Бишкек шаарынын мэриясынын аппаратынын жергиликтүү өз алдынча башкарууну өнүктүрүү бөлүмүнүн башкы адиси Назгүл Озокеева

Озокеева: көп кабаттуу үйдө турак жай ээлеринин шериктиги болушу керек

74
Бишкек шаарынын мэриясынын аппаратынын жергиликтүү өз алдынча башкарууну өнүктүрүү бөлүмүнүн башкы адиси Назгүл Озокеева "Турак жана турак эмес жайлардын ээлеринин шериктиги" көп кабаттуу үйлөрдүн жашоочулары тарабынан түзүлгөн комерциялык эмес уюм экенин айтты.
Озокеева: көп кабаттуу үйдө турак жай ээлеринин шериктиги болушу керек

Талап боюнча шаардагы ар бир көп кабаттуу үйдө "Турак жана турак эмес жайлардын ээлеринин шериктиги" (ТСЖ) болуусу керек. Бир дагы үйдү кароосуз калтырууга болбойт. Бул тууралуу Назгүл Озокеева Sputnik Кыргызстан радиосуна маек куруп жатып билдирди.

Анын айтымында, аталган уюмдун негизги милдети болуп көп кабаттуу үйдүн абалын көзөмөлдөп туруу, оңдоп-түзөө иштерин аткаруу, айланасын таза кармоо жана көрктөндүрүп жашылдандыруу өңдүү күнүмдүк маселелерди чечүү болуп саналат.

"Турак жана турак эмес жайлардын ээлеринин шериктигин" (ТСЖ) жергиликтүү жашоочулар өздөрү түзүшөт. Алар жалпы чогулуш өткөрүп, көп кабаттуу үйдүн жашоочуларынын арасынан өкүлдөрдү тандашат жана алар уюмдун жетекчисин шайлашат. Анын башында үй комитетинин төрагасы (домком) болуп, курагы 18 жаштан жогору болууга тийиш. Ал көп кабаттуу үйдүн башкармалыгы менен биргеликте оңдоп-түзөө, жашылдандыруу-көрктөндүрүү өңдүү чарбалык иштерди аткарат. Башкармалыкты атайын Юстиция министрлигинен да каттоодон өткөрүү талап. Көп кабаттуу үйгө байланыштуу бардык чечимдер жалпы жыйында жашоочулардын макулдугу менен гана кабыл алынат жана тийиштүү протокол менен бекитилет. Мисалы, үйдү оңдоп-түзөөгө кеткен чыгымдар үчүн ай сайын батирдин ар бир чарчы метри үчүн 2 же 3 сомдон чогултулсун деген чечимдер бар. Алар жалпы чогулушта каралып, жашоочулар тарабынан аныкталат ", — деди Озокеева.

Ал бүгүнкү күндө Бишкек шаары боюнча жалпы жонунан 2953 көп кабаттуу үй бар экенин кошумчалады.

74
Белгилер:
көп кабаттуу үй, Бишкек
Тема боюнча
Момоконов: унаа токтотчу жайлардын операторлору авто үчүн жооптуу эмес
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

108
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

108
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
Врач-эндокринолог Гүлжамал Турсункулова

Турсункулова: күн чыккандан кийин уктабай эле койгон дурус

122
(жаңыланган 18:01 05.08.2020)
Врач-эндокринолог Гүлжамал Турсункулова адамдын организминде ар бир саатта ар башка гормондор иштелип чыгып турарын жана бул режим бузулган учурда ден соолукка олуттуу зыян келерин айтты.
Турсункулова: күн чыккандан кийин уктабай эле койгон дурус

Мелатонин "уйку гормону", серотонин "кубаныч же бакыт гормону" деп аталат. Бул экөөнү тең мээнин ортоңку бөлүгүндө жайгашкан эпифиз бези бөлүп чыгарат. Аталган гормондор бири-бири менен эриш-аркак иш алып барып, адамдын ден соолугуна олуттуу таасир тийгизет. Бул тууралуу Гүлжамал Турсункулова Sputnik Кыргызстан радиосуна маек куруп жатып билдирди.

Дарыгердин айтымында, мелатонин гормону саат 21:00дөн баштап бөлүнүп чыгып, организмди уйкуга чакыра баштайт. Түнкү 02:00де эң көп бөлүнгөн чегине жетип, таңкы 04:00төн баштап азаят.

