Аялдарды колдоо борбору коомдук бирикмесинин аткаруучу директору Бакен Досалиева

Досалиева: аял күйөөсүнөн 2-3 ирет токмок жеген соң ойлонушу керек

132
Аялдарды колдоо борбору коомдук бирикмесинин аткаруучу директору Бакен Досалиева ажырашкандан уялып чыдап жүрө берип, аягы өлүм менен бүткөн учурлар кездешип жатканын айтты.
Досалиева: аял күйөөсүнөн 2-3 ирет токмок жеген соң ойлонушу керек

Үй-бүлөлүк зомбулук боюнча Кыргызстан Орто Азияда биринчи орунда турат. Бул абдан уят көрүнүш. Мындай пикирин Бакен Досалиева Sputnik Кыргызстан радиосунун "Ачык кеп" программасынын эфиринде маек куруп жатып билдирди.

Анын айтымында, жылына өлкөдө үй-бүлөлүк кордук көргөн аялдардан 7-8 миң арыз ИИМге, 16-17 миң кайрылуу кризистик борборлорго жана 4 миңге чукул арыз аксакалдар сотуна келип түшөт.

"Үй-бүлөдө аялдын жабыр тартышынын себептери көп. Биринчиден, эркектер ар кандай турмуштук кыйынчылыктарга психологиялык жактан туруксуз келишет, көтөрө алышпайт. Жумушсуздук, каражаттын тартыштыгы буга башкы себеп. Ошондой эле аялдардын тиешелүү органдарга кайрылбай, чыдап жүрө бергени да абалды курчутуп жиберүүдө. Негизи 2-3 жолу күйөөсү кол көтөргөн аял мындан ары кандай жашоо болот деп ойлонушу керек. Тилекке каршы, ажырашкандан уялып чыдап жүрө берип, аягы өлүм менен бүткөн учурлар кездешүүдө. Бул көйгөй учурда абдан курч турат. Орто Азия мамлекеттеринде Кыргызстан алдыга чыкты", — деди Досалиева.

Ал ошондой эле көйгөйдү чечүүгө республикалык деңгээлде киришип, Жогорку Кеңеш олуттуу мамиле жасашы керектигин кошумчалады.

132
Белгилер:
ажырашуу, арыз, аял, зомбулук
Тема боюнча
Куттубай кызы: үй-бүлөлүк зомбулукка кабылган адам коргоо ордерин ала алат
ИИМ: үй-бүлөлүк зомбулуктун негизги себеби ичимдик болуп жатат
Улуттук энергохолдингдин көз карандысыз серепчиси Чоробай Акунов. Архив

Акунов: суу сатылып жатат деген маалымат жалган

33
(жаңыланган 12:53 10.08.2020)
Улуттук энергохолдингдин көз карандысыз серепчиси Чоробай Акунов альтернативдик булактардан энергия алууну жолго салуу шарт экенин айтты.
Акунов: суу сатылып жатат деген маалымат жалган

Суунун аздыгы көйгөй жаратпашы үчүн кошумча кубаттуулук болушу зарыл. Ал үчүн Камбар-Ата-1 ГЭСинин курулушун тез арада бүтүрүү керек. Бул тууралуу Чоробай Акунов Sputnik Кыргызстан радиосуна маек куруп жатып билдирди.

Анын айтымында, өлкөдө электр энергиясына болгон муктаждык жыл санап өсүп жатат.

Тынчсыздануу бар. Быйыл Токтогул суу сактагычында суу тартыш болору айтылды

"Өлкөдө суу аз келип калган учурлар болот. Кээде жакшы агып келип, көлөмү көбөйүшү ыктымал. Быйыл дагы суу аз келген убакка туш келип турабыз. Анан эле энергетиктер суу сатып жатышат деген сөздөр чыгат. Чындыгында мындай болушу мүмкүн эмес. Себеби сууну жаңы түзүлгөн Суу ресурстары боюнча мамлекеттик агенттик көзөмөлдөйт. Ошондуктан суу сатылып жатат деген маалымат фейк. Суунун тартыштыгы маселе жаратпашы үчүн Камбар-Ата-1 ГЭСин тез арада куруу зарыл. Мындан тышкары, альтернативдик булактардан энергия алууну жолго салуу шарт. Ошондо өлкөдө суунун азайып-көбөйүүсү көйгөй жаратпайт. Ошондой эле коңшу өлкөлөр менен электр энергиясын айлантып бириктирүү дагы ишке ашса, бул жааттагы көйгөйлөр чечилип калат эле. Ага ылайык, Өзбекстан, Казакстан, Тажикстан жана башка өлкөлөр бири-бирине көмөктөшүп турат", — деди Акунов.

Серепчи бир жылдык келишимдин негизинде жайында өлкө Казакстанга 300 миллион киловатт электр энергиясын бергенин айтып, кышында муну кайтарып ала турганын кошумчалады.

