Экономика министрлигинин Салык саясаты башкармалыгынын башчысы Кубанычбек Ысабеков

Ысабеков: 2023-жылы киреше алган бардык жарандар декларация тапшырат

51
Экономика министрлигинин Салык саясаты башкармалыгынын башчысы Кубанычбек Ысабеков бирдиктүү салык декларациясын киргизүү 2021-жылдан баштап 2025-жылга чейин баскычтарга бөлүнүп ишке ашырыла турганын айтты.
Ысабеков: 2023-жылы киреше алган бардык жарандар декларация тапшырат

Бирдиктүү салык декларациясы 2021-жылы күчүнө кирет. Биринчи баскычында мамлекеттик, муниципалдык кызматкерлер тапшырса, экинчи баскычында, 2023-жылы, бардык киреше алган жарандар декларация толтурат. Бул тууралуу Кубанычбек Ысабеков Sputnik Кыргызстан радиосунун таңкы эфиринде маек куруп жатып билдирди.

Анын айтымында, бул убакытка чейин тиешелүү мамлекеттик органдардын баары керектүү техника менен камсыздалып, коомчулук дагы даяр болот.

"Мыйзам күчүнө кирсе 4 миллионго чукул жаран бирдиктүү салык декларациясын тапшырат. Мунун баарын бир учурда эмес, баскыч-баскычы менен тапшырса, биринчиден Салык кызматы толук даяр болот. Экинчиден жарандарга түшүндүрүү иштери жүргүзүлүп, декларацияны кантип толтуруу керектиги үйрөтүлөт. Ошондой эле мыйзамды кабыл алып жатканда эл өкүлдөрү документ иштерин жеңилдетүүнү сунуштады. Учурда бул багытта да иштер жүрүүдө. Анткени декларация тапшыргандан кийин туура эмес толтургандарга айып салынып, жарандардын нааразычылыгын жаратпашы керек. Бирдиктүү салык декларациясын киргизүү боюнча негизги күч келе турган иштер 2023-жылга туура келет. Бул баскычта кирешеси бар бардык жарандар декларация толтурат. Ал эми үчүнчү этапта, 2025-жылдан тартып, пенсионерлер, стунденттер милдеттендирилет", — деди Ысабеков.

Ошондой эле ал Мамлекеттик салык кызматына Социалдык фонддун жана Бажы кызматынын айрым функцияларынын жүктөлгөндүгүн мыйзамдын мөөнөтүнүн артка жылдырылышынын башкы себептеринин бири катары келтирди.

Эске салсак, Экономика министрлиги Жогорку Кеңешке "Кыргыз Республикасынын Салык кодексин колдонууга киргизүү жөнүндө" мыйзамына өзгөртүүлөрдү киргизүүнү сунуштаган. Ага ылайык, мурда мыйзамда көрсөтүлгөндөй, жалпы кыргызстандыктар 2020-жылдан баштап бирдиктүү салык декларациясына өтүүсү керек болчу. Эми бул аракеттер 2021-жылдан тарта 2025-жыл аралыгында үч этапка бөлүнүп ишке ашат.

51
Белгилер:
салык, киреше, жаран, декларация
Тема боюнча
Сазыков: патент албай иштөө мыйзам бузуу болуп саналат
Саясат таануучу, Пикир регионалдык эксперттер клубунун тең төрагасы Шерадил Бактыгулов

Бактыгулов: шайлоону жылдырууга мыйзам жол бербейт

41
Саясат таануучу, "Пикир" регионалдык эксперттер клубунун тең төрагасы Шерадил Бактыгулов мыйзам боюнча шайлоо президенттин жарлыгы чыкпаса деле автоматтык түрдө дайындала турганын айтты.
Бактыгулов: шайлоону жылдырууга мыйзам жол бербейт

Шайлоону жылдырууга мыйзам жол бербейт. Эгерде мыйзамды бузуу менен шайлоо өткөрсөк, кийинки чакырылыш легитимсиз болуп калышы ыктымал. Бул тууралуу Шерадил Бактыгулов Sputnik Кыргызстан радиосуна маек куруп жатып билдирди.

Анын айтымында, 4-октябрга чейин эпидемиологиялык абал кандай боло турганы белгисиз.

Күздө өтчү шайлоодо 44 партия ат салышмай болду. Тизме

"Учурда коомчулукта "эмнеге 4-октябрга шайлоо дайындалды" деген кептер айтылып жатат. Шайлоону дайындоо Конституциялык мыйзам менен бекитилген. Анда "Жогорку Кеңешке кезектеги шайлоо Президент тарабынан добуш берүү күнүнө 100 календардык күн калгандан эрте эмес жана 90 күндөн кеч эмес дайындалат" деп турат. Эмне үчүн 4-октябрь дегенде, мыйзам боюнча эсептеп келгенде ушул датага туш келет. Демек, бул президенттин жеке каалоосу эмес. Баарыбыз бийликти мыйзам чегинде иштешин талап кылып келебиз. Бирок учурда шайлоону жылдыруу керек деп, бийликти мыйзам бузууга түртүп жатабыз. Бул жерде эң негизги маселе легитимдүүлүк. Эгерде мыйзам бузуу менен шайлоо өткөрсөк, кийинки чакырылыштын кабыл алган долбоорлору мыйзамсыз болуп, саясий кризиске туш келип калышыбыз ыктымал. Ченемдик укуктук актылардын юридикалык күчү боюнча биринчи Конституция, андан кийин Конституциялык мыйзам, анан кодекс, мындан соң мыйзам, анан барып президенттин жарлыгы", — деди Бактыгулов.

Ошондой эле ал шайлоону жылдыруунун мыйзамдуу жолу "өзгөчө абал" киргизүү, бирок анда шайлоо эпидемиянын экинчи толкунуна туш болуп калышы ыктымал экендигин кошумчалады.

41
Белгилер:
эпидемия, абал, мыйзам, шайлоо, Шерадил Бактыгулов
Тема боюнча
БШК: шайлоого кетчү каражат болушунча кыскартылат
Билим берүү жана илим министринин орун басары Надира Жусупбекова

Жусупбекова: ЖРТ тапшырбай калгандарга дагы бир мүмкүнчүлүк берилет

34
Билим берүү жана илим министринин орун басары Надира Жусупбекова ЖРТнын босого баллынан ашкандар 60 пайызга чейин көбөйүп калганын айтты.
Жусупбекова: ЖРТ тапшырбай калгандарга дагы бир мүмкүнчүлүк берилет

13-19-июль аралыгында жалпы республикалык тестирлөөнүн жыйынтыгы чыгат. Ал эми 20-июлдан тарта ЖОЖго онлайн кабыл алуу башталат. Бул тууралуу Надира Жусупбекова Sputnik Кыргызстан радиосуна маек куруп жатып билдирди.

Анын айтымында, ЖРТ тапшырууга кечигип же кандайдыр бир себептер менен тапшырбай калгандарга дагы мүмкүнчүлүк берилет.

Абитуриент ЖОЖго кантип онлайн тапшырат? 7 суроого жооп

"Статистика боюнча жылына 40 миңден ашуун абитуриент жалпы республикалык тестирлөөдөн өтөт. Алардын ичинен 110 баллдан көп алгандар окууга тапшыра алышат. Бирок ЖРТнын сертификаты милдеттүү эмес болгон ЖОЖдор бар. Алар искусство жана дене тарбия тармагы. Ошондой эле колледж, орто кесиптик окуу жайларга дагы кереги жок. Учурда ЖРТнын эки туру тең жыйынтыкталды. Анткен менен ага кайсы бир себептер менен катыша албай калгандар 13-июлда жалпы, 14-июлда предметтик тест тапшырууга мүмкүнчүлүк алат. Булардын саны аз эле болгондуктан Бишкек жана Ош шаарларында өткөрүлөт. 13-19-июль аралыгында ЖРТнын жыйынтыктары белгилүү болуп, ошондон кийин босого баллдан өткөн абитуриенттер ЖОЖго тапшырууга мүмкүнчүлүк алат. Быйыл кабыл алуу онлайн жүргүзүлөт. Ал үчүн атайын платформа иштелип чыкты. Учурда бүтүрүүчүлөрдүн баары аралыктан тапшырууга мүмкүнчүлүк алуусу үчүн даярдыктар көрүлүп жатат", — деди Жусупбекова.

Ошондой эле ал колледждерге кабыл алуу 13-июлдан баштала турганын айтып, ал үчүн дагы өзүнчө платформа иштеп жатканын кошумчалады.

34
Белгилер:
ЖРТ, окуу жай, бүтүрүүчү, билим берүү, Надира Жусупбекова
Тема боюнча
ЖРТ тапшыра албай калгандарга дагы бир мүмкүнчүлүк берилди. Жол-жобосу

COVID-19дун белгилери байкалган тааныш же туугандарыңыз барбы?

0
0