Тышкы иштер министрлигине караштуу Консулдук кызмат департаментинин директорунун орун басары Бахтияр Шакиров

Шакиров: "мейман визасы" өлкө экономикасынын өсүшүнө стимул болот

37
Тышкы иштер министрлигине караштуу Консулдук кызмат департаментинин директорунун орун басары Бахтияр Шакиров чет өлкөлүк коноктор үчүн виза берүү шарты жеңилдетилгенин айтты.
Шакиров: "мейман визасы" өлкө экономикасынын өсүшүнө стимул болот

Чет өлкөдөн келген коноктор үчүн "мейман визасы" иштелип чыкты. Бул тууралуу Бахтияр Шакиров Sputnik Кыргызстан радиосуна маек куруп жатып билдирди.

Анын айтымында, бул виза 90 күнгө берилип, өлкөнүн экономикасынын өсүшүнө стимул болот.

"Кыргыздар өзү меймандос эл. Жарандарыбыз чет өлкөгө барганда бирөөлөр менен таанышып, достошуп калган болсо, аны Кыргызстанга чакыра алат. Болгону конокторду тосуп ала турган адам мейман чакырып жаткандыгы тууралуу өтүнүч тиркеп койсо, чет өлкөлүктөр 90 күн республика аймагында жүрө беришет. Мындан тышкары, аталган визанын түрү өлкөнүн экономикасынын өсүшүнө жардамын тийгизет. Анткени эки адамдын достугу өсүп, чет өлкөлүктөр инвестиция салып калышы ыктымал", — дейт Шакиров.

Ошондой эле ал февраль айында виза төлөмдөрүн бирдиктүү системага келтирүү (унификация кылуу) боюнча документ өкмөткө киргизилерин кошумчалады.

37
Белгилер:
инвестициялар, чет өлкө, виза
Тема боюнча
Шакиров: чет өлкөлүк кудалар үчүн атайын виза иштелип чыкты
Бишкек шаардык СПИДдин алдын алуу жана ага каршы күрөшүү борборунун директору Аида Карагулова. Архив

Карагулова: республика боюнча 10 миң 214 адам ВИЧ/СПИД менен жашайт

45
(жаңыланган 15:37 01.12.2020)
Бишкек шаардык СПИДдин алдын алуу жана ага каршы күрөшүү борборунун директору Аида Карагулова соңку учурларда ВИЧ/СПИДди аныктоо иштери жакшы натыйжа берип жатканын белгиледи.
Карагулова: республика боюнча 10 миң 214 адам ВИЧ/СПИД менен жашайт

Республика боюнча 10 миң 214 адам ВИЧ/СПИД менен жашайт. Анын ичинен 2 072си Бишкек шаарында. Бул тууралуу Аида Карагулова Sputnik Кыргызстан радиосуна маек берип жатып маалымдады.

Анын айтымында, аталган илдетти жуктуруп алгандар эң көп катталган аймак — Чүй облусу.

"Соңку учурларда ВИЧ/СПИДди аныктоо боюнча иш-аракеттер жакшы болуп жатат. Акысыз тестирлөө боюнча ар кандай акциялар жүргүзүлүүдө. Статистикага токтоло турган болсок, жалпысынан алганда республика боюнча 10 миң 214 адам ВИЧ/СПИД менен жашайт. Анын ичинен 2072 киши Бишкек шаарында катталган. Алдыңкы орунда Чүй облусу, бардык катталгандардын 21 пайызы Бишкек шаарында, 16 пайызы Ош облусунда жана 11 пайызы Жалал-Абадда жашайт. Бишкек шаары менен Чүй облусунда көп катталып жатышына ички жана тышкы миграция себеп болуусу ыктымал", — деди Карагулова.

Ал ошондой эле ВИЧ/СПИД менен жашаган адамдарга коронавирус кандай таасир эте турганы изилдене электигин кошумчалады.

45
Белгилер:
миграция, коронавирус, СПИД
Тема боюнча
Дүйнөдө биринчи болуп ВИЧти жеңген адам рактан каза тапты
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: "Манаста" тамактануу убактары "нанүштө", "жагына" делген

157
(жаңыланган 12:19 01.12.2020)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунан тамактануу боюнча дагы маалыматтарды алса болорун белгиледи.
Талантбеков: "Манаста" тамактануу убактары "нанүштө", "жагына" делген

Таңкы тамактануу "нанүштө", түшкө маал тамак ичүү "түштөнүү", ал эми кечки курсак тойгузуу "жагына" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, мындай сөздөр эпосто колдонулуп, ал тургай кандай тамактануу туура боло турганы айтылган.

"Көбүнесе тамактанууну эртең мененки, түшкү жана кечки деп бөлүп айтылып жүрөт. Айрым учурда бул дагы колдонулбай "завтрак, обед, ужин" делип орусчасы колдонулууда. "Манас" баянында таңкы тамактануу "нанүштө" делип, анда жеңил-желпи тамак желген. Ал эми "түштөнүүдө" абдан күчтүү тамактануу зарылдыгы белгиленген. Ошол эле эпосто кечки курсак тойгузуу "жагына" делип, ал өтө кечке калтырылбастыгын аңдасак болот", — деди Талантбеков.

Манасчы эпостогу көөнө сөздөрдү колдонуп аны коомго жайылтуу керектигин кошумчалады.

157
Белгилер:
тил, Манас эпосу, Нурбек Талантбеков
Тема боюнча
Талантбеков: "Манаста" кадимки факелдер колдонулган, аталышы — "шамала"
Коронавирустан каза болгон бейтап. Архивдик сүрөт

COVID-19: өткөн суткада Бишкек менен Ошто бирден киши көз жумду

0
(жаңыланган 09:59 02.12.2020)
Каза болгон эки жарандын бири Бишкек шаарынын, экинчиси Ош облусунун тургуну болгон. Ушуну менен көз жумгандардын жалпы саны 1 277ге жетти.

БИШКЕК, 2-дек. — Sputnik. Өткөн суткада коронавирустан эки адам каза тапты. Бул тууралуу Республикалык штаб маалымдады.

Билдирүүгө ылайык, көз жумгандардын бири Бишкек шаарынын, экинчиси Ош облусунун тургуну болгон.

Ушуну менен көз жумгандардын жалпы саны 1 277ге жетти.

Азыркы тапта ооруканада 2 651 бейтап дарыланып жатат. Анын ичинен 119 бейтаптын абалы өтө оор деп бааланууда.

Ооруканада жаткандар:

  • 27 — канааттандырарлык абалда;
  • 1 794 — орто оор;
  • 711 — оор;
  • 119 — өтө оор абалда.

Ал эми 3 600 бейтаптын медициналык жардамды үйлөрүнөн алып жатканы маалым болду.

0
Белгилер:
статистика, өлүм, коронавирус, Кыргызстан
Тема боюнча
Чүй менен Бишкекте азайбай койду. Коронавирус боюнча соңку маалымат
Биолог: коронавирустун жеңил формасынын да кесепети оор болот