Социалдык фонддун маалымат кызматынын жетекчиси Жеңишбек Мукамбетов

Мукамбетов: учурунда пенсияга чыгуу жаш курагы теңдештирилбей калган

127
Социалдык фонддун маалымат кызматынын жетекчиси Жеңишбек Мукамбетов пенсияга эрте чыгуу жобосун алып салуу үчүн мыйзамга өзгөртүүлөрдү киргизүү боюнча ар кандай сунуштар түшкөнүн айтты.
Мукамбетов: учурунда пенсияга чыгуу жаш курагы теңдештирилбей калган

Учурунда пенсияга чыгуу үчүн жаш курак аялдардыкы 58, эркектердики 63кө көтөрүлгөн. Ошол эле маалда иш тажрыйбасы көптөр жана бийик тоолуу аймакта жашагандар бул эрежеден бошотулуп калган. Бул тууралуу Жеңишбек Мукамбетов Sputnik Кыргызстан радиосунун таңкы эфиринде маек куруп жатып билдирди.

Анын айтымында, өлкөдө социалдык камсыздандыруу түшүнүгү 1996-жылы ошол мезгилдин талабына жараша киргизилген.

"Пенсияга эрте чыгуу жобосун алып салуу үчүн мыйзамга өзгөртүүлөрдү киргизүү боюнча комиссия 2019-жылдан бери иш алып барууда. Анын алкагында аймактарды кыдырып, эл менен жолугушуулар, пикир алмашуулар өткөрүлгөн. Негизинен орто жана чакан бизнесте жүргөндөрдүн тарифитик чендерин азайтып, пенсияга чыгуунун жаш курагын карап чыгуу максатталган. 2008-жылы мыйзамга өзгөртүүлөр кирип, пенсияга чыгуу жаш курагы эркектердики 63, аялдардыкы 58ге көтөрүлгөн. Ошол эле учурда көп жыл иштегендер тажрыйбасына жараша жаш курагы мурдагы бойдон калып кеткен. Мисалы, бул талапка ылайык аялдар 55, эркектер 60 жаш курагында пенсияга чыгышат. Мындан тышкары, бийик тоолуу аймакта жашаган жарандарыбыздын жаш курагы көтөрүлгөн эмес. Учурда аталган аймакта жашаган эркектер 55 жаштан, аялдар 50 жаштан, эгерде беш же андан көп балалуу болсо 45 жаштан пенсияга чыга алышат. Бул ошол мезгилдин талабына ыңгайлаштырылып калган", — деди Мукамбетов.

Ал ошондой эле пенсияга эрте чыгуу жобосун алып салуу үчүн мыйзамга өзгөртүүлөрдү киргизүү боюнча алгачкы сунуш болуп, дагы кошумча-алымчалар болорун кошумчалады.

127
Белгилер:
жаш курак, мыйзам, пенсия, Жеңишбек Мукамбетов
Тема боюнча
Соцфонд пенсияга мөөнөтүнөн эрте чыгууну жоюуга ниеттенип жатат
Врач-эндокринолог Гүлжамал Турсункулова. Архивдик сүрөт

Турсункулова: кишинин семирип кетишинин үч башкы себеби бар

723
Эндокринолог Гүлжамал Турсункулова эркектерге караганда аялдар бат эле ашыкча салмак кошуп аларын айтты.
Турсункулова: кишинин семирип кетишинин үч башкы себеби бар

Кишинин семирип кетүүсүнүн үч башкы себеби бар. Бул тууралуу Гүлжамал Турсункулова Sputnik Кыргызстан радиосуна маек куруп жатып билдирди.

Арыктоо үчүн күнүмдүк тамакка колдончу азыктар тизмектелди

Анын айтымында, ашыкча салмак кант диабетинин пайда болушуна жана башка жүрөк-кан тамыр ооруларынын жаралышына өбөлгө түзүшү мүмкүн.