33
Белгилер:
ГЭС, электр энергиясы
Тема боюнча
Баатырбеков: күз-кышта ооруканалардын жылуу болушуна өзгөчө көңүл бурулууда
Жогорку категориядагы өпкө дарыгери Бермет Естебесова. Архив

Естебесова: хлор астмасы барларга терс таасирин тийгизет

14
(жаңыланган 12:50 10.08.2020)
Жогорку категориядагы өпкө дарыгери Бермет Естебесова дезинфекциядан улам пневмония күчөп жатат деген маалымат чындыкка дал келбей турганын айтты.
Естебесова: хлор астмасы барларга терс таасирин тийгизет

Хлор зыяндуу заттардын бирине кирет. Ал өнөкөт астмасы барларга зыян. Туура эмес концентрацияда колдонулса адам катуу ууланып же дем алуу органдарынын өнөкөт оорулары күчөшү ыктымал. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, коронавирустук пневмония менен хлордон уулануунун симптомдору эки башка болот.

Пневмониянын жайылышына дезинфекциялоо иштери себеппи? Адистердин пикири

"Дезинфекциялоо үчүн чачылып жаткан хлор коронавирустук пневмонияга алып келбейт. Анткени анын концентрациясы өпкөнү жабырката турган деңгээлге жетпейт. Албетте хлор уулуу зат болуп эсептелет, бирок ал пневмонияны шарттабайт. Хлор туура эмес концентрацияда колдонулса организмди уулап же дем алуу органдарынын өнөкөт ооруларын күчөтүшү ыктымал. Андан ууланганда көңүл айнып, адам кусушу мүмкүн. Өпкөнүн чел кабыгы сезгенип, жөтөл пайда болот. Ал эми коронавирустук пневмония кан коюлуп кетип өпкөнүн тамырчаларына уюп калгандан улам жаралууда. Бул рентгенден пневмония сыяктуу көрүнөт, ошондуктан коронавирустук пневмония деп айтылат. Анда кадимки пневмониядан айырмаланып адамдын дене табы көтөрүлбөйт. Киши демигип, кургак жөтөл пайда болот. Бул экөөнү бири-бирине байланыштыруу такыр мүмкүн эмес. Ошентсе дагы хлордун зыяндуу заттардын катарына кире турганын белгилей кетүүбүз зарыл. Ал көбүнчө дезинфекция иштери үчүн тийиштүү концентрацияда колдонулат. Өпкөнүн өнөкөт оорусу барларга, астма менен жабыркагандарга терс таасирин тийгизиши ыктымал. Ал эми бронхитке анча коркунучтуу эмес", — деди Естебесова.

Дарыгер хлор бөлмөдө колдонулса, терезелерди ачып шамалдатып коюу керектигин кошумчалады.

14
Белгилер:
коронавирус, дезинфекция, хлор, Бермет Естебесова
Тема боюнча
Ыбышева: дезинфекция иштерин адамдар жок учурда жүргүзүү зарыл
Рабочий визит премьер-министра РФ В.Путина на Украину. 20 ноября

Лукашенко Данияр Үсөновго окшош киши менен жолукту. Сүрөт

0
(жаңыланган 17:09 10.08.2020)
Кадрдан Урицкийге окшогон киши Лукашенкого жана анын айланасындагыларга таякча менен бир макетти түшүндүрүп жатканын көрүүгө болот.

БИШКЕК, 10-авг. — Sputnik. Өзүн Даниил Урицкий деп атаган качкын өкмөт башчы Данияр Үсөновго окшош кишинин Белоруссиянын президенти Александр Лукашенко менен түшкөн сүрөтү чыкты.

Сүрөт президентти сайты менен РИА Новостиге жарыяланган. Анда Урицкийге окшогон киши Лукашенкого жана анын айланасындагы кишилерге таякча менен бир макетти көрсөтүп түшүндүрүп жатканын көрүүгө болот. 

Мужчина, похожий на беглого премьер-министра КР Данияра Усенова, который сегодня именует себя Даниилом Урицким с президентом Беларуси Александром Лукашенко на встрече в Минской области
Рабочая поездка президента Беларуси Александа Лукашенко в Минскую область

Маалыматта Лукашенко Минск облусуна иш сапары менен барып, Пухович районундагы жогорку технологиялуу агроөнөр жай өндүрүшүн толук циклде уюштуруу боюнча инвестициялык долбоордун ишке ашырылышы менен таанышары айтылат. Долбоорду "Белоруссиянын улуттук биотехнологиялык корпорациясы" ишке ашырууда.

ЖМК Бакиевдер менен Урицкийдин Белоруссиядагы миллиондогон бизнестери тууралуу

Өз кезегинде Лукашенко долбоорго жогорку баасын берген.

Курманбек Бакиевдин тушундагы соңку премьер-министр болгон Данияр Үсөнов апрель окуясынан кийин кызматынан кол жууган. 3,5 ай премьерликти аркалап, апрель окуясы боюнча иштерден улам сыртынан соттолгон. Ушул тапта Белоруссияда жашайт, ал жакта Даниил Урицкий ысымы менен жүрөт.

0
Белгилер:
долбоорлор, Сүрөт, Александр Лукашенко, Данияр Үсөнов, Белоруссия
Тема боюнча
Белоруссия Данияр Үсөновду эмнеге кайтарып бербей жатканын түшүндүрдү