Бишкек автоунаа токтотуучу жайлары муниципалдык ишканасынын директору Ислам Момоконов. Архив

Момоконов: унаа токтотчу жайлардын операторлору авто үчүн жооптуу эмес

55
(жаңыланган 13:40 16.01.2020)
"Бишкек автоунаа токтотуучу жайлары" ишканасынын директору Ислам Момоконов жол жээктериндеги калаа жетекчилигине таандык унаа коюучу жайлардын операторлору (парковщиктер) автокөлүктөрдү туура койгонго көмөктөшүп, унаа ээлеринен акы алууга гана милдеттүү экенин айтты.
Момоконов: унаа токтотчу жайлардын операторлору авто үчүн жооптуу эмес

Унаа токтотуучу жайлардын операторлору машинанын коопсуздугуна жооптуу эмес. Бул тууралуу Ислам Момоконов Sputnik Кыргызстан радиосуна маек куруп жатып билдирди.

Анын айтымында, акы алынуучу бардык муниципалдык автоунаа токтотуучу жайларда тийиштүү квитанция берилет. Муну айдоочулар унаа коюучу жайлардын операторлорунан талап кылуусу керек.

"Автоунаа токтотуучу жайлардын эки түрү болот. Биринчиси жол четиндеги унаа коюучу жайлар болсо, экинчиси кароолчусу бар унаа токтоткон жерлер (автостоянка). Атайын унааны кайтарган кишиси бар жайларда машинанын коопсуздугу тескелип, тийиштүү кызмат үчүн акы алынат. Ал эми көчөлөрдө жайгашкан муниципалдык унаа токтотуучу жайлардын операторлору (парковщиктер) автокөлүктөрдү туура койгонго жардам берип, унаа ээлеринен акы алууга гана милдеттүү. Машина үчүн алар жооп бербейт. Муну айрым айдоочулар туура эмес түшүнүп, акы төлөнсө эле унаа үчүн да жооп берүүсү керек деп ойлошот. Бул түшүнбөстүктөрдү жокко чыгарып, акы чогултууда ачык-айкындуулук болуусу үчүн үстүбүздөгү жылы автоматташтырылган системаны киргизели деп жатабыз. Ал ишке ашса, бардык төлөмдөр электрондук түрдө жүргүзүлө баштайт", — деди Момоконов.

Аткаминер муниципалдык унаа токтотуучу жайларда кандайдыр бир мыйзам бузуу болуп же операторлор (парковщиктер) өз милдетин так аткарбай жатса, жарандар "Бишкек автоунаа токтотуучу жайлары" ишканасына дароо кайрылса болорун кошумчалады.

55
Белгилер:
милдет, оператор, унаа токтотуучу жай, унаа
Тема боюнча
Бишкектеги акы алган автоунаа токтотуучу жайлар: тариф, өзгөрүү, пландар
Экономист Нургүл Акимова

Акимова: соттор бюджетти толтурууга өбөлгө түзөбүз деп адилетсиз чечим чыгарат

23
Экономист Нургүл Акимова учурдагы экономикалык кризистен чыгуу үчүн саясий туруктуулук камсыздалышы зарыл экендигин белгиледи.
Акимова: соттор бюджетти толтурууга өбөлгө түзөбүз деп адилетсиз чечим чыгарат

Мамлекеттик органдар ишкерлерди сотко берсе, көп учурда чечим ишкердин пайдасына чечилбейт. Себеби соттор мамлекеттик бюджетти толтурууга өбөлгө түзүшүбүз керек деген ниетте адилетсиз чечим чыгарып коюусу ыктымал. Бул тууралуу Нургүл Акимова Sputnik Кыргызстан радиосуна маек куруп жатып билдирди.

Анын айтымында, экономиканы калыбына келтирүү үчүн жумуш орундары түзүлүп, инвестициялык климат жакшырышы керек.