"Адамдардын ашыкча салмак кошуп алышынын башкы үч себеби бар. Алар — туура эмес тамактануу, генетика жана гормондордун бузулушу. Өзүнүн семирип баратканын түшүнгөн адам алгач эндокринологго кайрылып, себебин аныктап алганы жакшы. Анткени арыктайм деген айрым кишилер дароо эле диета кармоодон башташат. Эгер толуп кетүүсүнүн себеби туура эмес тамактануу болбосо, анда мындай диеталар организмге олуттуу зыян келтирип коюшу мүмкүн. Дагы бир маанилүү маселе — бизде туура тамактануу дегенди калориялуу азык-түлүктөрдү жеш керек деп түшүнгөндөр да жок эмес. Тескерисинче, майлуу, күчтүү тамактар организм үчүн пайдасы аз азыктар болуп эсептелет. Дүйнөдө семирип кетүүнү кедей өлкөлөрдүн "оорусу" деп аташат. Анткени калкы бай жашаган мамлекеттерде адамдар жашылча, жемиштерди төрт мезгил бою жеп, туура тамактанууга далалаттанышат",— деди Турсункулова.

Дарыгер таттуу, газы бар суусундуктар да салмак кошууга өбөлгө болорун кошумчалады.

723
Белгилер:
ден соолук, салмак
Тема боюнча
Эндокринолог: уйку гормону бузулган адам бат картаят
Улуттук банктын расмий өкүлү Аида Карабаева

Карабаева: ЕАЭБде доллардан арылуу маселеси бир нече жолу талкууланган

42
Улуттук банктын расмий өкүлү Аида Карабаева Кыргызстанда либералдык валюта саясаты ишке ашырылгандыктан эл аралык валюталарды колдонуу жарандардын чечиминен көз каранды экендигин айтты.
Карабаева: ЕАЭБде доллардан арылуу маселеси бир нече жолу талкууланган

Соңку учурларда өлкөлөр арасында өз ара соода жүргүзүүдө улуттук валютаны колдонуу актуалдуу болууда. Доллардан арылуу маселеси ЕАЭБдин кеңешинде дагы талкууланып келет. Бул тууралуу Аида Карабаева Sputnik Кыргызстан радиосуна маек берип жатып билдирди.

Анын айтымында, АКШ — Кытай соода тиреши жана АКШнын Россияга санкцияларды киргизүүсү Россия менен Кытайдын ортосунда улуттук валютаны колдонууга түрткү болууда.

ЕАЭБ менен Кытай: кызматташуунун бир нече тармагы талкууланды

"Акыркы учурда өлкөлөр арасында өз ара соода жүргүзүүдө улуттук валютаны колдонуу абдан актуалдуу болууда. Доллардан арылуу маселелери ЕАЭБдин өкмөттөр аралык кеңешиндеги отурумунда бир нече жолу каралган. Учурда Россия жана Кытайдын соода жүргүзүүсүндө АКШ долларынын үлүшү азаюуда. Мындай кадам келечекте ЕАЭБ ичинде акча жүгүртүүгө юань же башка бир бирдиктүү акча кирип калышы мүмкүн деген да ойду жаратпай койбойт. Ошондой эле дүйнөлүк эксперттер да юандын дүйнөлүк же регионалдык валюта болуу мүмкүнчүлүгү бар экенин айтышууда. Анткен менен бул үчүн бир катар шарттар болушу зарыл. Алсак, өлкөлөр аралык экспорттук-импорттук операциялардын көлөмү бирдей болушу керек. Валюта тобокелчиликтерин камсыздандырууга мүмкүнчүлүк берген жагдай түзүлүүсү шарт", — деди Карабаева.

Ошондой эле ал Кытайдын бийлиги акыркы он жылда өз акчасынын ролун жогорулатууга жана эл аралык валюта статусун алууга багытталган аракеттерди жүргүзүп, натыйжада доллар, евро, фунт жана иена менен бирге 2016-жылдан тартып юань эл аралык валюта фондунун куржунунда экенин кошумчалады.

42
Белгилер:
соода, юань, Евразиялык экономикалык биримдик, Аида Карабаева
Тема боюнча
Ишемкулов: Өзбекстандын ЕАЭБге жакындашуусу эки тарапка тең пайдалуу
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

0
(жаңыланган 23:26 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

0
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти