Тышкы иштер министрлигине караштуу Консулдук иштер департаментинин директорунун орун басары Бактияр Шакиров. Архив

Шакиров: чет өлкөлүк кудалар үчүн атайын виза иштелип чыкты

50
(жаңыланган 13:54 16.01.2020)
Тышкы иштер министрлигине караштуу Консулдук иштер департаментинин директорунун орун басары Бактияр Шакиров Кыргызстанга келүүнү каалаган чет өлкөлүк конокторго виза берүү шарттары жеңилдетилгенин айтты.
Шакиров: чет өлкөлүк кудалар үчүн атайын виза иштелип чыкты

Чет өлкөлүк куда-сөөктөр үчүн атайын "Туугандар визасы" иштелип чыкты. Бул тууралуу Бактияр Шакиров Sputnik Кыргызстан радиосуна маек куруп жатып билдирди.

Анын айтымында, визанын бул түрү бир жылга берилет.

"Ааламдашуу доорунда кыргыздар дүйнөнүн ар бурчуна кетип, отурукташып да калышууда. Алар ошол жактын жарандыгын алып, Кыргызстанга келгенде расмий түрдө чет өлкөлүк болуп эсептелишет. Ошондой эле кыргыз жаранына турмушка чыккан же кыргыз кызына үйлөнгөн чет өлкөлүктөрдүн да саны жыл санап өсүүдө. Алар да бул жактагы тууган-уругу менен карым-катнашта болгусу келет. Мына ушундай чет элдик коноктор үчүн Тышкы иштер министрлиги жаңы үлгүдөгү "Туугандар визасын" иштеп чыкты. Ал туура бир жылга берилет жана аны жыл сайын узартууга мүмкүн болот. Аталган визаны алуу үчүн Кыргызстанда туугандары бар жана КР жаранына үйлөнгөн же турмушка чыккан чет өлкөлүк туугандар ортосундагы жакындыкты тастыктаган документтерди бизге жөнөтүшү керек. Биз аны беш күндүн ичинде карап чыгып, тийиштүү жообун беребиз", — деди Шакиров.

Аткаминер виза берүү процедурасы 2017-жылы электрондук системага өткөндөн баштап 2020-жылга дейре Кыргызстанга келүүнү каалаган 55 миң чет өлкөлүк мейманга виза берилгенин кошумчалады.

50
Белгилер:
мыйзам, чет өлкө, виза, туугандар
Тема боюнча
Шакиров: туристтер үйдөн чыкпастан беш күндүн ичинде виза алса болот
Юридикалык клиникалар ассоциациясынын жетекчиси, илимдин кандидаты Артур Бакиров. Архив

Аткаминерди убадасын аткарууга кантип мажбурласа болот? Юристтин жообу

42
(жаңыланган 14:20 08.03.2021)
Юридикалык клиникалар ассоциациясынын жетекчиси, илимдин кандидаты Артур Бакиров аткаминерлер тарабынан берилген убада анын компетенциясына кирер-кирбесин алгач аныктап алууну сунуштады.

Мамлекеттик кызматтагы адам убадасын аткарбай жатса сотко арыз менен кайрылууга болот. Бул тууралуу Артур Бакиров Sputnik Кыргызстан радиосуна маек куруп жатып билдирди.

Аткаминерди убадасын аткарууга кантип мажбурласа болот? Юристтин жообу

Анын айтымында, талаптар менен кайрылуулар жазуу түрүндө болушу шарт.

"Берилген убада аткаминердин милдетине кирсе жана тийиштүү чечимдер ал тарабынан кабыл алынса, аны аткарууну талап кылса болот. Убаданы аткартуу үчүн алгач анын өзүнө кат менен кайрылуу керек. Ал баш тарткан учурда андан жогору турган кызмат адамына же органга кайрылуу шарт. Эгерде эч кандай реакция болбосо, административдик сотко арыз жазуу керек. Мындан тышкары, сиздер кайрылган кызмат адамы же органдын чечимдери менен макул болбосоңуз, сотко арызданууга болот", — деди Бакиров.

