Радиостудия Sputnik Кыргызстан в Бишкеке - Sputnik Кыргызстан
Радио

Косметолог: күндөн коргоочу крем сүйкөө тиш жуугандай эле адат болушу керек

© Sputnik / Асель СыдыковаДарыгер-косметолог Жанара Кубаныч
Дарыгер-косметолог Жанара Кубаныч - Sputnik Кыргызстан
Жазылуу
Дарыгер-косметолог Жанара Кубаныч жазында беттин терисине күндөн коргоочу крем сүйкөп жүрүү керектигин айтты.
Косметолог: күндөн коргоочу крем сүйкөө тиш жуугандай эле адат болушу керек

Үй шартында бетке кам көрүүдө кечкисин бетке арналган гелдин жардамы менен тазалап алыш керек. Бул бир топ маселенин алдын алат. Мындай пикирин Жанара Кубаныч Sputnik Кыргызстан радиосунун эфиринде маек куруп жатып билдирди.

Анын айтымында, териге кышкысын кам көрбөгөн аялдын бети кургап, бетине бырыш түшүп же болгон бырышы тереңдеп кетиши мүмкүн.

"Кышкысын температура төмөн болуп, күндүн нуру аз тийгендиктен пилинг процедуралары көп жасалат. Бул процессте беттин үстүңкү катмарындагы тери түлөп түшүп, жаңы өсүп келе жаткан клетка ачылат. Аталган процедура ноябрь, декабрь, январь, февраль айларында аба ырайына жараша жасала берет. Күн жылыган учурда пилинг жасоого таптакыр болбойт. Себеби ультрафиолет нуру тескерисинче тактарды пайда кылышы ыктымал. Биздин климат кургак болгондуктан так түшүп, беттин кан тамыры кеңейип, тери кургап кетет. Жаз келери менен бетке кам көрүүнү терини күндүн нурунан коргоодон башташ керек. Өзгөчө региондордо терини коргоону, кам көрүүнү жакшы биле беришпейт. Эртең менен кечинде тишибизди жуугандай эле күндөн коргоочу бет майды сүйкөөнү адат кылып алышыбыз керек. Тоолуу аймакта жашагандыктан бизге spf 50 жогорку деңгээлде коргоочу бет май ылайыктуу болот. Айрымдар spf 20, 25, 50+ деп турса жаш курак көрсөтүлгөн экен деп колдонуудан баш тартышат. Бул туура эмес түшүнүк. Мисалы, spf 50 дегени  — терини күндүн нурунан беш саат коргойт дегендик", — деди косметолог.

Ал ошондой эле күн жылыган маалда мезотерапия процедурасы жасала баштарын кошумчалады.

Жаңылыктар түрмөгү
0