Эмгек жана социалдык өнүктүрүү министрлигинин Эмгек башкармалыгынын башчысы Махмуд Ойтемиров

Ойтемиров: балалуу болгон ата беш күндүк эмгек өргүүгө чыга алат

2343
Эмгек жана социалдык өнүктүрүү министрлигинин Эмгек башкармалыгынын башчысы Махмуд Ойтемиров "мыйзамга ылайык, бала асырап алган учурда камкорчу 70 күндүк эмгек өргүүсүнө чыкса болорун" айтты.
Ойтемиров: балалуу болгон ата беш күндүк эмгек өргүүгө чыга алат

Кош бойлуулук жана төрөт боюнча өргүүнү аталар дагы колдоно алат. Анын убактысы беш күндү түзөт. Бул тууралуу Махмуд Ойтемиров Sputnik Кыргызстан радиосуна маек куруп жатып билдирди.

Анын айтымында, баланы асырап алса аял же эркек экенине карабастан 70 күн өргүү алуу мүмкүнчүлүгү бар.

"Балалуу болгон аталар мыйзам боюнча беш күндүк эмгек өргүүгө чыгууга укугу бар. Бул жубайына камкордук көрүп, төрөтканадан үйүнө чыгарып келип алуу үчүн берилет. Ал эми бала асырап алганда атасы же апасы 70 күнгө өргүүгө чыга алат. Бала асырап алуу же төрөлгөн ымыркайды багуу үчүн алынуучу үч жылдык өргүүлөрдө аял менен эркекке бирдей укук, милдет каралган. Андыктан аталардын эмгек өргүүсү бул учурларда энелердикинен такыр айырмаланбайт. Ошондой эле жаран баланы багуу боюнча өргүүгө чыгып, бирок ал убакта башка жумуш иштегени белгилүү болсо жумуш берүүчү тарабынан дисциплинардык жоопкерчиликке тартылат", — деди Ойтемиров.

Ошондой эле ал бала чоңойтууга аталарды активдүү катышып, мыйзамдагы мүмкүнчүлүктөрүнөн пайдаланууга чакырды.

2343
Белгилер:
бала, мыйзам, төрөт, эмгек өргүү
Тема боюнча
Ак жарык. Алтайда балалуу эненин жол акысын төлөгөн өспүрүм миллионер болду
Японияда биринчи жолу эркек министр декреттик өргүүгө чыкмай болду
Өрт өчүрүү жана алдын алуу башкармалыгынын башчысынын орун басары майор Азиз Бейшекеев

Бейшекеев: өлкөдө жыл башынан бери 828 өрт кырсыгы катталды

98
(жаңыланган 13:07 04.06.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев үстүбүздөгү жылдын беш айында катталган өрт кырсыктарынын саны былтыркыга салыштырмалуу 30,6 пайызга азайганын айтты.
Бейшекеев: өлкөдө жыл башынан бери 828 өрт кырсыгы катталды

Өлкө ичинде жыл башынан бери 828 өрт кырсыгы катталды. Бул тууралуу Азиз Бейшекеев Sputnik Кыргызстан радиосуна маек куруп жатып билдирди.

Анын айтымында, былтыр 2019-жылдын январь айынан май айына чейин республика боюнча 1193 өрт кырсыгы болгон.

"Быйыл өрт кырсыктарынын басымдуу бөлүгү Ош жана Чүй облустары менен Бишкек шаарында катталды. Башкы себептери — электр шаймандарынын бузулушу, аны туура эмес колдонуу, от жакчу мештерди туура эмес эксплуатациялоо жана отко этиятсыз мамиле кылуу. Бирок былтыркыга салыштырмалуу 30,6 пайызга кыскарды. Тактап айтканда, быйыл жыл башынан бери 828 учур болсо, былтыр беш ай аралыгында 1193 өрт кырсыгы катталган. Мындай статистика өрт өчүрүүчүлөр үчүн көңүл кубантарлык көрүнүш жана чоң жетишкендик. Эми азыркы тапта жай келип, күн да катуу ысый баштады. Бул мезгилде ачык аянттарда өрт чыгуу тобокелчилиги жогору болот. Мындан улам бардык жарандарды ачык аянттардагы чөптөрдү байма-бай сугарууга жана өрт коопсуздугун сактоого чакырам. Ошондой эле ар бир үйдө өрт өчүрүүчү зарыл каражаттар — суу менен кумдун топтому жана жазы кездеме болушу талапка ылайык", — деди Бейшекеев.

Ал ошондой эле бардык коомдук жайларда өрт коопсуздугу боюнча түшүндүрүү иштери жүрүп жатканын кошумчалады.

98
Белгилер:
статистика, кырсык, өрт, ӨКМ
Тема боюнча
Бейшекеев: эреже боюнча газ баллон имараттын сыртында болушу керек
Жогорку Кеңештин төрагасы Дастан Жумабеков

Жумабеков: эгемендүү өлкө парламентинин 17-төрагасымын

46
(жаңыланган 12:12 04.06.2020)
Жогорку Кеңештин төрагасы Дастан Жумабеков 4-июнь парламентаризм күнү менен жалпы депутаттарды куттуктады.
Жумабеков: эгемендүү өлкө парламентинин 17-төрагасымын

Кыргызстан эгемендүүлүк алгандан берки пралменттин 17-төрагасымын. Бул тууралуу Дастан Жумабеков Sputnik Кыргызстан радиосуна маек куруп жатып билдирди.

Анын айтымында, төрагалык кызматка 2017-жылы көпчүлүк добушка ээ болуп келген.

"Эгемендүү Кыргызстанда Жогорку Кеңештин VI чакырылышы иштеп жатат. Ушул алты чакырылышта жалпысынан 17 төрага эмгектендик. Алардын ар бирин сыйлайм. Мага чейинки төрагалар да өз милдетин аткарышкан деп ойлойм. Жогорку Кеңештин соңку эки чакырылышы парламенттик-президенттик башкаруу доорунда кызмат өтөөдө. Бул абдан чоң жоопкерчилик. Биздин эл парламенттик башкарууну тандап алган соң, демек аны андан ары карай өнүктүрүшүбүз керек", — деди Жумабеков.

Ал жүздөгөн жылдар тарыхы бар парламенттик өлкөлөргө азырынча Кыргызстанды салыштырып болбостугун, бирок 10 жыл ичинде жакшы аракеттер байкалып жаткандыгын кошумчалады.

46
Белгилер:
эгемендүүлүк, тарых, парламент, Дастанбек Жумабеков
Тема боюнча
Төрага Жумабеков: тилимден жаңылсам да эч нерсе уурдаган эмесмин

Нью-Йоркто акцияга чыккандар камалууда. Видео

0
АКШда башаламандык афроамерикалык Жорж Флойддун өлүмүнөн кийин башталып, бир катар мамлекеттерге жайылды.

Нью-Йорк полициясы АКШдагы полициянын зомбулугуна нааразы болуп, акцияга чыккандардын арасынан 60 кишини камакка алды. Полиция департаментинин жетекчисинин айтымында, кармалгандар коменданттык сааттын эрежесин бузушкан.

Ал тартип сакчылары мыйзамдын бузулушуна жол бербей турганын айтып, шаар тургундарынын коопсуздугу үчүн бардык кадамдарга барарын белгиледи.

0
Белгилер:
башаламандык, Жорж Флойд, Нью-Йорк, АКШ, полиция
Тема:
АКШда афроамерикалыктын өлүмүнөн кийинки башаламандык
Тема боюнча
Мен — Жорж Флойдмун. АКШдагы акциялар дүйнөгө жайылды. Видео
Унчукпай кутулушту. Ак үйдү митингчилерден кайтарган аскерлердин видеосу
Кайрадан орустар. АКШдагы козголоңго Москваны айыптоо кимге зарыл?