көрсөтчү борбор бар экенин айтты.
Жаманкулов: мамлекеттик жактоочулардын айлык акысын эки эсе көтөрдүк

Бүгүнкү күндө акысыз юридикалык жардам көрсөтө турган борбордун координаторлору өлкөнүн бардык облустарында иштеп жатат. Алар жарандык, административдик жана кылмыш иштери боюнча калкка бекер көмөк көрсөтөт. Быйыл мына ушул борбордо эмгектенген мамлекеттик жактоочулардын айлык акысы эки эсе көтөрүлдү. Бул тууралуу Марат Жаманкулов Sputnik Кыргызстан радиосунун " Ачык кеп" программасында маек куруп жатып билдирди.

Анын айтымында, 2019-жылы жарандарга акысыз юридикалык көмөк көрсөтө турган борбордун иш алып баруусуна бөлүнгөн каражаттын да көлөмү өстү. Мурун жалпы жонунан бир жылга 20 миллион сом каралып келсе, быйыл 70 миллион сом бөлүнгөн.

"Кыргызстанда жарандарга акысыз юридикалык көмөк көрсөтө турган борбор иштеп келет. Ал жактын өкүлдөрү өлкөнүн бардык аймактарында бар. Калкка жарандык, административдик жана кылмыш иштери боюнча акысыз жардам беришет. Ошондой эле эгер жарандарга юридикалык кеңеш керек болсо, аталган борбордун координаторлоруна кайрылса болот. Негизи акысыз жардам берген мамлекеттик юристтердин маянасы Юстиция министрлиги тарабынан каржыланат. Быйыл ошондой кызмат көрсөткөн мамлекеттик жактоочулардын айлык акысы эки эсе көтөрүлдү. Борборго бөлүнгөн каражатты да көбөйтүп жатабыз. Буга чейин аталган ведомствого бюджеттен 20 миллион сом каралып келсе, бул жылы 70 миллион сом бөлүндү. Келерки жылы дагы көбөйтөбүз деген пландар бар", — деди министр.

Ошондой эле ал 2019-жыл аймактарды өнүктүрүү жана санариптештирү жылынын алкагында быйыл "Электрондук нотариус" маалыматтык системасы пилоттук негизде Бишкек шаарында ишке киргенин кошумчалады.

Белгилер:
жактоочу, юридикалык жардам, калк, Марат Жаманкулов
Тема боюнча
Зарылбек уулу: 5395 пробация кардары катталып, көзөмөлдөнүп жатат
Адвокаттар кеңешинин мүчөсү, адвокат Мейил Бегилерова

Бегилерова: адвокаттын телефон сүйлөшүүсүн угууну кысым катары кабыл алабыз

Адвокаттар кеңешинин мүчөсү, адвокат Мейил Бегилерова Жазык кодексине киргизилген өзгөртүүлөр адвокаттардын эле эмес, кардарлардын да жеке коопсуздугуна коркунуч жаратат деген пикирин айтты.
Бегилерова: адвокаттын телефон сүйлөшүүсүн угууну кысым катары кабыл алабыз

Ушул жылдын 19-мартында "Эркин-Тоо" гезитине Жазык кодексиндеги адвокаттардын ишмердүүлүгүнө киргизилген өзгөртүүлөр басылып чыкты. Ага ылайык, эми тергөөчүлөр кардар менен адвокаттын телефон аркылуу сүйлөшүүсүн көзөмөлдөй алат. Бул тууралуу Мейил Бегилерова Sputnik Кыргызстан радиосуна маек куруп жатып билдирди.

Анын айтымында, жактоочу менен ага кайрылган жарандын телефондук сүйлөшүүлөрүн угууга уруксатты соттун чечими берет.

"Жазык кодексинин 223-беренеси аркылуу мурда адвокат менен кардардын телефондук сүйлөшүүсү корголуп турчу, тагыраак айтканда, аны тыңшоого салынган тыюу бар болчу. Бул өз кезегинде бизге мыйзамдын негизинде кайрылган адамдын укугун коргоп, сот чечимдери акыйкат болууга түрткү берип турчу. Эми бул берене алып салынды. 2021-жылдын март айында аталган өзгөртүүгө кол коюлуп, мыйзам күчүнө кирди. Бул тергөөчүлөр сотко кайрылып, алардын чечими менен каалаган адвокатынын телефондук сүйлөшүүлөрүн уга берсе болот дегенди түшүндүрөт. Мындай кадамдарды Кыргызстан адвокаттары туура эмес деп баалайбыз. Бул бир гана жактоочунун эмес, ага кайрылган жөнөкөй жарандын да укугун тебелегендик. Адвокаттардын жеке жашоосуна коркунуч жараткан мыйзам. Биз өзүбүз кооптонуп отурсак, кантип кардарларыбыздын укугун коргой алабыз", — деди Бегилерова.