Юрист саясий партиялардын, депутаттыкка же президенттикке талапкерлер берген убадаларын аткарбаса аларга чара көрүү мүмкүн эместигин белгиледи. Анын айтымында, бул ошол адамдын моралдык гана жоопкерчилиги болуп калат.

42
Белгилер:
убада, чиновник, юрист, Артур Бакиров
Тема боюнча
Айдоочу орой мамиле кылса эмне кылуу керек? Юристтин кеңеши
Психолог Айдана Абакова. Архив

Абакова: үй-бүлөдө эркек бала менен кызга эки бөлөк мамиле кылган туура эмес

19
(жаңыланган 14:18 08.03.2021)
Психолог Айдана Абакова аялдын же эркектин психологиясы деп бөлүп кароо туура эместигин айтты.

Үй-бүлөдөгү зордук-зомбулуктун тамыры тарбияда жатат. Мындай пикирин Айдана Абакова Sputnik Кыргызстан радиосуна маек куруп жатып билдирди.

Абакова: үй-бүлөдө эркек бала менен кызга эки бөлөк мамиле кылган туура эмес

Анын айтымында, ата-энелер кызы менен эркек баласына эки бөлөк мамиле кылганы туура эмес.

"Коомдогу зордук-зомбулуктун тамыры тарбияга келип такалат. Үй-бүлөдө эч убакта кызды эркектен же тескерисинче, уул баланы кызынан артык көрүп тарбиялоо болбойт. Мындай көрүнүш өзгөчө көп кыздуу, жалгыз же уулу аз үй-бүлөлөрдө байкалат. Ата-эненин мындай тарбиясы кыздарына да, уулдарына да пайда алып келбейт. Албетте, кара жумуш же оор иштерди эркек балага жасатып, үйдөгү майда нерселерге кыздарды жумшаган туура. Бирок эч убакта аларга "сен кыз болгонуң үчүн муну жасабашың керек" же тескерисинче, "сен эркек болгонуң үчүн тигинден баш тартышың керек" деген чектөө койгонго болбойт. Сен жеке ою бар адамсың, деп берилген тарбия гана балдардын талант, шыгын кенен ачып, келечекте өз жолун татыктуу таап кеткенге көмөкчү болот. Бул жерде феминизм болушу шарт. Феминизмди, тилекке каршы, аялдардын укук талашуусу катары түшүнүп келебиз, бирок ал тең укуктуулук дегенди эле түшүндүрөт", — деди Абакова.

Психолог кыздар өздөрү да "аялзаты болгонум үчүн мага болбойт" деген сыяктуу чектөөлөрдөн арылышы зарылдыгын кошумчалады.

19
Белгилер:
укук, эркек, кыз, психолог, Айдана Абакова
Тема боюнча
Психолог: эгоизм менен эгоцентризмди айырмалай билүү керек
Бишкек шаары. Архив

Шейшембиге карата аба ырайы

0
9-мартка караган түнү кээ бир райондордо жаан, тоолуу райондордо кар жаашы ыктымал. Ош, Жалал-Абад, Баткен облустарында күн ачык болот.

БИШКЕК, 8-мар. — Sputnik. Шейшемби, 9-март күнү, өлкө аймагында жаан-чачын күтүлбөйт. Бул тууралуу Кыргызгидромет кабарлады.

Маалыматка ылайык, батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас өрөөндөрүндө +12...+17, Ош, Жалал-Абад, Баткен облустарында +14...+19, Ысык-Көл жергесинде +6...+11, ал эми Нарын аймагында +4...+9 градус болору айтылды.

Күндүн табы Бишкек шаарында +15...+17 жана Ош калаасында +16...+18 градуска чейин көтөрүлөт.

0
Белгилер:
аба ырайы, Кыргызстан
Тема боюнча
Күн жылып, кайра муздайт. Бир жумага карата аба ырайы