Медициналык жардам жана дары-дармек саясаты уюмун уюштуруу башкармалыгынын башкы адиси Бермет Самаганова. Архив

Самаганова: медиктер баланын үй-бүлөлүк шартын комплекстүү карайт

63
(жаңыланган 12:41 10.02.2020)
Медициналык жардам жана дары-дармек саясаты уюмун уюштуруу башкармалыгынын башкы адиси Бермет Самаганова зордук-зомбулук катталганда айрым кыйынчылыктар кездешкенин айтты.
Самаганова: медиктер баланын үй-бүлөлүк шартын комплекстүү карайт

Зордук-зомбулукка кабылган балдарды коргоо стандарттары кабыл алынды. Ага ылайык, дарыгерлер мурдагыдай баланын ден соолугуна эле кам көрбөстөн, балага эмне тамак берилип жатканынан тартып үйдүн жылуулугу жана ушуга окшогон факторлордун негизинде үй-бүлөнүн шартын комплекстүү карайт. Бул тууралуу Бермет Самаганова Sputnik Кыргызстан радиосунун таңкы эфиринде маек куруп жатып билдирди.

Анын айтымында, кабыл алынган стандарттар медиктер үчүн ыңгайлуу, бирок айрым тоскоолдуктар бар.

"Зордук-зомбулукка кабылган балдарды коргоо стандарттары мамлекеттик органдардын иш алып баруусунун так көргөзмөсү. Алгач Стамбул протоколу киргизилген. Анда зордук-зомбулукту аныктоо жана аны каттоо боюнча атайын стандарттар жазылган. Кийин зордук-зомбулукка кабылган балдарды каттоо, анын документ иштерин жүргүзүү, медициналык камкордук көрүү боюнча кыйынчылыктар чыга баштады. Натыйжада 2018-жылы сектор аралык топ түзүлүп, зордук-зомбулуктун алдын алуудан баштап, ага көрсөтүлө турган жардамдар тууралуу так жана толук жазылган стандарттар кабыл алынды", — деди Самаганова.

Адис ошондой эле депрессия, суицидге жакын кишилерди аныктап, психологиялык жардам берүү боюнча программа иштелип чыкканын кошумчалады.

63
Белгилер:
дарыгерлер, стандарт, зордук-зомбулук
Тема боюнча
Кайыпов: өткөн жылы 171 бала зордук-зомбулукка кабылган
Кыргыз таануучу, Бакдөөлөт коомдук фондунун жетекчиси Мелис Мураталиев

Мураталиев: кыргыз үй-бүлөсү "эриш-аркак" философиясы менен бекем сакталган

24
(жаңыланган 15:34 12.06.2021)
Кыргыз таануучу, "Бакдөөлөт" коомдук фондунун жетекчиси Мелис Мураталиев үй-бүлөнүн мамлекеттүүлүккө тийгизген таасири тууралуу айтып берди.

Кыргызда урууга бөлүнүүнү жектегендер бар. Ооба, азыркы заманда аны саясатташтырып, туура эмес нукта колдонуп жатышат. Бирок дээринде бул бүтүндүктү сактап калчу чоң күчкө ээ. Мындай пикирин Мелис Мураталиев Sputnik Кыргызстан радиосунун эфиринде билдирди.

Мураталиев: кыргыз үй-бүлөсү "эриш-аркак" философиясы менен бекем

Анын айтымында, кыргыздар мамлекеттүүлүгүн жоготсо да элдүүлүгүн жоготпой жашап келген учурлар тарыхта көп болгон.

"Кыргыздын кылымдарды карытып жоголуп кетпей жашап келишинин башкы себеби ал ар кандай учурда өзүнүн элдүүлүгүн сактап кала алган. Албетте, мунун башатында үй-бүлө турат. Кыргыз үй-бүлөсүндө тең укуктуулук же аял, эркек теңдиги деген түшүнүк болгон эмес. Эриш-аркак, экөө биригип бир бүтүн деген философияны карманышкан. Мына ушундай тарбия менен үй-бүлө институту бекем кармалган. Кыргыздар тукумумду, уругумду, уруумду, журтумду уят кылбайын деген намыс менен, башкача айтканда, элге өзүн арнап жашашкан. Байыркы ата-бабаларыбызда өзүмчүлдүк түшүнүгү уят катары кабылданган. Ошондуктан да түтүнмө-түтүн кырылып, мамлекеттүүлүгүнөн, эркиндигинен ажыраса да элдүүлүгүнөн айрылбай, уруулашына, журтташына жөлөк-таяк болуп кайрадан жетилип, мамлекеттүүлүгүн түптөгөн деңгээлге жете алган. Тилекке каршы, азыркы Кыргызстан элдин эмес индивиддин, жеке адамдын мамлекетине айланды", — деди Мураталиев.

Ал үй-бүлө институтунун бекем сакталышына, мамлекеттүүлүктүн өнүгүп-өсүшүнө терс таасирин тийгизген иш-аракеттер мыйзамдарга чейин кирип кеткендигин кошумчалады.

Подкасттын толук вариантын видеодон көрүңүз:

24
Белгилер:
философия, кыргыз, үй-бүлө, Мелис Мураталиев
Тема боюнча
Кыргызда өлүмдөн да катуу жаза болгон. Бала тарбиялоо жөнүндө кызыктуу маек
Куудул, актёр, вайнер Азамат Исмаилов

Исмаилов: эптеп эле эл оозуна илиништи каалагандар көбөйдү

42
(жаңыланган 15:28 12.06.2021)
Куудул, актёр, вайнер Азамат Исмаилов хайптын көбөйүшү коомду руханий ачарчылыкка кептеши мүмкүн деген пикирин билдирди.