"Салык төлөөчүлөр жеке менчик ишканалардын ичинде бардык салыктарды төлөп, ак ниет иштегендери менен кошо эле жашырынып, көмүскө иш алып баргандары да жок эмес. Бирок мамлекет өзү кызыктай "парадоксторду" жаратат. Алсак, салык, бажы жана башка мамлекеттик көзөмөл кылуучу органдарга план коюшат. Планды аткаруу үчүн алар туура эле иш алып барып жаткан ишкерлерди кысымга алышат. Албетте, алар деле бюджетти толтуруу менен мамлекетке пайда алып келүү максатын көздөйт. Ошондой эле эгерде мамлекеттик органдар ишкерлерди сотко берсе, көп учурда чечим ишкердин пайдасына чечилбейт. Себеби соттор дагы мамлекеттик бюджетти толтурууга өбөлгө түзүшүбүз керек деген ниетте адилетсиз чечим чыгарып коюусу ыктымал. А чынында бул өлкөгө зыянын тийгизбей койбойт. Себеби ишкер банкрот болсо бюджетке эч кандай каражат төлөбөгөнү аз келгенсип, жумуш орундары дагы азаят. Ошондуктан экономиканы көтөрүү үчүн бизнес тармагында соттор адилеттүү иш алып баруусу зарыл", — деди Акимова.

Экономист жергиликтүү ишканаларды сактап калууга бардык мамлекеттик органдар кам көрүшү керектигин кошумчалады.

23
Белгилер:
сот, ишкер, экономика, Нургүл Акимова
Тема боюнча
Кыргызстанга кандай инвестициялар тартыла турганы айтылды
Чемпион футболдук академиянын жетекчиси, машыктыруучу Эр-Улан Абдыкеримов

Абдыкеримов: кыргыздын менталитети спорттук ийгиликтерди жаратууда чоң роль ойнойт

25
(жаңыланган 18:30 24.01.2021)
"Чемпион" футболдук академиянын жетекчиси, машыктыруучу Эр-Улан Абдыкеримов Кыргызстан чет элдик футболдук академиялардан керектүү моделди алса болорун айтты.
Абдыкеримов: кыргыздын менталитети спорттук ийгиликтерди жаратууда чоң роль ойнойт

Көп өлкөлөрдүн академияларынын иш-тажрыйбасын байкап көрүп, өзүбүздүн руханий баалуулуктарга карата колдонсок жакшы болот. Мындай ойду Эр-Улан Абдыкеримов Sputnik Кыргызстан радиосунун эфиринде маек куруп жатып билдирди.

Анын айтымында, футболдук академиялар балдарды машыктырууда комплекстүү кадамдарга багыт алышы керек.

"Милдеттүү түрдө биздин багытыбыз болушу керек. Ийгиликтүү футболдук клубдардын тажрыйбасына таянып, моделин алсак болот. Бирок өзүбүздүн география, менталитетибиз спорттук ийгиликтерди жаратууда чоң роль ойнойт," — деди Абдыкеримов.

Ошондой эле машыктыруучу улуттук курама команданын акыркы жылдардагы жетишкендиги футболдун өнүгүшүнө жол ачканын кошумчалады.

25
Белгилер:
менталитет, академия, футбол
Тема боюнча
Эшенов: футболду өнүктүрүүдө көйгөйлөр көп
Тоолордогу аттар. Архив

Дүйшөмбүгө карата аба ырайы

0
25-январда жаап өткөн жаан-чачынга байланыштуу Кыргызстандын тоолуу райондорунда кар көчкү түшүүcү мүмкүн. Жолдорго муз тоңуп, тайгак болот.

БИШКЕК, 24-янв. — Sputnik. Дүйшөмбү, 25-январда, республика боюнча күн ачык болот. Батыштан соккон шамалдын ылдамдыгы секундасына 4-9 метрге жетет. Мындай маалыматты Кыргызгидромет таратты. Абанын температурасы Чүй, Ысык-Көл аймактарында -1...-6 градус, Таласта 0...-5 градус болмокчу.  Ош, Жалал-Абад жана Баткен облустарында абанын жылышы байкалып, термометр -1...+4 градусту көрсөтөт. Ал эми Нарын өрөөнүндө -5...-10 градус болот. 

Бишкек жана Ош шаарларында жаан-чачын күтүлбөйт. Синоптиктер борбор калаада -1...-3, түштүк борбордо  +1...+3 градус болорун айтышты.

0
Белгилер:
Кыргызстан, январь, аба ырайы
Тема боюнча
Күн жылый баштайт. Бир жумага карата аба ырайы