Купешов: Бишкекте ондогон өлкө катышкан тиричилик буюмдарынын көргөзмөсү өтөт
(жаңыланган 15:24 06.02.2020)
Соода-өнөр жай палатасынын Региондор менен иш алып баруу департаментинин жетекчиси Болот Купешов көргөзмөлөр өндүрүшчүлөр менен кардарлардын ортосунда баарлашуу аянтчасы болорун айтты.Купешов: Бишкекте ондогон өлкө катышкан тиричилик буюмдарынын көргөзмөсү өтөт
Борбор калаада 20-22-мартта Expo Kyrgyzstan-Eurasia-2020 көргөзмөсү өтөт. Бул тууралуу Болот Купешов Sputnik Кыргызстан радиосуна маек куруп жатып билдирди.
Анын айтымында, Каба уулу Кожомкул атындагы спорт сарайында эмерек көргөзмөсү жана тиричилик буюмдарынын жарманкеси болот.
"Соода-өнөр жай палатасы жылына план боюнча эки ири көргөзмө уюштурат. Анда өндүрүшчүлөр, ишкерлер өздөрүнүн продукциясы тууралуу маалымат берип, пикир алышып, келишимдерди түзөт. Мындан тышкары, көргөзмө-жарманкелер квартал сайын өтүп турат. Биздин палата ишкерлердин көмөгү менен эл аралык көргөзмөлөргө катышып, жетиштүү тажрыйба топтоп калдык. Быйыл Expo Kyrgyzstan-Eurasia-2020 көргөзмөсүн уюштуралы деп турабыз. Ага Индия, Түркия, Кытай, Иран сыяктуу ондогон өлкөлөрдөн ири компаниялар катышат. Бул иш-чара экспорт-импорттун көтөрүлүүсүнө дагы көмөк болот деген ишенимдебиз", — деди Купешов.
Ошондой эле чет элдиктерди кыргыз айыл чарба продукциясы жана кол өнөрчүлүк буюмдары кызыктырарын кошумчалады.
Белгилер:
Карагулова: республика боюнча 10 миң 214 адам ВИЧ/СПИД менен жашайт
(жаңыланган 15:37 01.12.2020)
Бишкек шаардык СПИДдин алдын алуу жана ага каршы күрөшүү борборунун директору Аида Карагулова соңку учурларда ВИЧ/СПИДди аныктоо иштери жакшы натыйжа берип жатканын белгиледи.Карагулова: республика боюнча 10 миң 214 адам ВИЧ/СПИД менен жашайт
Республика боюнча 10 миң 214 адам ВИЧ/СПИД менен жашайт. Анын ичинен 2 072си Бишкек шаарында. Бул тууралуу Аида Карагулова Sputnik Кыргызстан радиосуна маек берип жатып маалымдады.
Анын айтымында, аталган илдетти жуктуруп алгандар эң көп катталган аймак — Чүй облусу.
"Соңку учурларда ВИЧ/СПИДди аныктоо боюнча иш-аракеттер жакшы болуп жатат. Акысыз тестирлөө боюнча ар кандай акциялар жүргүзүлүүдө. Статистикага токтоло турган болсок, жалпысынан алганда республика боюнча 10 миң 214 адам ВИЧ/СПИД менен жашайт. Анын ичинен 2072 киши Бишкек шаарында катталган. Алдыңкы орунда Чүй облусу, бардык катталгандардын 21 пайызы Бишкек шаарында, 16 пайызы Ош облусунда жана 11 пайызы Жалал-Абадда жашайт. Бишкек шаары менен Чүй облусунда көп катталып жатышына ички жана тышкы миграция себеп болуусу ыктымал", — деди Карагулова.
Ал ошондой эле ВИЧ/СПИД менен жашаган адамдарга коронавирус кандай таасир эте турганы изилдене электигин кошумчалады.
Белгилер:
Талантбеков: "Манаста" тамактануу убактары "нанүштө", "жагына" делген
(жаңыланган 12:19 01.12.2020)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунан тамактануу боюнча дагы маалыматтарды алса болорун белгиледи.Талантбеков: "Манаста" тамактануу убактары "нанүштө", "жагына" делген
Таңкы тамактануу "нанүштө", түшкө маал тамак ичүү "түштөнүү", ал эми кечки курсак тойгузуу "жагына" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.
Анын айтымында, мындай сөздөр эпосто колдонулуп, ал тургай кандай тамактануу туура боло турганы айтылган.
"Көбүнесе тамактанууну эртең мененки, түшкү жана кечки деп бөлүп айтылып жүрөт. Айрым учурда бул дагы колдонулбай "завтрак, обед, ужин" делип орусчасы колдонулууда. "Манас" баянында таңкы тамактануу "нанүштө" делип, анда жеңил-желпи тамак желген. Ал эми "түштөнүүдө" абдан күчтүү тамактануу зарылдыгы белгиленген. Ошол эле эпосто кечки курсак тойгузуу "жагына" делип, ал өтө кечке калтырылбастыгын аңдасак болот", — деди Талантбеков.
Манасчы эпостогу көөнө сөздөрдү колдонуп аны коомго жайылтуу керектигин кошумчалады.
Белгилер:
Казакстандык бодибилдер акыры секс куурчагы менен баш кошту. Сүрөт, видео
БИШКЕК, 2-дек. — Sputnik. Казакстандык режиссёр жана бодибилдер Юрий Толочко бир жарым жылдан бери чогуу "жашап" жүргөн Марго аттуу секс куурчагы менен баш кошту. Бул тууралуу ал Instagram баракчасы аркылуу билдирди.
Посмотреть эту публикацию в Instagram
Той ресторанда өткөн. Үйлөнө турчу жигит кадимкидей эле костюм-шым, колукту ак көйнөк кийген. Жаштарды куттуктаганы ондогон киши келгенин байкоого болот. Юрий "кыздын" колуна шакек салып, жайыраак бий аткарышкан.
Посмотреть эту публикацию в Instagram
Белгилей кетсек, Нур-Султан шаарында жашаган бул адам көптөн бери Марго аттуу куурчак менен кыз-жигит болуп жүргөнүн айтып, былтыр анын колун сураган. Үйлөнүү тоюн бир нече жолу пландап, бирок пандемияга байланыштуу жылдырган болчу.
Посмотреть эту публикацию в Instagram
Өзүнүн айтымында, биринчиден, ал мындай жол менен өзүн жаңы ролдо сынап көргүсү келген. Экинчиден, коомдун кандай кабыл аларына кызыккан.