Ал бул өзгөртүүлөр адвокаттардын укук, милдеттери камтылган 54-беренеге карама-каршы келип жаткандыгын кошумчалады.

Белгилер:
укук, жаран, мыйзам, адвокат, Мейил Бегилерова
Тема боюнча
Бегилерова: үй сатып аларда Каттоо кызматынан текшертип алгыла
Такси айдоочулар профсоюзунун төрагасы Руслан Жакыпбеков

Жакыпбеков: наркоман же психикасы жабыркагандар деле таксист боло алат

(жаңыланган 16:07 12.04.2021)
Такси айдоочулар профсоюзунун төрагасы Руслан Жакыпбеков такси тармагын иретке келтирген укуктук документтер кабыл алынуусу керектигин белгиледи.
Жакыпбеков: наркоман же психикасы жабыркагандар деле таксист боло алат

Учурда каалаган адам такси кызматына ишке кире алат. Себеби айрым фирмалар аралыктан эле жумушка кабыл алган учурлар бар. Бул тууралуу Руслан Жакыпбеков Sputnik Кыргызстан радиосуна маек куруп жатып билдирди.

Анын айтымында, жүргүнчү ташуучулар үчүн тийиштүү талаптар коюлган документ жок.

"Таксисттерди лицензиялоо дегенде туура эмес кабыл алгандар бар. Себеби алар муну кандайдыр бир каражат топтоочу жол катары түшүнүшүүдө. Андай эмес, себеби лицензия деген бул укуктук документ деген эле мааниде. Такси айдоочусунун уруксат кагазы же башкача айтсак документи болот. Аталган тармакты иретке келтире турган кандайдыр бир укуктук документтер керек. Ансыз учурда жаңы эле 18 жашка толгон адам такси айдоочусу болуп алууга мүмкүнчүлүгү бар. Бүгүнкү күндө амнистия жарыяланып, абактан толтура киши чыкты. Алар 15 мүнөттө кайсы бир такси кызматына онлайн эле орношуп алуусу ыктымал. Бул жерде түрмөдөн чыккандардын баары жаман деген кеп эмес. Таксилерде коопсуздук жагы көзөмөлдөнбөйт. Маселе ушул тууралуу болууда. Чынында психологиялык жактан жабыр тарткан адам, наркоман же дагы бир унаага отурууга болбой турган киши такси айдоочусу болуп калбайт деп ким кепилдик берет? Ошондуктан иретке келтирүү үчүн кандайдыр бир укуктук документтер кабыл алынуусу керек", — деди Жакыпбеков.

Ошондой эле ал көп жыл мурда айдоочулук күбөлүк алган адамдарды да такси кызматына уруксат берерде текшерүүдөн өткөрүү зарылдыгын кошумчалады.

Белгилер:
Руслан Жакыпбеков, лицензия, коопсуздук, такси
Тема боюнча
Жакыпбеков: такси тармагында баа атаандаштык менен калыптанбайт
Биринчи вице-премьер-министр Артем Новиков

Новиков адам уурдоодо ыкчам реакция кылуу алгоритмин иштеп чыгууну сунуштады

(жаңыланган 23:46 12.04.2021)
Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

БИШКЕК, 12-апр. — Sputnik. Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады. Бул тууралуу өкмөттүн маалымат кызматынан билдиришти.

  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады
    © Пресс-служба правительства / Алишер Алиев
  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады

Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

Ал аялдар менен балдарга карата зордук-зомбулукту алдын алуу маселелери боюнча кеңешме өткөрдү.

"Айзаданын (Канатбекова — ред.) трагедиялуу окуясы баарыбыздын жүрөгүбүздү оорутту. Тилекке каршы, бул жалгыз гана мисал эмес. Акыркы кезде жаңылыктардан мектеп окуучуларынын урушу, аялдардын кордолушу, жашы жете электердин зордукталышы тууралуу гана окуп калдык. Бүгүн биз бул нерселерди алдын алуу үчүн аракеттерди кылышыбыз керек”, — деди Новиков.

Новиков ала качуу боюнча жазаны күчөтүп, адам уурдоо беренесине теңөөнү сунуштады. Ал кагаз жүзүндө көптөгөн концепциялар, стратегиялар иштелип чыкканы менен турмушта колдонулбай келгенин кошумчалады.

Белгилер:
алгоритм, аял, бала, зомбулук, өкмөт, Артем Новиков
Тема боюнча
"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги
Айзада Канатбекованы уурдады делген шектүүлөр камакка алынды