Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: июлдан тарта АЗСтер электрондук программа орнотушу керек

66
(жаңыланган 16:14 13.01.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков 2019-жылдан тарта аталган мекеме бир катар кызматтарды электрондук түрдө көрсөтүүгө өткөндүгүн айтты.
Сазыков: июлдан тарта АЗСтер электрондук программа орнотушу керек

Электрондук эсеп-фактураларды өткөн жылдын декабрь айында 43 компания колдонуп жаткан болсо, учурда алардын саны 503кө жетти. Бул тууралуу Мамлекеттик салык кызматынын маалыматтык камсыздоо жана мамлекеттик тил бөлүмүнүн башчысы Эркин Сазыков Sputnik Кыргызстан радиосуна маек берип жатып маалымдады.

Анын айтымында, учурда электрондоштуруу жаатында салык төлөөчүлөргө ыңгайлуу шарттарды түзүү максатында салыктык жол-жоболорду фискалдаштыруу боюнча ири долбоор иштеп жатат.

"Өткөн жылдын 1-июлунан тартып кошумча нарк салыгын төлөөчүлөр, товарларды импорттоочулар жана экспорттоочулар милдеттүү негизде электрондук түрдө отчетторду берүүгө өтүшкөн. Анын алкагында электрондук кол тамганы колдонуу ишке ашырылган. Мындан тышкары, электрондук эсеп-фактураларды колдонуу боюнча сынамык долбоор иштеп жатат. Бул долбоорго декабрда 43 компания кошулган болсо, январь айында алардын саны 503кө жетти. Анткени 2020-жылдын 1-апрелинен тартып бардык кошумча нарк салыгын төлөөчүлөр, товарларды импорттоочулар жана экспорттоочулар милдеттүү негизде электрондук эсеп-фактураларды колдоно башташат. Учурда бул багытта системалык кемчиликтерди оңдоп-түзөп жатабыз. Ошондой эле 2020-жылдын 1-июлунан тартып бардык май куюучу станциялар электрондоштурулат. Башкача айтканда, аталган станциялар атайын электрондук программаларды киргизүүгө милдеттүү. Аталган программа контрафактылык май колдонууга бөгөт коет деген ойдобуз", — деди Сазыков.

Ал электрондук кызматтар борбор калаада эле жеткиликтүү болбостон, аймактарда дагы жолго салынгандыгын кошумчалады.

66
Белгилер:
патент, салык, Эркин Сазыков
Тема боюнча
Салык кызматы бир жылда 38 миң патентти онлайн түрүндө берди
Өрт өчүрүү жана алдын алуу башкармалыгынын башчысынын орун басары майор Азиз Бейшекеев. Архивдик сүрөт

Бейшекеев: сууктун түшүшү менен өрт кырсыктары күч алууда

15
(жаңыланган 16:59 05.12.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев ушул жылдын 10 айынын жыйынтыгы менен республика боюнча өрт 38,9 пайызга аз катталганын маалымдады.
Бейшекеев: сууктун түшүшү менен өрт кырсыктары күч алууда

Бул жылы өлкө боюнча 2 045 өрт кырсыгы катталган, бирок кыштын келиши менен күч алып жатканы байкалууда. Бул тууралуу Азиз Бейшекеев Sputnik Кыргызстан радиосуна маек берип жатып билдирди.

Анын айтымында, өрттүн чыгуусуна көбүнчө адамдык фактор таасирин тийгизип жатат.

"2020-жылдын 10 айынын жыйынтыгы боюнча статистикага токтоло турган болсок, республика боюнча 2045 өрт кырсыгы катталган. Бул былтыркыга салыштырмалуу 38,9 пайызга азайганын айгинелейт. Ал эми келтирилген материалдык чыгымдын көлөмү 473 миллион сомдон ашканы менен өткөн жылга салыштырмалуу 39 пайызга азайганынан кабар берүүдө. Бирок сууктун түшүшү менен өрт кырсыктары көбөйө баштаганы байкалууда. Күз-кыш мезгилинин келиши менен от жагуу, электр жабдыктарды колдонуудан улам бир суткада республика ичинде 20-25 өрт кырсыгы катталууда", — деди Бейшекеев.

Ал өрттүн алдын алуу максатында түшүндүрүү иштери байма-бай жүргүзүлө турганын кошумчалады.

15
Белгилер:
Кыргызстан, кыш, өрт
Тема боюнча
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү
Кыргызгидрометтин атмосфералык абанын булгануусун байкоо бөлүмүнүн башчысы Бегайым Алипова

Алипова: Бишкекте абанын булгануусун текшерген 50 жаңы датчик орнотулат

14
Кыргызгидрометтин атмосфералык абанын булгануусун байкоо бөлүмүнүн башчысы Бегайым Алипова Бишкекте мезгилге карабастан атмосферанын булганышы дайыма нормадан ашык болорун айтты.
Алипова: Бишкекте абанын булгануусун текшерген 50 жаңы датчик орнотулат

Алматы — Бишкек экономикалык коридорунун алкагында Кыргызгидромет Азия өнүктүрүү банкы менен меморандум түздү. Ага ылайык, Бишкектин бардык аймагында абанын булгануусун текшерген 50 жаңы датчик орнотулганы жатат. Долбоор ушул жылдын аягына чейин ишке ашып калат деген үмүттөбүз. Бул тууралуу Бегайым Алипова Sputnik Кыргызстан радиосунун эфиринде маек куруп жатып билдирди.

Анын айтымында, Бишкекте жаан жаап, катуу шамал болгондо атмосферада кармалган кир заттар таркап, аба тазара түшөт.

"ӨКМдин алдындагы Гидрометеорология агенттиги 1970-жылдан бери атмосферанын булгануусуна байкоо жүргүзүп келет. Азыркы учурда абанын нормасын текшерген жети стационардык станция Бишкек шаарынын ар кайсы жеринде жана бир автоматтык станция шаардын түштүк-батышында жайгашкан. Борборубузда абанын булганышы мезгилге карабастан дайыма нормадан ашык болуп келет. Бирок кышында атмосфера андан да көбүрөөк булганат. Мисалы, айдын башында кирдетүүчү заттардын орточо 1,5-5 эсе суткалык нормадан жогору болгонун байкадык. Негизи абанын булганышына байкоо Кыргызстандын беш шаарында жүргүзүлөт. Анын ичинен эң кири — борбор калаабыз. Ал эми калаанын чок ортосунун абасы өтө кир. Биздин изилдөөлөрдү мамлекеттик муниципалдык жана башка мекемелерге таратабыз. Ушул жылдын күз мезгилинен баштап тесттик режимде абанын булганышын божомолдоо аракеттери көрүлүп баштаган. Азыр синоптиктерибиз күндүн табы, шамалдын ылдамдыгынан сырткары күн сайын абанын тазалыгы тууралуу да маалымат берип жатышат", — деди Алипова.

Ал meteo.kg сайтына атмосферанын булганышы боюнча маалымат күнүгө саат 10.00дө жана 16:00дө чыгып турарын кошумчалады.

14
Белгилер:
булгануу, аба, Кыргызгидромет
Тема боюнча
Фотофакт: өпкө илдетин чакырган Бишкектин кир абасы
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

0
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

0
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео