Радиостудия Sputnik Кыргызстан в Бишкеке - Sputnik Кыргызстан
Радио

Молдокасымов: кыргыз тарыхына 3000 жыл толгону тууралуу макала кыргызчаланды

© Sputnik / Дильноза АлымоваКР президентинин аппаратына караштуу "Мурас" коомдук фондунун төрагасы, тарыхчы Кыяс Молдокасымов. Архив
КР президентинин аппаратына караштуу Мурас коомдук фондунун төрагасы, тарыхчы Кыяс Молдокасымов. Архив - Sputnik Кыргызстан
Жазылуу
КР президентинин аппаратына караштуу "Мурас" коомдук фондунун төрагасы, тарыхчы Кыяс Молдокасымов кытай окумуштуулары кыргыз тарыхын дагы 800 жылга узартканын айтты.
Молдокасымов: кыргыз тарыхына 3000 жыл толгону тууралуу макала кыргызчаланды

Кыргыз тарыхына 3000 жыл болгондугун айгинелеген илимий макала кыргыз тилине которулду. Бул тууралуу Кыяс Молдокасымов Sputnik Кыргызстан радиосуна маек куруп жатып билдирди.

Анын айтымында, Кытай жазмаларында биздин заманга чейинки миң жыл мурдагы кыргыздарга тиешелүү маалыматтар табылган.

"Кытайдын Ю Тайшань деген окумуштуусу өткөн жылы Пекин тарых изилдөө институтунун жетекчилигинин өтүнүчү менен кыргыз тарыхын изилдеген. Натыйжада ал кыргыздар тууралуу архивдик маалыматтардын арасынан жаңы нерсе таап чыкты. Биз буга чейин кыргыздар тууралуу эң алгачкы маалымат Сыма Цяндын эмгегинде биздин заманга чейин 201-жылдагы окуялар менен салыштырылып жазылганын айтып келгенбиз. Эми Ю Тай Шандын табылгасына ылайык, кыргыздар тууралуу маалымат дагы 800 жыл нары жылды. Ю Тайшань кытай иероглифтеринин окулушун талдап, кыргыздар тууралуу маалыматтар биздин заманга чейинки миң жыл мурун эле болгонун айгинелеген макала жазган. Кытай тарых изилдөө институтунун кызматкерлери буга байланыштуу илимий макалаларды топтоп, атайын жыйнак кылып чыгарышкан. Ошол макала кыргызчага которула элек болчу. Быйыл декабрь айында Пекинде болуп, тарыхчылар менен бирге аталган эмгекти кыргызчага котордук. Муну тарыхка кызыккандар абдан күтүп жаткан болчу. Алгачкы жолу сиздердин радио аркылуу маалымдап жатабыз", — деди Молдокасымов.

Окумуштуу өткөн жылы апрелде КР президенти Сооронбай Жээнбеков Пекинге иш сапары менен барганда кыргыз тарыхы тууралуу маалымат берилгенин кошумчалады.

Жаңылыктар түрмөгү
0