Транспорт жана жолдор министрлигинин алдындагы Жарандык авиация агенттигинин директору Курманбек Акышев. Архив

Акышев: КР авиациясы быйыл кара тизмеден чыгышы мүмкүн

68
(жаңыланган 11:57 06.02.2020)
Транспорт жана жолдор министрлигинин алдындагы Жарандык авиация агенттигинин директору Курманбек Акышев үч жылда Кыргызстанды Эл аралык жарандык авиация уюмунун (ICAO) кара тизмесинен чыгаруу үчүн бир топ иштер аткарылганын айтты.
Акышев: КР авиациясы быйыл кара тизмеден чыгышы мүмкүн

Кыргыз өкмөтү, Эл аралык жарандык авиация уюму жана бул багыттагы бир катар эл аралык бирикмелердин ортосунда үч тараптуу келишим түзүлүп, атайын план бекитилген. Бүгүнкү күндө ал 96-98 пайызга ишке ашты. Эми тийиштүү талаптар аткарылып, текшерүүлөр жыйынтыкталса, быйыл Кыргызстандын авиациясы кара тизмеден чыгышы мүмкүн. Бул тууралуу Курманбек Акышев Sputnik Кыргызстан радиосуна маек куруп жатып билдирди.

Анын айтымында, жүргүнчүлөрдү ташыган жергиликтүү авиакомпаниялар да эл аралык талаптарга жооп берүү максатында учактардын паркын кеңейтүүгө аракет кылып жатышат. 2019-жылы үч учак сатып алынган. Алар үстүбүздөгү жылдын май айына чейин Кыргызстанга келет.

"Өткөн жылы Кыргызстандын Жарандык авиация агенттиги Эл аралык жарандык авиация уюмунун (ICAO) аудиттик текшерүүсүнөн ийгиликтүү өттү. Ошондой эле Еврокомиссиянын эксперттери да декабрь айында келип, тийиштүү анализдерин жүргүзүшкөн. Айрым кемчиликтер аныкталып, аларды жоюу багытында бир топ иштер аткарылыды. Буга чейин кыргыз өкмөтү, Эл аралык жарандык авиация уюму жана бир катар эл аралык бирикмелердин ортосунда үч тараптуу келишим түзүлүп, атайын план бекитилген. Бүгүнкү күндө анын 96-98 пайызы аткарылып бүттү. Мындан улам кара тизмеден чыгуу үчүн Еврокомиссияга кайрылуу жолдогонбуз. Учурда жообун күтүп жатабыз. Болжол менен эки айдын аралыгында аталган комиссиянын өкүлдөрүн тосуп алып, акыркы этаптагы текшерүүлөр өткөрүлөт же биз Брюсселге барып атайын жыйынга катышабыз. Ошонун жыйынтыгы менен анан акыркы чечим кабыл алынат. Быйылкы жылы Кыргызстандын кара тизмеден чыгууга толугу менен мүмнкүнчүлүгү бар. Ал үчүн бардык иштер аткарылды", — деди Акышев.

Аткаминер учурда Кыргызстандын Air Manas авиакомпаниясынын Европанын авиациялык коопсуздук агенттигинин (EASA) сертификаты бар экенин жана учурда аны Avia Traffic Company авиакомпаниясы алууга далалат кылып жатканын, бул аракеттер дагы өлкөнү кара тизмеден чыгарууга өбөлгө болорун кошумчалады.

68
Белгилер:
кара тизме, жарандык авиация, Кыргызстан, Курманбек Акышев
Тема боюнча
Кыргызстан аэропортторун тышкы башкарууга берип эмне пайда көрөт? Маани-маңызы
ЖИА бизнес-ассоциациясынын аткаруучу директору Фархат Пакыров. Архив

Пакыров: орто жана чакан бизнес өлкөдөгү инвестициялык абалдын күзгүсү

29
(жаңыланган 15:34 25.01.2021)
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.
Пакыров: орто жана чакан бизнес — өлкөдөгү инвестициялык абалдын күзгүсү

Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.

Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.

"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.

Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.

29
Белгилер:
инвестициялар, бизнес, Фархат Пакыров
Тема боюнча
Кыргызстанга кандай инвестициялар тартыла турганы айтылды
Нуска китеп борборунун жетекчиси Анаркан Садыкулова

Садыкулова: жаман китеп болбойт

30
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун,  жаман окурман болушу мүмкүн экендигин айтты.
Садыкулова: жаман китеп болбойт

Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, ар бир китептин өзүнө тиешелүү окурманы болот.

"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.

Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.

30
Белгилер:
жаштар, билим, китеп
Тема боюнча
Өлкөдө көзү азиздер үчүн окуу китептер басып чыгарылды
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди