ЖИА бизнес-ассоциациясынын өкүлү, курулуш компанияларынын биринин архитектору Темиркан Атабаев

Атабаев: курулуш тармагында уруксат кагаздарын алуу көйгөй жаратууда

73
ЖИА бизнес-ассоциациясынын өкүлү, курулуш компанияларынын биринин архитектору Темиркан Атабаев курулуш канчалык көп жүрсө, өлкөнүн экономикасы ошончолук өсүп жатканын билдире турганын айтты.
Атабаев: курулуш тармагында уруксат кагаздарын алуу көйгөй жаратууда 68/90

Курулуш тармагында кагаз иштери көйгөй жаратып, формалсыз төлөмдөрдү жасоого мажбур кылууда. Бул тууралуу Темиркан Атабаев Sputnik Кыргызстан радиосунун "Ачык кеп" программасында маек куруп жатып билдирди.

"Курулуш — экономиканын индикатору. Ал канчалык көп жүрсө, өлкө ошончолук өнүгүп жатат дегендик. Долбоорлоо, куруу иштери этап-этабы менен жүргүзүлсө, тез эле бүтүрсө болот. Бирок уруксат алуу, кагаз иштерин бүткөрүү татаал болуп жатат. Кандай иш болбосун, долбоордон башталат. Эскизи чийилип, андан кийин архитектурадан долбоор жасаганга уруксат алынат. Буга орто эсеп менен бир аптадан үч айга чейин убакыт кетет. Ал эми учурда архитектура, электр энергиясы, газ, сууга кошулууну аталган кызматтарды көрсөткөн мекемелер атайын создуктуруп, курулуш компанияларын мыйзамга каршы келген аракеттерге барууга мажбур кылышууда", — деди Атабаев.

Ошондой эле ал өлкөдө курулуш тармагында мыкты адистер бар экендигин кошумчалады.

73
Белгилер:
долбоорлор, көйгөй, курулуш
Тема боюнча
Бишкек мэри Капиталдык курулуш башкармалыгынын жетекчисин иштен айдады
Улуттук энергохолдингдин көз карандысыз серепчиси Чоробай Акунов. Архив

Акунов: суу сатылып жатат деген маалымат жалган

18
(жаңыланган 12:53 10.08.2020)
Улуттук энергохолдингдин көз карандысыз серепчиси Чоробай Акунов альтернативдик булактардан энергия алууну жолго салуу шарт экенин айтты.
Акунов: суу сатылып жатат деген маалымат жалган

Суунун аздыгы көйгөй жаратпашы үчүн кошумча кубаттуулук болушу зарыл. Ал үчүн Камбар-Ата-1 ГЭСинин курулушун тез арада бүтүрүү керек. Бул тууралуу Чоробай Акунов Sputnik Кыргызстан радиосуна маек куруп жатып билдирди.

Анын айтымында, өлкөдө электр энергиясына болгон муктаждык жыл санап өсүп жатат.

Тынчсыздануу бар. Быйыл Токтогул суу сактагычында суу тартыш болору айтылды

"Өлкөдө суу аз келип калган учурлар болот. Кээде жакшы агып келип, көлөмү көбөйүшү ыктымал. Быйыл дагы суу аз келген убакка туш келип турабыз. Анан эле энергетиктер суу сатып жатышат деген сөздөр чыгат. Чындыгында мындай болушу мүмкүн эмес. Себеби сууну жаңы түзүлгөн Суу ресурстары боюнча мамлекеттик агенттик көзөмөлдөйт. Ошондуктан суу сатылып жатат деген маалымат фейк. Суунун тартыштыгы маселе жаратпашы үчүн Камбар-Ата-1 ГЭСин тез арада куруу зарыл. Мындан тышкары, альтернативдик булактардан энергия алууну жолго салуу шарт. Ошондо өлкөдө суунун азайып-көбөйүүсү көйгөй жаратпайт. Ошондой эле коңшу өлкөлөр менен электр энергиясын айлантып бириктирүү дагы ишке ашса, бул жааттагы көйгөйлөр чечилип калат эле. Ага ылайык, Өзбекстан, Казакстан, Тажикстан жана башка өлкөлөр бири-бирине көмөктөшүп турат", — деди Акунов.