Турсункулова: коомдун стресс гормону тууралуу кенен маалыматы жок

" Адамдын организми өз функциясын жеткиликтүү аткарууда гормондордун орду чоң. Өзгөчө жашоонун булагы болгон уйкуну чакырып, адамды эс алдырып турган мелатонин гормону бар. Ал эми бул гормондун пайда болушун серотонин гормону шарттайт. Серотонинди биз күн нурунан жана курамында антиоксиданттар бар азыктардан алабыз. Мелатонин гормону адамдын биологиялык сааты туура иштеген учурда 21:00дөн тарта пайда болуп, организмди уйкуга даярдай баштайт. Андыктан бул убакыттан көп кечиктирбей уктоо керек. Ал эми таң агарып, тагыраагы, таңкы 04:00, 05:00 аралыгы аталган гормон активдүүлүгүн жоготуп, жыйынтыгында адам уйкудан ойгонушу шарт. Башкача айтканда, ушул сааттар аралыгы уктаган уйку биздин организмибиз үчүн пайдалуу, аны эс алдырат. Ал эми күн чыккандан кийинки уйкунун пайдасы жок. Ошондой эле күндүз атайын үйдү караңгылатып алып уктоо да организмге жакшы таасирин тийгизбейт. Негизи эле адам ден соолукта болушу үчүн ар саатта ар башка гормондор бөлүнүп чыгып, өз тартиби менен иштеп турат ", — деди Турсункулова.

Эндокринолог серотонинди көбөйтүү үчүн атайын таблеткаларды ченемсиз ичүү галлюцинация, шизофрения ооруларына алып келиши ыктымалдыгын кошумчалады.

122
Белгилер:
кеңеш, уйку, ден соолук
Тема боюнча
Турсункулова: стресс иммунитетти түшүрөт, аны көтөрүүнүн жолу бар
Актриса Лю Ифэй Мулан тасмасынын премьерасы учурунда. Архив

Кыргызстандыктар тартылган "Мулан" тасмасы сентябрда онлайн көрсөтүлөт

0
(жаңыланган 19:45 05.08.2020)
"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу ал кинокомпания тарабынан кийинкиге калтырылган.

БИШКЕК, 5-авг. — Sputnik. Walt Disney компаниясы Кыргызстандын каскадерлору катышкан "Мулан" анимациялык тасмасын сентябрь айында коомчулукка чыгарууну чечти. Бул тууралуу The Verge басылмасы жазды.

Тасманын бет ачары түз эфирде Disney+ видео көрсөтүү  тейлөө жайында акчага көрсөтүлөт. 

АКШда жана башка аймактардагы көрүүчүлөр тасманы 29,99 доллар, ага кошумча 6,99 доллар бир айлык абоненттик төлөм берип көрүшөт. Ал эми Disney+ жеткиликтүү эмес өлкөлөрдө тасма салттуу түрдө кинотеатрларда тартууланат.

Султамбаев: америкалыктар менен бирге көк бөрү тууралуу тасма тартылды

"Мулан" тасмасынын жаңы версиясы адегенде 27-мартта дүйнөлүк прокатка чыгыш керек болчу. Коронавирус пандемиясына байланыштуу анын күнү кинокомпания тарабынан кийинкиге калтырылган.

Тасманын башкы ролун кытайлык актриса жана ырчы Лю Ифей ойнойт. Киного кыргызстандык Эрлан Жанышбек уулу, Мурат Бурханов, Дамир Ашимов жана Нургазы Мамаражап уулу тартылган. Алар тасмага Жайдарбек Кунгужинов жетектеген Nomad Stunts кыргыз-казак кесипкөй каскадерлор тобунун курамында катышкан. Кунгужинов өзү гунндардын аскер башчысынын ролун аткарган.

"Мулан" анимациялык тасмасы 1998-жылы чыгып, кинопрокаттан эле 304 миллион доллар киреше тапкан.

Кыргызстандык каскадерлордун "Мулан" киносуна кандайча тартылганын биздин төмөндөгү маектен окуңуз.

0
Белгилер:
каскадер, Кыргызстан, премьера, тасма
Тема боюнча
"Шамбала" тасмасы Шанхайдагы эл аралык кинофестивалда көрсөтүлөт