Драматург жана театр таануучу Жаныш Кулманбетов

Кулманбетов: Кыдыкеева, Күйүкова, Рыскулов тубаса таланттар эле

54
(жаңыланган 11:38 29.12.2019)
Драматург жана театр таануучу Жаныш Кулманбетов кыргыз театрынын жана кинематографиясынын тарыхындагы бир топ залкар актёрлор эл ичинен чыккан тубаса таланттар болгонун айтты.
Кулманбетов: Кыдыкеева, Күйүкова, Рыскулов тубаса таланттар эле

Театр жылдыздары Бакен Кыдыкеева менен Даркүл Күйүкованын болгону жети эле класс билими болсо, Муратбек Рыскулов мектепте 3-класска чейин эле окуган. Бирок ага карабастан алар теңир даарыган таланты менен театр сахнасын багындырып, өз кесибинин корифейлерине айланышкан. Бул тууралуу Жаныш Кулманбетов Sputnik Кыргызстан радиосуна маек куруп жатып билдирди.

Анын айтымында, бүгүнкү күндө актёрлор атайын театралдык окуу жайлардан билим алып, өз кесиби менен профессионалдык деңгээлде алектенип келишет.

"Кыргыз маданиятынын тарыхында бир катар таланттуу артисттер атайылап театралдык окуу жайлардан билим алып, актёрлук чеберчиликке үйрөнбөй эле тубаса таланты менен театр жана кино жылдыздарына айланышкан. Мисалы, актёрлук кесиптин корифейи Бакен Кыдыкеева жети эле класстык билими менен секелек кезинде театр дүйнөсүнө сүңгүп кирип, башкы ролдорду жаратуу менен бүтүндөй өлкөгө таанылган. Ошол эле айтылуу Даркүл Күйүкова дагы болгону 7-классты аяктап, жаш көрүүчүлөр театрынын алгачкы актрисасы болуп, кийин Советтер Союзуна атагы чыккан артисттердин бири болду. Ал эми Муратбек Рыскулов үч эле класстык билими менен жаш кезинде малчылык менен алектенип жүрүп, алгачкы ирет 40 жашында театр босогосун аттаган. Бирок ага карабастан улуу актёр Советтер Союзунун эл артисти болуп, Кыргыз ССРинин Токтогул атындагы мамлекеттик сыйлыгына чейин жеткен", — деди Кулманбетов.

Драматург азыр дагы калк ичинен ачыла элек таланттарды табуу үчүн акыркы беш жылдан бери студенттер арасында "Жаңы ысымдар" аталышындагы ачык театр фестивалы өткөрүлүп келерин кошумчалады.

54
Белгилер:
талант, театр, Жаныш Кулманбетов
Тема боюнча
Келдибек Ниязов Таттыбүбү Турсунбаеванын эл билбеген талантын эскерди
Башталгыч кесиптик билим берүү башкармалыгынын башчысы Бектур Ибрагимов. Архив

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

32
(жаңыланган 12:37 13.06.2021)
Башталгыч кесиптик билим берүү башкармалыгынын башчысы Бектур Ибрагимов орто мектепти бүтүргөн окуучулардын 10-15 пайызы чет жакка иштөөгө аттанарын айтты.

Ата-энелердин көпчүлүгү эле балдарынын жогорку билим алуусуна умтулат. Эгер юрист же экономист тууганы болсо, өз перзентин да ошол кесипти аркалоого үндөшөт. Ошол эле учурда баланын кызыгуусун көп деле эске ала беришпейт. Бул тууралуу Бектур Ибрагимов Sputnik Кыргызстан радиосунун эфиринде маек куруп жатып билдирди.

Ибрагимов: бүтүрүүчүлөрдүн 10-15%ы дароо эмгек миграциясына кетүүдө

Анын айтымында, эмгек миграциясына чыгардан мурда кесиптик окууларды бүтүрүп алуу маданиятын жайылтуу зарыл.

"Өлкөдө соңку жылдары кесиптик билим берүү бир аз колго алына баштады. Ошого карабай балдарынын жогорку билим алуусуна тырышкан ата-энелер көп. Алар бүтүрүүчүнүн ой-кыялдарына көп учурда көңүл деле бурушпайт. Жыйынтыгында бала окууну аягына чыгарбай таштап коет же башка факультеттерге которулуп кетет. Ошондуктан башынан эле бала менен сүйлөшүп, тескерисинче, аны кайсы бир кесиптин ээси болуп алууга үндөө керек. Өзгөчө азыр көп талап кылынган фермер, тигүүчү, ширетүүчү, крановщик, ашпозчу, куруучу жана башка ушул сыяктуу. Бул кесиптер чет мамлекетке чыкса да жумуш таап кетишине көмөкчү боло алат. Андан кийин эгер баланын каалоосу болсо, жогорку билим алса болот", — деди Ибрагимов.

Подкасттын толук вариантын видеодон көрүңүз:

32
Белгилер:
Бектур Ибрагимов, кеңеш, тандоо, кесип, бүтүрүүчү
Тема боюнча
Мурзаев: адам максатты туура кое билсе өнүгөт
Балык чарба департаментинин директорунун орун басары Маил Алиаскаров. Архив

Алиаскаров: былтыр ЕАЭБге 3 158 тонна балык экспорттолду

32
(жаңыланган 12:31 13.06.2021)
Балык чарба департаментинин директорунун орун басары Маил Алиаскаров Кыргызстандан балык эң көп көлөмдө ЕАЭБ өлкөлөрүнө сатыларын айтты.

Кыргызстандын климаты балык өндүрүүгө абдан ыңгайлуу келгендиктен бул багытта соңку жылдары жакшы өзгөрүүлөр бар. Атап айтсак, акыркы 17 жылдын ичинде эле өндүрүштүн көлөмү 50 тоннандан 5 140 тоннага жетти. Башкача айтканда, 100 пайыздан көбүрөк өлчөмгө өстү. Бул тууралуу Маил Алиаскаров Sputnik Кыргызстан радиосунун эфиринде маек куруп жатып билдирди.

Алиаскаров: былтыр ЕАЭБге 3 158 тонна балык экспорттолду

Анын айтымында, өлкөдө көбүнесе кубулма (радужная форель — ред.) форель балыктары өстүрүлөт.

"2020-жылы Кыргызстан ЕАЭБ өлкөлөрүнө 3 158 тонна балык экспорттоду. Басымдуу бөлүгү Россия жана Казакстанга кетти. Ошондой эле 400 килограммды Араб Эмирлигине жибердик. Бизде көбүнесе кубулма балыгы өстүрүлгөндүктөн, алардын ар бир даанасынын наркы 300 сомдон кем болбойт. Ошондуктан былтыр жалпы суммасы 11 миллион 278 миң 571 долларга балык саттык. ЕАЭБ өлкөлөрүнө мындан да көп көлөмдө экспорттоого мүмкүнчүлүк бар", — деди Алиаскаров.

Ал Литвага да көп эмес көлөмдө Кыргызстандан балык чыгарылып турарын кошумчалады.

32
Белгилер:
экспорт, Евразиялык экономикалык биримдик, балык, Маил Алиаскаров
Тема:
ЕАЭБдеги Кыргызстан
Тема боюнча
Алиаскаров: Кыргызстан балык өстүрүүгө ыңгайлуу өлкө
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот