Жаштар иши, дене тарбия жана спорт боюнча мамлекеттик агенттигинин директорунун орун басары Канат Арпачиев

Арпачиев: 2020-жыл үчүн спорт тармагына бюджеттен 1 млрд. сом бөлүндү

92
Жаштар иши, дене тарбия жана спорт боюнча мамлекеттик агенттигинин директорунун орун басары Канат Арпачиев спорт тармагын өнүктүрүү үчүн бюджеттен бөлүнгөн каражаттын көлөмү жылдан-жылга көбөйүп жатканын айтты.
Арпачиев: 2020-жыл үчүн спорт тармагына бюджеттен 1 млрд. сом бөлүндү

2020-жылга карата спорт тармагын өнүктүрүү үчүн мамлекеттен 1 миллиард сомдон ашуун каражат бөлүндү. Бул тууралуу Канат Арпачиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган каражаттын 450 миллион сому өлкөдөгү спорт мектептеринин машыктыруучулары менен мугалимдеринин маянасы жана коммуналдык кызматтарына жумшалат.

"Бүгүнкү күндө спорт мамлекет тарабынан тийиштүү деңгээлде колдоого алынып, жакшы көңүл бурула баштады. Буга чейин аталган тармакты өнүктүрүүгө бөлүнгөн каражаттын көлөмү 56 миллион сомго жетчү. Ал эми келерки жылга карата бюджеттен бир миллиард сомдон ашуун каражат бөлүнүп жатат. 2020-жылы ири спорттук иш-чаралар да көп болот. Мындан улам Япониянын Токио шаарында өтө турган XXXII жайкы олимпиада оюндарына 55 миллион сом кошумча акча каралууда. Ошондой эле Түркияда өтө турган IV дүйнөлүк көчмөндөр оюндарына 50 миллион сом каралды. Мындан тышкары, спортчуларга төлөнө турган айлык акынын бюджети 100 миллион сомдон 160 миллион сомго жогорулап жатат. Дагы машыктыруучу жана методисттердин маянасын 50 пайызга көбөйтүү пландалууда", — деди Арпачиев.

Аткаминер 2020-жылы Токиодо өтө турган жайкы олимпиада оюндарына приоритеттүү деп табылган 13 спорт түрүнөн жалпы 21 лицензия алууну пландашканын айтып, азырынча беш жолдомо бар экенин кошумчалады.

92
Белгилер:
бюджет, спорт
Тема:
2020-жылы Токиодо өтө турган Олимпиада оюндары (37)
Тема боюнча
Аманбеков: кикбокстан профессионалдар арасындагы мелдешке чыксам дейм
Саясат таануучу, Пикир регионалдык эксперттер клубунун тең төрагасы Шерадил Бактыгулов

Бактыгулов: шайлоону жылдырууга мыйзам жол бербейт

43
Саясат таануучу, "Пикир" регионалдык эксперттер клубунун тең төрагасы Шерадил Бактыгулов мыйзам боюнча шайлоо президенттин жарлыгы чыкпаса деле автоматтык түрдө дайындала турганын айтты.
Бактыгулов: шайлоону жылдырууга мыйзам жол бербейт

Шайлоону жылдырууга мыйзам жол бербейт. Эгерде мыйзамды бузуу менен шайлоо өткөрсөк, кийинки чакырылыш легитимсиз болуп калышы ыктымал. Бул тууралуу Шерадил Бактыгулов Sputnik Кыргызстан радиосуна маек куруп жатып билдирди.

Анын айтымында, 4-октябрга чейин эпидемиологиялык абал кандай боло турганы белгисиз.

Күздө өтчү шайлоодо 44 партия ат салышмай болду. Тизме

"Учурда коомчулукта "эмнеге 4-октябрга шайлоо дайындалды" деген кептер айтылып жатат. Шайлоону дайындоо Конституциялык мыйзам менен бекитилген. Анда "Жогорку Кеңешке кезектеги шайлоо Президент тарабынан добуш берүү күнүнө 100 календардык күн калгандан эрте эмес жана 90 күндөн кеч эмес дайындалат" деп турат. Эмне үчүн 4-октябрь дегенде, мыйзам боюнча эсептеп келгенде ушул датага туш келет. Демек, бул президенттин жеке каалоосу эмес. Баарыбыз бийликти мыйзам чегинде иштешин талап кылып келебиз. Бирок учурда шайлоону жылдыруу керек деп, бийликти мыйзам бузууга түртүп жатабыз. Бул жерде эң негизги маселе легитимдүүлүк. Эгерде мыйзам бузуу менен шайлоо өткөрсөк, кийинки чакырылыштын кабыл алган долбоорлору мыйзамсыз болуп, саясий кризиске туш келип калышыбыз ыктымал. Ченемдик укуктук актылардын юридикалык күчү боюнча биринчи Конституция, андан кийин Конституциялык мыйзам, анан кодекс, мындан соң мыйзам, анан барып президенттин жарлыгы", — деди Бактыгулов.

Ошондой эле ал шайлоону жылдыруунун мыйзамдуу жолу "өзгөчө абал" киргизүү, бирок анда шайлоо эпидемиянын экинчи толкунуна туш болуп калышы ыктымал экендигин кошумчалады.

43
Белгилер:
эпидемия, абал, мыйзам, шайлоо, Шерадил Бактыгулов
Тема боюнча
БШК: шайлоого кетчү каражат болушунча кыскартылат
Билим берүү жана илим министринин орун басары Надира Жусупбекова

Жусупбекова: ЖРТ тапшырбай калгандарга дагы бир мүмкүнчүлүк берилет

35
Билим берүү жана илим министринин орун басары Надира Жусупбекова ЖРТнын босого баллынан ашкандар 60 пайызга чейин көбөйүп калганын айтты.
Жусупбекова: ЖРТ тапшырбай калгандарга дагы бир мүмкүнчүлүк берилет

13-19-июль аралыгында жалпы республикалык тестирлөөнүн жыйынтыгы чыгат. Ал эми 20-июлдан тарта ЖОЖго онлайн кабыл алуу башталат. Бул тууралуу Надира Жусупбекова Sputnik Кыргызстан радиосуна маек куруп жатып билдирди.

Анын айтымында, ЖРТ тапшырууга кечигип же кандайдыр бир себептер менен тапшырбай калгандарга дагы мүмкүнчүлүк берилет.

Абитуриент ЖОЖго кантип онлайн тапшырат? 7 суроого жооп

"Статистика боюнча жылына 40 миңден ашуун абитуриент жалпы республикалык тестирлөөдөн өтөт. Алардын ичинен 110 баллдан көп алгандар окууга тапшыра алышат. Бирок ЖРТнын сертификаты милдеттүү эмес болгон ЖОЖдор бар. Алар искусство жана дене тарбия тармагы. Ошондой эле колледж, орто кесиптик окуу жайларга дагы кереги жок. Учурда ЖРТнын эки туру тең жыйынтыкталды. Анткен менен ага кайсы бир себептер менен катыша албай калгандар 13-июлда жалпы, 14-июлда предметтик тест тапшырууга мүмкүнчүлүк алат. Булардын саны аз эле болгондуктан Бишкек жана Ош шаарларында өткөрүлөт. 13-19-июль аралыгында ЖРТнын жыйынтыктары белгилүү болуп, ошондон кийин босого баллдан өткөн абитуриенттер ЖОЖго тапшырууга мүмкүнчүлүк алат. Быйыл кабыл алуу онлайн жүргүзүлөт. Ал үчүн атайын платформа иштелип чыкты. Учурда бүтүрүүчүлөрдүн баары аралыктан тапшырууга мүмкүнчүлүк алуусу үчүн даярдыктар көрүлүп жатат", — деди Жусупбекова.

Ошондой эле ал колледждерге кабыл алуу 13-июлдан баштала турганын айтып, ал үчүн дагы өзүнчө платформа иштеп жатканын кошумчалады.

35
Белгилер:
ЖРТ, окуу жай, бүтүрүүчү, билим берүү, Надира Жусупбекова
Тема боюнча
ЖРТ тапшыра албай калгандарга дагы бир мүмкүнчүлүк берилди. Жол-жобосу

COVID-19дун белгилери байкалган тааныш же туугандарыңыз барбы?

0
0