Серепчи бир жылдык келишимдин негизинде жайында өлкө Казакстанга 300 миллион киловатт электр энергиясын бергенин айтып, кышында муну кайтарып ала турганын кошумчалады.

18
Белгилер:
ГЭС, электр энергиясы
Тема боюнча
Баатырбеков: күз-кышта ооруканалардын жылуу болушуна өзгөчө көңүл бурулууда
Жогорку категориядагы өпкө дарыгери Бермет Естебесова. Архив

Естебесова: хлор астмасы барларга терс таасирин тийгизет

8
(жаңыланган 12:50 10.08.2020)
Жогорку категориядагы өпкө дарыгери Бермет Естебесова дезинфекциядан улам пневмония күчөп жатат деген маалымат чындыкка дал келбей турганын айтты.
Естебесова: хлор астмасы барларга терс таасирин тийгизет

Хлор зыяндуу заттардын бирине кирет. Ал өнөкөт астмасы барларга зыян. Туура эмес концентрацияда колдонулса адам катуу ууланып же дем алуу органдарынын өнөкөт оорулары күчөшү ыктымал. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, коронавирустук пневмония менен хлордон уулануунун симптомдору эки башка болот.

Пневмониянын жайылышына дезинфекциялоо иштери себеппи? Адистердин пикири

"Дезинфекциялоо үчүн чачылып жаткан хлор коронавирустук пневмонияга алып келбейт. Анткени анын концентрациясы өпкөнү жабырката турган деңгээлге жетпейт. Албетте хлор уулуу зат болуп эсептелет, бирок ал пневмонияны шарттабайт. Хлор туура эмес концентрацияда колдонулса организмди уулап же дем алуу органдарынын өнөкөт ооруларын күчөтүшү ыктымал. Андан ууланганда көңүл айнып, адам кусушу мүмкүн. Өпкөнүн чел кабыгы сезгенип, жөтөл пайда болот. Ал эми коронавирустук пневмония кан коюлуп кетип өпкөнүн тамырчаларына уюп калгандан улам жаралууда. Бул рентгенден пневмония сыяктуу көрүнөт, ошондуктан коронавирустук пневмония деп айтылат. Анда кадимки пневмониядан айырмаланып адамдын дене табы көтөрүлбөйт. Киши демигип, кургак жөтөл пайда болот. Бул экөөнү бири-бирине байланыштыруу такыр мүмкүн эмес. Ошентсе дагы хлордун зыяндуу заттардын катарына кире турганын белгилей кетүүбүз зарыл. Ал көбүнчө дезинфекция иштери үчүн тийиштүү концентрацияда колдонулат. Өпкөнүн өнөкөт оорусу барларга, астма менен жабыркагандарга терс таасирин тийгизиши ыктымал. Ал эми бронхитке анча коркунучтуу эмес", — деди Естебесова.

Дарыгер хлор бөлмөдө колдонулса, терезелерди ачып шамалдатып коюу керектигин кошумчалады.

8
Белгилер:
коронавирус, дезинфекция, хлор, Бермет Естебесова
Тема боюнча
Ыбышева: дезинфекция иштерин адамдар жок учурда жүргүзүү зарыл
Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты

Ысык-Көлдө КамАЗ менен жеңил унаа кагышып, эки киши мерт болду. Сүрөттөр

0
(жаңыланган 14:52 10.08.2020)
Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз.

БИШКЕК, 10-авг. — Sputnik. Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү. Бул тууралуу облустук Жол кыймылы коопсуздугун камсыздоо башкармалыгынан билдиришти.

  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.
    © Sputnik
  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Жол кыргысы кечээ саат 22:40тар чамасында болгон. Жеринде эки адам каза болду.
    © Sputnik
1 / 2
© Sputnik
Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.

Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз экени айтылды. 

Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
© Sputnik
ДТП в Иссык-Кульской области

Дагы бир киши катуу жаракат алган. Ал эми жүк жашуучу унаанын айдоочусу жабыркаган эмес.

0
Белгилер:
өлүм, жол кырсык, Ысык-Көл
Тема:
2020-жылдын башынан бери Кыргызстанда болгон жол кырсыктар
Тема боюнча
Ош — Өзгөн жолундагы кырсыктан эки жигит көз жумду