Жасаган продукцияң элге жакшы жайылбай, интернетте көрүүчүң аз болуп калганда хайп жасап жибергиң келет. Бирок кийинкиңди ойлойсуң. Максатың эптеп эле элге таанылуу эмес, талантың менен коомго салым кошуу болгон соң, сапаттуу, пайдалуу иш жасагың келет. Мындай пикирин Азамат Исмаилов Sputnik Кыргызстан радиосунун эфиринде маек куруп жатып билдирди.

Исмаилов: эптеп эле эл оозуна илиништи каалагандар көбөйдү

Анын айтымында, өз чыгармачылыгында элге көбүрөөк таанылууну эмес, ата-эне, бала-чакасы көргөндө уялбай тургандай нерселерди даярдоого аракет кылат.

"Социалдык тармактардын өнүгүүсү менен интернет дагы кубаттуулугун жогорулатты. Мурдагыдай элди бир нерсеге таң калтырып, көңүл бурдуруу кыйынга туруп калды. Андыктан атак-даңкты эңсегендер ар кандай жол менен элдин көңүлүн бурууга тырышып келишет. Аларды көрүүчүлөр шылдыңдап жатса деле таанылып жатканына маашырланып, ошол учурдан пайдаланып жарнамалык иштер менен кызматташып, убактылуу каражат таап алуу мүмкүнчүлүгүн колдонгондор бар. Бирок бул тенденцияны кадимки көрүнүш катары карап койбой, олуттуу көңүл буруу зарыл. Улуттук идеологиясы жок өлкөдө хайп коомго коркунуч жаратып, руханий ачарчылыкка кептеши ыктымал", — деди Исмаилов.

Актёр өзгөчө жаштарды келечектүү, пайдалуу видеоконтенттерге багыттоо зарылдыгын кошумчалады.

Подкасттын толук версиясын видеодон көрүңүз:

42
Белгилер:
Азамат Исмаилов, руханий байлык, интернет
Тема боюнча
Кадырбеков: ит, кушту бакса болот, баланы тарбиялоо зарыл
Кыргызстандын президенти Садыр Жапаров. Архив

Азыр тигүүчү, бычмачы, модельер эң керектүү кесип. Жапаровдун куттуктоосу

9
(жаңыланган 10:50 13.06.2021)
Бүгүн — жеңил өнөр жай кызматкерлеринин күнү. Өлкө башчы өндүрүштүн жаңы талаптарына жооп берген квалификациялуу кадрларды даярдоо пландалганын айтты.

БИШКЕК, 13-июн. — Sputnik. Президент Садыр Жапаров бүгүн, 13-июнда, жеңил өнөр жай тармагынын кызматкерлерин кесиптик майрамы менен куттуктады. Бул тууралуу өлкө башчынын маалымат кызматы кабарлады.

Жапаров жеңил өнөр жайы өлкөнүн экономикалык өнүгүүсүнүн артыкчылыктуу жана стратегиялык маанилүү багыттарынын бири болуп саналарын белгилеген.

"Текстиль, кийим тигүү, бут кийим өндүрүү жана булгаары иштетүү ишканаларынын жетекчилеринин жана жумушчуларынын күжүрмөн эмгегинин аркасында өлкөнүн социалдык-экономикалык потенциалы жогорулап жатат. Ата мекендик жеңил өнөр жай продукцияларынын кеңири, сапаттуу жана жеткиликтүү ассортименти республиканын экспортундагы алдыңкы позицияларды кармап калууга, экспорттук негизги рыноктордогу суроо-талаптарды жана муктаждыктарды канааттандырууга мүмкүндүк берет", — деп айтылат маалыматта.

Президент аталган тармакта мурунку муундун салтын сактап келген, жаңы технологияларды ийгиликтүү өздөштүргөн адистер эмгектенерин жана бул жеңил өнөр жайдын туруктуу өнүгүүсүнө өбөлгө түзөрүн кошумчалаган.

Жеңил өнөр жай ишканалары республиканын эмгек рыногунда калкты олуттуу деңгээлде иш менен камсыз кылып, жарандардын жашоо сапатына оң таасирин тийгизүүдө деген.

"Тигүүчүлөрдүн, бычмачылардын, модельерлердин кесиби республикада эң көп талап кылынган адистиктердин катарына кирет. Ошону менен жакынкы мезгилде мамлекет тарабынан өндүрүштүн жаңы талаптарына жооп берген квалификациялуу кадрларды даярдоо боюнча иштерди жүргүзүү каралууда. Мамлекет тарабынан ушул артыкчылыктуу тармакты колдоо боюнча иштер улантылат, ири долбоорлорду ишке ашырууга көмөк көрсөтүлөт, анын сапаттуу уюштурулушу он миңдеген жумуш орундарын түзүүгө жана анын өнүгүү деңгээлинин жаңы масштабдарына өтүүгө мүмкүнчүлүк берет", — деди президент.

Өлкө башчы Садыр Жапаров жеңил өнөр жайдын ар бир кызматкерине жана ардагерине ак ниет эмгеги, жалпы республиканын экономикасынын өнүгүшүнө кошкон баа жеткис салымы үчүн зор ыраазычылык билдирген.

9
Белгилер:
экономика, куттуктоо, Жеңил өнөр жайы, Садыр Жапаров, Кыргызстан
Тема боюнча
Акылбек Жапаров: Түркия менен соода жүгүртүү 1 млрд. долларга жеткирилет
Кыргызстан Түркияга Таласта төө буурчакты кайра иштеткен завод ачууну сунуштады